July 2015 ~ AHKTER HUSIN (အာက်တာရ် ဟူးဆီန်း)

Friday, July 31, 2015

နေကြာစေ့

ဈေးသက်သက်သာသာနဲ့ အချိန်တိုင်း ၀ယ်ယူလို့ရတဲ့ နေကြာစေ့ကို လူတိုင်းလိုလို နှစ်သက်ကြပြီး မကြာခဏစားလေ့ရှိကြတာမို့ သရေစာအဖြစ် သာမက ကျန်းမာရေးအတွက် ဘာတွေကောင်းကျိုးရှိလဲဆိုတာ သိချင်ကြမယ် ထင်ပါတယ်။ နေကြာစေ့တွေဟာ ခေါင်းအစ ခြေအဆုံး ကျန်းမာရေးကောင်းကျိုးပြုပြီး ထူးခြားချက်တစ်ခုကတော့ ကင်ဆာရောဂါတွေကို ကာကွယ်နိုင်စွမ်းရှိတာပဲ ဖြစ်ပါတယ်။

နေကြာစေ့မှာ အရိုးကျန်းမာစေတဲ့ မဂ္ဂနီဆီယမ်နဲ့ ကော့ပါးသတ္တု ဓာတ်တွေပါဝင်တဲ့အပြင် ဗီတာမင်အီးကြွယ်ဝတာကြောင့် အဆစ်ရောင်တာကို သက်သာစေနိုင်ပါတယ်။ နေကြာစေ့ စားရင် စိတ်တည်ငြိမ်စေပြီးစိတ်ဖိစီးမှုတွေနဲ့ ခေါင်းတစ်ခြမ်းကိုက်ခဲခြင်းတွေကို ပျောက်ကင်းစေ တယ်လို့ ဆိုပါတယ်။

ဒါ့အပြင် အလှအပအတွက်ဆိုရင်လည်း အသားအရေ ကောင်းမွန် စေပြီး အရွယ်တင်နုပျိုစေတာကြောင့် အမျိုးသမီးအများ စုအတွက်တော့ အဖော်မွန်ကောင်းလို့ ဆိုရမှာပါ။ အဆစ်အမြစ် ကိုက်ခဲတာ၊ အစာအိမ်နာတာ၊ အနာပေါက်တာနဲ့ ပန်းနာရောဂါတွေကိုလည်း သက်သာစေပါတယ်။

နေကြာစေ့ ပုံမှန်စားပေးမယ်ဆိုရင် နှလုံးရောဂါအတွက် ကာကွယ်ပြီးသားဖြစ်သလို ဒီအတိုင်းစားတာအပြင် အသုပ်တို့၊ ထမင်းတို့၊ ဒိန်ချဉ်တို့၊ အသားညှပ်ပေါင်မုန့်တို့ စတာတွေမှာလည်း ဖြူးပြီးတော့စားနိုင်ပါသေးတယ်။ တစ်ခုသတိထားရမှာတော့ သွေးပေါင်ကျတတ်တဲ့သူတွေ နေကြာစေ့စားလွန်းရင် ခေါင်းမူးဝေပြီး အော့အန်တာအထိ ဖြစ်တတ်ပါ တယ်။

ချွေးပေါက် မကျယ်စေဖို့

By Ahkter Husin 2:02:00 PM No comments

ချွေးပေါက်က အသားအရေကို အစိုဓာတ်ရရှိပြီး ချောမွတ်စေရန် လိုအပ်တဲ့ သဘာဝ အဆီတွေကို ထုတ်ပေးပါတယ်။ သူတို့တွေက ခန္ဓာကိုယ်က အဆိပ်တွေကိုလည်း စစ်ထုတ်ပေးပါတယ်။ ယေဘုယျအားဖြင့် အဆီပြန်တဲ့ အသားအရေ ပိုင်ရှင်တွေမှာ ခြောက်သွေ့တဲ့ အသားအရေ ပိုင်ရှင်တွေထက် ပိုကျယ်တဲ့ ချွေးပေါက်တွေ ရှိကြပါတယ်။
အထူးသဖြင့် အဆီဂလင်းများတဲ့ နှာခေါင်း တစ်ဝိုက်မှာ ချွေးပေါက်ကျယ်တွေကို မြင်ရတတ်ပါတယ်။ ချွေးပေါက် ကျယ်ရခြင်းမှာ အကြောင်းအရင်း အမျိုးမျိုး ရှိကြပါတယ်။ စိတ်ဖိစီးခြင်း၊ အသက်အရွယ်၊ မျိုးရိုး၊ အဆီအထွက်များခြင်း၊ မိတ်ကပ်၊ တချို့သော အသားအရေဆိုင်ရာ အလှကုန်များ စတာတွေကြောင့် ဖြစ်ပါတယ်။ အောက်ပါ နည်းလမ်းတွေကတော့ ချွေးပေါက်ကျယ်ခြင်းကို အနည်းနဲ့ အများတော့ သက်သာ စေပါလိမ့်မယ်။
၁။ ရေခဲတုံးများ
ရေခဲတုံးက သွေးလှည့်ပတ်မှုကို ကောင်းမွန်စေလို့ ပိုကျန်းမာစေတဲ့ အသားအရေကို ရရှိစေနိုင်ပါတယ်။ မျက်နှာသန့်စင်ပြီးတိုင်း တစ်နေ့လျှင် နှစ်ကြိမ် (၅-၁၀) မိနစ်ခန့် ရေခဲတုံးဖြင့် မျက်နှာကိုပွတ်ပါ။ ဒီနည်းက ချွေးပေါက် ကျဉ်းစေပါတယ်။ ပိုပြီး ထိရောက်ချင်ရင် ရေခဲဗန်းထဲမှာ ခရမ်းချဉ်သီးရည် (သို့) ရှောက်ရည် ထည့်ပြီး အေးခဲထားလိုက်ပါ။
၂။ ပျားရည်
ပျားရည်မှာ ပါဝင်တဲ့ potassium ဓာတ်က ချွေးပေါက်တွေကို ပိတ်စေတဲ့ ဘတ်တီးရီးယားတွေကို ဖယ်ရှား ပေးနိုင်ပါတယ်။ ထိုနည်းတူစွာ ဒိန်ချဉ်မှာ ပါဝင်တဲ့ Lactic Acid က အသားအရေကို ဂျီးချွတ်ပေးပြီး ချွေးပေါက်တွေကို သန့်စင်ပေးပါတယ်။ ဒါကြောင့် ဒိန်ချဉ်နဲ့ ပျားရည်ကို ရောစပ်ပြီး ချွေးပေါက် နေရာတွေကို လိမ်းပါ။ မိနစ် အနည်းငယ်ကြာလျှင် ရေဖြင့် သန့်စင်လိုက်ပါ။
၃။ သကြားနဲ့ သံလွင်ဆီ
သကြားနှစ်ဇွန်းနဲ့ သံလွင်ဆီ တစ်ဇွန်းတို့ကို ရှောက်ရည် အနည်းငယ်နဲ့ ရောစပ်ပြီး မျက်နှာတွင် ညင်သာစွာ လိမ်းပါ။ စက္ကန့် (၂၀)မှ (၃၀)ကြာထားပြီး ရေအေးဖြင့် ဆေးပါ။ ပိုမိုထိရောက်စေရန် ဒီနည်းကို တစ်ပတ် တစ်ခါ လုပ်ဆောင်ပါ။
၎။ ရေနွေးငွေ့
ရေနွေးငွေ့က ချွေးပေါက် ပိတ်နေတာကို ပြန်ဖွင့်ပေးနိုင်တဲ့ အကောင်းဆုံး နည်းလမ်း ဖြစ်ပါတယ်။ ဒီနည်းကို မလုပ်ဆောင်မီ မျက်နှာကို မျက်နှာသစ် ဆပ်ပြာ အပျော့စားဖြင့် သန့်စင်ပါ။ ဤနည်းကို လုပ်ဆောင် ပြီးပြီးချင်းမှာလည်း ရေအေးဖြင့် မျက်နှာကို ဆေးလိုက်ပါ။ ဒါမှသာ ရေနွေးငွေ့ကြောင့် ကျယ်သွားတဲ့ ချွေးပေါက်တွေ ပြန်ကျဉ်းသွားမှာ ဖြစ်ပါတယ်။
၅။ ပန်းသီး ရှာလကာရည် (Apple Cider Vinegar)
ပန်းသီးရှာလကာရည်က ချွေးပေါက်တွေကို ကျဉ်းစေပြီး မကောင်းတဲ့ ဘတ်တီးရီးယားပိုးတွေကို သေစေပါတယ်။ ပန်းသီး ရှာလကာရည်နဲ့ ရေကို ဆတူရောပြီး ၀ါဂွမ်းနဲ့ မျက်နှာကို လိမ်းပါ။ ထို့နောက် ရေဖြင့် သန့်စင်ပါ။ ပိုပြီး ထိရောက်စေလိုလျှင် ပုံမှန်လုပ်ဆောင်ပါ။
၆။ ခရမ်းချဉ်သီး
ကြက်သွန် နှစ်မွှာ သုံးမွှာနဲ့ ခရမ်းချဉ်သီး တစ်ခြမ်းကို ရောကြိတ်ပါ။ ၄င်းအနှစ်ကို မျက်နှာတွင် ခပ်ပါးပါးလိမ်းပါ။ (၁၅-၂၀) မိနစ်ခန့် ကြာထားပြီး ကြက်သီးနွေးရေဖြင့် သန့်စင်ပါ။ ထို့နောက် ရေအေးဖြင့် မျက်နှာထပ်သစ်ပါ။ ခရမ်းချဉ်သီးစိတ်နဲ့ မျက်နှာကို ဒီအတိုင်း ပွတ်ပေးတာကလည်း ချွေးပေါက်ကို အတိုင်းအတာ တစ်ခုအထိတော့ ကျဉ်းစေနိုင်ပါတယ်။
လုပ်ဆောင်ရန် - တစ်နေ့လျှင် နှစ်ကြိမ် မျက်နှာသန့်စင်ပါ။
- သင့်အသားအရေက အဆီပြန်တတ်လျှင် မျက်နှာသန့်စင်ပြီးတိုင်း အဆီမပြန်တတ်တဲ့ ခရင်မ် လိမ်းပေးပါ။
- မျက်နှာသစ်တဲ့ အခါမှာလည်း ရေနွေးအစား ရေအေးဖြင့် သစ်ပါ။
မလုပ်ဆောင်ရန် - မိတ်ကပ်မသန့်စင်ဘဲနဲ့ ဘယ်တော့မှ အိပ်ယာမ၀င်ပါနဲ့ ချွေးပေါက်ပိတ်စေပြီး ချွေးပေါက်တွေ ပိုကျယ်လာတတ်ပါတယ်။
- အဆီကို ပိုထွက်စေတဲ့ ဆီကြော် အစားအစာတွေနဲ့ အဆီများတဲ့ အစားအစာတွေကို ရှောင်ကြဉ်ပါ။

ဒီရက်ပိုင်းနာမည်ကြီးနေတဲ့ရာဘဆေး(သို့ မဟုတ်)မြင်းဆေးအကြောင်း

By Ahkter Husin 11:42:00 AM No comments

တကယ်တော့ ဒီဆေးပြားတွေရဲ့ မူလဘူတ ဖြစ်တည်ရာဟာ မြန်မာပြည်မဟုတ်ပါဘူး။ ဒီယာဘ စိတ်ကြွဆေးဆိုတာက မက်သာဖက်တာမင်း (Methamphetamine) ဆိုတဲ့ ဓါတုဓါတ်ပေါင်းဆေးဝါးနဲ့ ကာဖင်း (Caffeine) ဆိုတဲ့ သဘာဝဓါတ်တမျိုးကို ရောထားတဲ့ ဆေးဝါးပါ။ ကာဖင်းဆိုရင် လူတိုင်းလိုလိုသိကြပါတယ်၊ အဓိက ကော်ဖီစေ့မှာပါတယ်၊ လူကိုလန်းဆန်းတက်ကြွစေတဲ့ ဓါတ်ပေါ့။ ကော်ဖီတွေ ကုတ် တို့ ပက်ပစီတို့လို အချိုရည်တွေ ချော့ကလက်တွေကနေ လူတိုင်းလိုလို နေ့စဉ်စားသုံးရရှိနေကြတဲ့ဓါတ်ပါ။ အဲ ... ဒီမှာ အဓိကပြောရမှာ ကာဖင်းနဲ့ ပေါင်းတဲ့ မက်သာဖက်တမင်းဓါတုဓါတ်ပေါင်းပဲ။
မက်သာဖက်တမင်း ဓါတ်ပေါင်းကို စတင်ဖေါ်ထုတ်တွေ့ရှိသူက ရိုမေးနီယား ဓါတုဗေဒပညာရှင်တစ်ယောက်။ ဒီဓါတ်ပေါင်းကို ဂျာမဏီနိုင်ငံ ဘာလင်တက္ကသိုလ်မှာတွေ့ရှိခဲ့ပါတယ်၊ တွေ့တဲ့နှစ်က ၁၈၈၇ ပါ၊ သီပေါမင်းပါတေည်မူအပြီး ၂ နှစ်အကြာပေါ့။
မက်သာဖက်တမင်းကို စပြီးလက်တွေ့ အသုံးချခဲ့ကြသူတွေ ဂျာမန်တွေဖြစ်သတဲ့။ ဒုတိယကမ္ဘာစစ်မှာ ဂျာမန်တွေဟာ ဒီမက်သာဖက်တမင်းဆေးပြားတွေကို အမြောက်အမြားထုတ်လုပ်ပြီး သူတို့စစ်သားတွေ ပင်ပန်းနွမ်းနဲမှုတွေပျောက်အောင် ကြောက်ရွံ့စိတ်တွေ ကင်းမဲ့အောင် တိုက်ကျွေးခဲ့ကြတယ်လို့ ဆိုပါတယ်။ လေ့လာသူတွေအဆိုရ ဒီမက်သာဖက်တမင်းဆေးပြားတွေကို စစ်ပွဲမှာ ဂျာမန်တဖက်တည်းက သုံးခဲ့ကြတာမဟုတ်ပဲ မဟာမိတ်တပ်တွေဘက်ကလည်း သုံးခဲ့ကြမယ် လို့ ယူဆကြပါတယ်။ ဒုတိယကမ္ဘာစစ်မှာ မက်သာဖက်တမင်း အပြားရေ ၇၂ သန်းလောက် ထုတ်လုပ်ခဲ့ကြမယ်လို့ သုံးသပ်ကြတယ်။
မက်သာဖက်တမင်းတွေ အရှေ့တောင်အာရှကို ရောက်လာတာက မြင်းတွေကို တိုက်ကျွေးဖို့ တိရစ္ဆာန်ဆေးအဖြစ် ရောက်ရှိလာခဲ့တာပါတဲ့။ ပထမတော့ မြင်းပြိုင်ပွဲတွေဝင်တဲ့ မြင်းတွေကိုကျွေးတယ်၊ ဒါကြောင့် မြင်းဆေး (ယာမ) လို့အမည်ရတယ်။ နောက်တော့ စိုက်ပျိုးရေး သယ်ယူပို့ဆောင်ရေး စတဲ့နေရာမှာ အသုံးပြုတဲ့ ဆင် မြင်း ကျွဲ နွား တွေကို လုပ်အားပိုကောင်းအောင် တိုက်ကျွေးကြတော့တာပဲတဲ့။
ဟိုအရင်တုန်းကဆို ထိုင်းတွေဟာ ဒီဆေးတွေကို နိုင်ငံခြားက တင်သွင်းပြီး အသုံးပြုခဲ့ကြပါတယ်။ ဒါပေမဲ့ ၁၉၈၀ လောက်မှာ နွန်ထပ်ဘူရီမြို့နေ ထိုင်း-တရုတ်ကပြား ကလျာဏီအာရွန်ဝစ်အာနက် ဆိုတဲ့အမျိုးသမီးကြီးရဲ့ သားနှစ်ယောက်ဟာ ထိုင်ဝမ်ကိုသွားပြီး ပညာသင်ကြားရာကနေ ထိုင်းနိုင်ငံကို ပြန်လည်ရောက်ရှိလာပါတယ်။ သူတို့ဟာ တိုင်ပေတက္ကသိုလ်မှာ ဓါတုဗေဒဘာသာရပ်ကို သင်ကြားခဲ့သူဖြစ်ပြီး မက်သာဖက်တမင်းနဲ့ ကာဖင်းကို ရောနှောပေါင်းစပ်ပြီး စိတ်ကြွဆေးတမျိုးကို ထုတ်လုပ်နည်း ရရှိခဲ့ကြပါတယ်။ ဒီဆေးကို အဝေးပြေးကားမောင်းသမားတွေ ဆောက်လုပ်ရေးလုပ်ငန်းလို ရေလုပ်ငန်းလို အလုပ်ကြမ်းတွေမှာက လုပ်သားတွေ သဘောကျနှစ်ချိုက်အားပေးကြတယ်။ ဒီလိုနဲ့ ကလျာဏီ ဆိုတဲ့အမျိုးသမီးကြီးက “တရုတ်တရားသူကြီးပေါင်ချိန်” အမှတ်တံဆိပ်နဲ့ စိတ်ကြွဆေးပြားတွေ ထုတ်လုပ်ရောင်းချပါတော့တယ်။
၁၉၈၀ ပြည့်လွန်နှစ်တွေဟာ ထိုင်းစီးပွားရေးစတင်ပွင့်ဖူးတဲ့ ကာလပါ။
ကိုယ့်ပုဆိုးကိုယ် တင်းအောင်ခြုံပြီး လက်မစုတ်လို့ ကွေးနေတဲ့ မြန်မာ၊ စစ်ပွဲတွေနဲ့ ကမ္ဘောဒီယား၊ ဆိုရှယ်လစ်စနစ်အောက်မှာ အလူးအလဲ ရုန်းကန်နေရတဲ့ လောနဲ့ ဗီယက်နမ်။ ဒီလို နိုင်ငံတွေဝန်းရံနေတဲ့ ထိုင်းဟာ အဲဒီနိုင်ငံတွေဆီက ကုန်ကြမ်းတွေကို ဈေးပေါပေါနဲ့ရပြီး သူဆီက ကုန်ချောတွေကို ဈေးကြီးကြီးနဲ့ ပြန်ရောင်းရလို အဆင်အပြေကြီး ပြေနေချိန်ပေါ့။
ဆောက်လုပ်ရေးလုပ်ငန်းတွေ သယ်ယူပို့ဆောင်ရေးလုပ်ငန်းတွေ ရေလုပ်ငန်းတွေ တိုးတက်ဖွံ့ဖြိုးလာခြင်းနဲ့အတူ အဝေးပြေးကားမောင်းသမားတွေနဲ့ အလုပ်ကြမ်းလုပ်သမားတွေဟာ ပေါင်ချိန်တံဆိပ် စိတ်ကြွဆေးပြားတွေကို အလုအယက်အားပေးကြပါတော့တယ်။
အဲဒီအချိန်က စိတ်ကြွဆေး အပြား ၁၀၀ ပါတဲ့ ပေါင်ချိန်တံဆိပ် ဆေးထုတ်တစ်ထုတ်မှ ဘတ် ၃၀ ပဲ တန်ဖိုးရှိပါသတဲ့။ ထိုင်းမှာ မက်သာဖက်တမင်းကို အန္တရာယ်ရှိတဲ့ဆေးဝါး၊ ရောင်းဝယ်မှုမပြုလုပ်ရလို့ ဥပဒေနဲ့တားမြစ်ထားပေမဲ့ ဒေါ်ကလျာဏီရဲ့ ပေါင်ချိန်ဆေးပြားတွေကို နယ်ပယ်စုံက အလုအယက်အားပေးခဲ့ကြပါတယ်။ ရဲတွေကိုယ်တိုင်က သုံးစွဲကြတာရှိပြီး ရံဖန်ရံခါ စီမံချက်အရ ဖမ်းတာဆီးကလွဲ ကြပ်ကြပ်မတ်မတ် ဖမ်းဆီးတာမရှိခဲ့ပါဘူး။ ဒီလိုနဲ့ ထိုင်းနိုင်ငံဟာ ကမ္ဘာပေါ်မှာ ယာဘအထုတ်လုပ်ဆုံး နိုင်ငံဖြစ်လာပြီး သူ့ဆီက ဆေးပြားတွေကို ဟောင်ကောင် ထိုင်ဝမ်နဲ့ အင်ဒိုနီရှားက ရေလုပ်သားတွေအထိ သုံးစွဲခဲ့ကြတယ်လို့ဆိုပါတယ်။
၁၉၈၇ မှာ ဒေါ်ကလျာဏီနဲ့ သူ့သားနှစ်ယောက်အပါဝင် မိသားစုအတော်များများနဲ့အတူ သူတို့ရဲ့ စိတ်ကြွဆေးထုတ် စက်ရုံကြီးကို မူးယစ်ဆေးနှိမ်နင်းရေးတပ်ဖွဲ့က ဖမ်းဆီးပိတ်သိမ်းခဲ့ပေမဲ့ ဒေါ်ကလျာဏီရဲ့ စက်ရုံမှာ အလုပ်လုပ်တဲ့ အလုပ်သမားတွေကနေတဆင့် ယာဘ ထုတ်လုပ်နည်းတွေ တနိုင်ငံလုံး ပျံ့နှံ့သွားပါတယ်။ အဲဒီအချိန်ထိုင်းနိုင်ငံအတွင်း ယာဘ၀ယ်လက်က အထူးများပြားနေပြီး ယာဘစိတ်ကြွဆေး ဈေးကွက်ဟာ အလယ်တန်းကျောင်းသားတွေအထိ ရောက်ရှိနေခဲ့ပြီလို့ ဆိုပါတယ်။ နယ်ပယ်အသီင်္းသီးမှာ ယာဘက ထိုးဖေါက်နေရာယူထားပြီး ထိုင်းစီးပွားရေးနဲ့ နိုင်ငံရေးမှာပါ ယာဘထုတ်လုပ်သူတွေက ကြီးစိုးလာတာမို့ ၁၉၉၆ မှာဝန်ကြီးချုပ်ဖြစ်လာတဲ့ ချာဗလစ်ယောင်ချိုင်ယုလက်ထက်မှာ ယာဘနှိမ်နင်းရေးကို ဖိဖိစီးစီးလုပ်လာပါတယ်။ ယာဘားဆိုတဲ့ အသုံးအနှုံးကို ထိုင်းအစိုးရက အဲဒီကာလမှာမှ တရားဝင်သုံးနှုံးတာဖြစ်ပြီး အရူးဆေးလို့ အဓိပ္ပါယ်ရပါတယ်။ ဒါပေမဲ့ နိုင်ငံရေးသမားတွေအပြင် ရဲနဲ့ စစ်တပ်အရာရှိကြီးတွေပါ ပါဝင်ပတ်သက်နေခဲ့တယ်လို့ ယူဆတဲ့ ဒီစိတ်ကြွဆေးစီးပွားရေးကို ချာဗာလစ်အစိုးရ မဖြိုပစ်နိုင်ခဲ့ပါဘူး။
၂၀၀၁ ခုနှစ် သက်ဆင်သျှီနာဝပ် ၀န်ကြီးချုပ်ဖြစ်လာတဲ့အချိန်မှာတော့ ဒီစိတ်ကြွဆေးပြား နှိမ်နင်းရေးဟာ အလွန်အားကောင်းလာပါတယ်။ စိတ်ကြွဆေး နှိမ်နင်ရေးစစ်ဆင်ရေးတွေမှာ အထူးတပ်ဖွဲ့တွေ သုတ်သင်တာနဲ့ ဆေးထုတ်လုပ်ဖြန့်ချီသူ အချင်းချင်း နောက်ကျောမလုံလို့ သုတ်သင်ကြတာ ၄ လအတွင်း လူပေါင်း ၃၀၀၀ လောက် သေကြေခဲ့တယ်လို့ ဆိုပါတယ်။ ဒါနဲ့ပတ်သက်ပြီး ကမ္ဘာကနေတောင် အလန့်တကြား သတိပေးရပြီး ဆေးထုတ်လုပ်သူတွေလည်း သက်ဆင်ရဲ့အသက်ကို လုပ်ကြံတဲ့အထိ ဖြစ်ခဲ့တယ်။ ဒီလိုနဲ့ ထိုင်းနိုင်ငံအတွင်း ယာဘ ထုတ်လုပ်ရေး သိသိသာသာလျှော့ကျသွားပါတယ်။
ယာဘဆေးပြား ထုတ်လုပ်မှုထိုင်းမှာလျှော့ကျသွားပေမဲ့ သုံးစွဲသူအရေအတွက် လျှော့မကျသွားပါဘူး။ ၀ယ်လက်များပြီး ပစ္စည်းနည်းတာမို့ ဈေးကွက်သဘောအရ ယာဘဈေးတွေ ထိုးတက်သွားပါတယ်။ ၁၉၈၇ လောက်မှာ ၃ ပြားမှ ၁ဘတ်လောက်ပေးရတဲ့ ယာဘဟာ ၂၀၀၁ မှာ ဈေးကွက်ထဲမှာ တပြား ဘတ် ၅၀ ကနေ ၂၀၀အထိ ပေါက်နေခဲ့ပြီတဲ့၊ ဒါပေမဲ့ ကုန်ကြမ်းဈေးက ဒီလောက်ကြီး အတက်မကြမ်းသေးတော့ အမြတ်အစွန်းက သိပ်ကောင်းသွားတာပေါ့။ ဒီလိုနဲ့ ထိုင်းက ယာဘထုတ်လုပ်သူတွေဟာ မြန်မာ ကမ္ဘောဒီယားနဲ့ လော နယ်စပ်တွေဆီ သူတို့စက်ရုံတွေ ရွေ့ကုန်ပါတယ်။ အထူးသဖြင့် တိုင်းရင်းသား လက်နက်ကိုင်တွေ ရှိတဲ့ ထိုင်းမြန်မာ နယ်စပ်ဟာ စိတ်ကြွဆေးထုတ်လုပ်သူတွေရဲ့ မျက်စိကျစရာဖြစ်လာပါတယ်။
မြန်မာပြည်မှာ အခြေချပြီး ယာဘစတင်ထုတ်လုပ်သူဟာ ထိုင်း-မြန်မာ နှစ်နိုင်ငံ နိုင်ငံသားခံယူထားတဲ့ အီကောလူမျိုးတစ်ယောက်လို့ ဆိုပါတယ်၊ သူဟာ ၁၉၉၄-၉၅ လောက်မှာ တာချီလိတ်မြို့နယ်အတွင်းက ရွာတစ်ရွာမှာစတင်ထုတ်လုပ်ပြီး ထိုင်းနိုင်ငံမြောက်ပိုင်းနဲ့ တာချီလိတ်နယ်မှာ ဖြန့်ချီခဲ့တာလို့ ဆိုပါတယ်။ ပထမပိုင်းမှာ မြန်မာပြည်က လက်နက်ကိုင်တပ်ဖွဲ့တွေက ယာဘကို ဒီလောက် စီတ်မ၀င်စားခဲ့ကြဘူးလို့ ဆိုပါတယ်။ အဲဒီတုန်းက ဟီရိုးအင်း စီးပွားရေးကမှ ဆရာကြီးလို့ ယူဆခဲ့ကြတာကိုး။
ဒါပေမဲ့ ၁၉၉၆မှာ တချိန်က ဘိန်းဖြူဘုရင်ကြီးရယ်လို့ နာမည်ကျော်ခဲ့တဲ့ ခွန်ဆာတစ်ယောက် မြန်မာအစိုးရထံမှာ လက်နက်ချလိုက်ပြီးတဲ့နောက်မှာ ရွှေတြိဂံမှာ ဘိန်းထုတ်လုပ်ရေးဟာ ကျဆင်းသွားတယ်။ အချိန်ကလည်း ခွန်ဆာနဲ့ပြိုင်ဘက် UWSA ၀တပ်ကလည်း အစိုးရနဲ့အပစ်ရပ်ထားခဲ့တာမို့ ဒီဒေသဟာ တခဏတာ သေနတ်သံတိတ်သွားတဲ့အချိန်၊ နိုင်ငံတကာရဲ့ ဘိန်းပပျောက်ရေးနဲ့ ပန်းဂျုံလို ဘိန်းအစားထိုးအသီးအနှံ စီမံကိန်းတွေ ၀င်လာတဲ့အချိန်မှာ ဘိန်းစိုက်ဖို့ ခက်လာတယ် ဘိန်းထုတ်လုပ်ရေးဟာ အကန့်အသတ်နဲ့ ဖြစ်လာတယ်။ တချိန်တည်းမှာ ထိုင်းမှာ စိတ်ကြွဆေး လိုအပ်ချက်ကလည်း မြင့်တက်လာတယ်။ ဒီလိုနဲ့ အလွယ်တကူ တပ်ဆင်လည်ပတ်နိုင်တဲ့ စိတ်ကြွဆေးစက်ရုံတွေ မြန်မာပြည်မှာ အလျှိုလျှိုပေါ်လာတယ်။ ဒီစက်ရုံတွေနဲ့ပတ်သက်လို့ မြန်မာပြည်က လက်နက်ကိုင် အဖွဲ့တွေပါဝင်ပတ်သက်နေတယ် ဆိုတဲ့စွတ်စွဲချက်တွေ နိုင်ငံတကာ မူးယစ်တိုက်ဖျက်ရေးအဖွဲ့တွေကြားမှာ ရှိလာခဲ့တယ်။
နောက်ပိုင်းမှာ ဈေးကွက်က ထိုင်းတင်မဟုတ်တော့ပဲ တဟုန်ထိုးစီးပွားရေးအားကောင်းလာတဲ့ တရုတ်ပြည်ယူနန်၊ အိန္ဒိယ နဲ့ ဘင်္ဂလားဒေ့ရ်ှတို့ပါ ၀င်လာတဲ့အခါ မြန်မာပြည်က စိတ်ကြွဆေးထုတ်လုပ်မှုဟာ မခန့်မှန်းနိုင်လောက်အောင် မြင့်တက်လာခဲ့ပြီး ကမ္ဘာပေါ်မှာ စိတ်ကြွဆေးပြားတွေ အထုတ်လုပ်ဆုံး နိုင်ငံတခုဖြစ်လာတော့တယ်။
ထုတ်လုပ်သူတွေထဲမှာ လက်နက်ကိုင်အဖွဲ့အစည်းတွေပါသလို စီးပွားရေးသမားတွေလည်းပါဝင်တယ်။ နိုင်ငံသားတွေပါသလို နိုင်ငံခြားသားတွေလည်းပါ တယ်လို့ဆိုကြပါတယ်။ နိုင်ငံတကာက စွတ်စွဲနေကြတဲ့ လက်နက်ကိုင်အဖွဲ့တွေထဲမှာ UWSA ဟာ အထင်အရှားဆုံးဖြစ်ပြီး မြန်မာအစိုးရနဲ့အတူ လေ့လာသူတွေက SSA (ရှမ်းပြည်တောင်ပိုင်း) လည်း ဒီစိတ်ကြွဆေးထုတ်လုပ်တဲ့ လုပ်ငန်းလုပ်တယ်လို့ ဆိုကြပါတယ်။ ဒါပေမဲ့ အက်စ်အက်စ်အေ ခေါင်းဆောင် ဗိုလ်မှူးကြီးရွက်ဆစ်ကတော့ သူတို့ စိတ်ကြွဆေးထုတ်တယ်ဆိုတဲ့ စွတ်စွဲချက်ကို လုံးဝပယ်ချပါတယ်။ ဒီလိုပဲ UWSA ၀ တပ်ကလည်း သူတို့ စိတ်ကြွဆေးမထုတ်ပါဘူးလို့ ငြင်းဆန်တာပါပဲ။အချို့သော လေ့လာသူတွေက ဒီစိတ်ကြွဆေးထုတ်လုပ်မှုမှာ မြန်မာတပ်မတော် ပါဝင်ပတ်သတ်တာရော ရှိလေမလားဆိုပြီး သုံးသပ်ကြပါတယ်။ ပထမဆုံး မြန်မာပြည်မှာ ယာဘထုတ်လုပ်သူလို့ ယူဆရတဲ့ တာချီလိတ်မြို့နယ် ပါစပ်ရွာက အီကောလူမျိုး အီတို ဆိုသူက သူ့စက်ရုံအတွက် ဒေသမှာ တာဝန်ကျတဲ့ မြန်မာ့စစ်အရာရှိကို အဲဒီတုန်းက တစ်လ ဘတ်ငွေ တစ်သိန်းခွဲပေးရတယ်လို့ ဆိုပါတယ်။
တာချီလိတ်နယ်မှာ ဖြစ်ပွားခဲ့တဲ့ ၂၀၀၁ ခုနှစ် ထိုင်း-မြန်မာ နယ်စပ် အရေးအခင်းဟာ ထိုင်းဘက်က UWSA ၀ တပ်ဖွဲ့ရဲ့ စိတ်ကြွးဆေးနဲ့ မူးယစ်ဆေးဝါး ထိုင်းကို တင်သွင်းတဲ့ လမ်းကြောင်းကို ထိုင်းဘက်က ဖြတ်တောက်ဖို့ ကျိုးစားရာက ဖြစ်ပွားခဲ့တယ်လို့ ဆိုပြီး မြန်မာဘက်ကတော့ ထိုင်းစစ်တပ်ဟာ SSA ရဲ့ စိတ်ကြွဆေးနဲ့ မူးယစ်ဆေးဝါး ထုတ်လုပ်မှုကို ကာကွယ်ပေးချင်လို့နဲ့ မြန်မာနယ်မြေကို ကျူးကျော်တာလို့ ဆိုပါတယ်။
ဝေဖန်သူတွေအဆိုရ အပစ်အခတ်ရပ်စဲရေးကို ဦးဆောင်ခဲ့တဲ့ ဗိုလ်ချုပ်ကြီးခင်ညွန့် ဦးဆောင်တဲ့ ထောက်လှမ်းရေးတပ်ဖွဲ့တွေဟာ အပစ်ရပ် တိုင်းရင်းသား လက်နက်ကိုင်တပ်ဖွဲ့တွေ ပြည်သူ့စစ်တွေ ရပ်တည်ရေးအတွက် ယာဘထုတ်လုပ်မှုကို သိသိကြီးနဲ့ မျက်ကွယ်ပြုခဲ့တဲ့အပြင် ဒီယာဘ စီးပွားရေးတွေမှာပါ ထောက်လှမ်းရေးတပ်ဖွဲ့တွေရဲ့ ပါဝင်ပတ်သက်မှု ကျယ်ကျယ်ပြန့်ရှိခဲ့တယ်လို့ ဆိုပါတယ်။
တနေ့က ဗိုလ်မှူးချုပ်ကျော်သက်နဲ့ ဗိုလ်မှူးကြီးစောဆန်းအောင် တို့ ဦးဆောင်တဲ့ ဒီကေဘီအေတပ်နဲ့ တိုက်ပွဲဖြစ်ရာမှာ ယာဘထုတ်လုပ်တဲ့ စက်နဲ့ ဆေးပြားတွေမိတယ်လို့ဆိုတဲ့ သတင်းနဲ့ပတ်သက်ပြီး အွန်လိုင်း မီဒီယာပေါ်မှာ စစ်ပွဲတွေမှာ နှစ်ဖက်တပ်ဖွဲ့တွေဟာ စိတ်ကြွဆေးတွေသုံးပြီး တိုက်ကြတယ်ဆိုတာမျိုး ပြောဆိုကြတာ တွေ့ရပါတယ်။ ကိုးကန့်တိုက်ပွဲမှာလည်း တပ်မတော်ဘက်က ကိုးကန့်တွေဟာ သူတို့တပ်သားတွေကို စိတ်ကြွဆေးတိုက်ပြီး သံကြိုးနဲ့ချည် တိုက်ခိုင်းတယ်လို့ စွတ်စွဲသလို ကိုးကန့်နဲ့ သူ့ရဲ့ မဟာမိတ်တွေဘက်ကလည်း မြန်မာစစ်တပ်ဟာ သူ့စစ်သားတွေကို စိတ်ကြွဆေးတွေပေးပြီး တောင်ကုန်းတွေပေါ် အတင်းတက်ကျားထိုးခိုင်းတယ်လို့ ပြန်လှန်စွတ်စွဲတာ ဖတ်ရပါတယ်။
စိတ်ကြွဆေး သုံးစွဲထားပြီး အစွမ်းကုန်စိတ်ကြွနေတဲ့ စစ်သားတစ်ယောက်ဟာ သာမန်လူသားစစ်သားတစ်ယောက်လို ဝေဖန်ဆင်ခြင်နိုင်မှာ မဟုတ်ပါဘူး။ မေလအကုန် လောက်တုန်းက တပ်မတော်အရာရှိဟောင်းတစ်ယောက်က သူ့ဖေ့ဘွတ်စာမျက်နှာပေါ်မှာ သူစစ်မှုထမ်းစဉ်က စစ်ပွဲနယ်မြေတစ်ခုမှာ ဖမ်းဆီးရမိတဲ့ ရန်သူရဲ့ ငယ်ထိပ်ကို လေးလက်မသံစိုက်သွင်းပြီး သူ့ရဲ့ာ ဂျူနီယာအရာရှိတွေကို ပြသခဲ့တယ်။ ငယ်ထိပ်သံအစိုက်ခံရတဲ့ ရန်သူဟာ နာကျင်လွန်းလို့ မသေခင် ကျင်ကြီးကျင်ငယ်တွေပါ ထွက်ကျကုန်တယ်လို့ ၀င့်ဝင့်ကြွားကြွားရေးထားတာ ဖတ်ရပါတယ်၊ ဒါ အတော်လူမဆန်တဲ့ လုပ်ရပ်ဖြစ်ပြီး ဒီလုပ်ရပ်မျိုး ကျူးလွန်ဖို့ရာ သဘာဝမဟုတ်တဲ့ စိတ်ဓါတ်တက်ကြွမျုမျိုး ရှိနေဖို့ လိုမယ်ထင်ပါတယ်။
သတင်းတွေမှာ အားနွဲ့ပြီး ဘာမှမခုခံနိုင်တဲ့ မိန်းခလေးတွေကို ဒါးနဲ့အချက်ပေါင်းများစွာ ထိုးစိုက်ပြီးသတ်ပစ်တာတို့ နေ့ခင်းကြောင်တောင် လက်ဖက်ရည်ဆိုင်ထဲဝင်ပြီး ဒါးနဲ့ အချက်ပေါင်းများစွာ ၀င်ထိုးတာတို့ စတဲ့ အရင်က မကြားဖူးတဲ့ သွေးအေးအေးနဲ့ ကျူးလွန်တဲ့ ရာဇ၀တ်မှုတွေကြားနေရပြီး ကျူးလွန်သူတွေထဲမှာ အတော်များများဟာ ဆယ်ကျော်သက်တွေ ဆိုတာလည်း ကြားသိနေရပါတယ်။ ဘယ်လောက်မှ စိတ်လှုပ်စားစရာမရှိတဲ့ ဘာသာရေးလူမျိုးရေး လှုပ်ဆော်မှုလေးတစ်ခုနဲ့ တရွာလုံးတရပ်ကွက်လုံး ပြာကျသွားအောင် မီးရှို့တာ လူသတ်တာ စတာတွေလည်း ကြားသိနေရပါတယ်။ပြီးတော့ အိမ်ခြံမြေဈေးကွက်လို မြန်မာ့စီးပွားရေးမှာ ဘယ်ကရလာမှန်းမသိတဲ့ ငွေကြေးတွေနဲ့ ၀င်ရောက်ကစားနေကြတာကိုလည်း တွေ့နေရပါတယ်။ တကယ်တော့ ယာဘဟာ အင်မတန်စိုးရိမ်စရာကောင်းတဲ့ အမျိုးသားရေးအန္တရာယ်ကြီးအဖြစ် လူတန်းစားအသီးသီးကြား ကပ်ငြိနေခဲ့တာ ကာလအတန်ကြာရှိနေခဲ့ပါပြီ။ သတ္တမတန်းကျောင်းသားလေးအရွယ်လေးတောင် စိတ်ကြွဆေး သုံးစွဲတဲ့အပြင် ရောင်းဝယ်ဖေါက်ကားမှုနဲ့ ထောင်ကျခံရတဲ့ အနေအထားမှာ ပြောရမယ်ဆိုရင် ဘိန်းဖြူကတောင် အကန့်အသတ်နဲ့ ရှိဦးမှာဖြစ်ပေမဲ့ ယာဘကတော့ နယ်ပယ်စုံမှာ အခြေချထားခဲ့ပါပြီ။ လက်ရှိ ယာဘအရေအသွေးဟာလည်း ဟိုး ထိုင်းတရုတ်ကပြား ဒေါ်ကလျာဏီရဲ့ သားတွေ ဖေါ်စပ်ခဲ့တဲ့ ပေါင်ချိန်တံဆိပ်ဆေးပြားတွေနဲ့ မတူတော့ပဲ အင်မတန်ကို စွဲမက်ကပ်ငြိစေပြီး အရွယ်သုံးပါး ကျားမမရွေး အလွယ်တကူ သုံးစွဲလို့ရတာမို့ အလွယ်တကူ စွဲမက်ကပ်ငြိစေတဲ့ အဆင့်ကိုရောက်နေပါပြီ။
ဒီအန္တရာယ်ကို ဘယ်လိုတိုက်ဖျက်မလဲ၊ တိုက်ဖျက်နိုင်တဲ့ အင်အားရော မြန်မာပြည်မှာ ရှိသလား တွေးစရာကောင်းလှပါတယ်။