ဒေဝါလီဆိုတဲ့စကားဟာ ဟင်ဒီဘာသာ ဒီပါလီဆိုတဲ့ စကားကနေ ဆင်းသက်လာတဲ့စကားဖြစ်ပြီး မီးအစဉ် ( မီးရှိနေသည်)လို့ အဓိပ္ပါယ် ရပါတယ် ။ မီးကို ထွန်းညှိပြီးနောက် အဲ့ဒီ့မီးကို မငြိမ်းဘဲ ထားခြင်းဆိုတဲ့စကားကို ဥပမာ တင်စားထားတာ ဖြစ်တယ် ။ ကြွေးမြီးချေးယူပြီးနောက် မပေးဆပ်ပဲ ရှောင်လွှဲနေတာကို ဒေဝါလီခံတယ်လို့ သုံးနှုန်းကြတာဖြစ်တယ် ။ ကြွေးမြီးနဲ့ မီးကို ပမာပြုရာမှာ ဘိုးတော်ဘုရားရဲ့ သက္ကရာဇ် ၁၁၄၅ ခုနှစ် ကဆုန်လဆန်း ၆ ရက်နေ့မှာ ထုတ်ပြန်ခဲ့တဲ့ အမိန့်တော်အရ ' ကြွေးမြီးစာရင်းမှန်သမျှကို အတောင်းအထုတ် မရှိစေရ ။ ချမ်းသာစေဟု အမိန့်တော်ထုတ်ပြန်၍ မီးငြိမ်းလေပြီးသည်ကို ' လို့ဆိုပြီး စိတ်ဝင်စားဖွယ်ရာ ထုတ်ပြန်ထားတာ တွေ့ရမှာဖြစ်ပါတယ် ။
ပြည်ထောင်စုမြန်မာနိုင်ငံတော် တရားရုံးများမှာ လိုက်နာနေတဲ့ ဒေဝါလီ ခံခြင်းဆိုင်ရာ ဥပဒေဟာ အိန္ဒိယနိုင်ငံက ခရစ်နှစ် ၁၁၂၈ ခုနှစ်မှာ ပထမအကြိမ် ပြဋ္ဌာန်းခဲ့တဲ့ အက်ဥပဒေကို တစ်ဆ တစ်ဆ ပြောင်းလဲလာတဲ့ ဥပဒေတစ်ရပ်ဖြစ်ပါတယ် ။ တည်ဆဲဥပဒေနှစ်ရပ်မှာ ရန်ကုန်မြို့အတွက် ခရစ် ၁၉၀၉ ခု ဒေဝါလီ အက်ဥပဒေဖြစ်ပြီး ရန်ကုန်မြို့မှ အပဖြစ်တဲ့ ပြည်ထောင်စု မြန်မာနိုင်ငံတော် အခြားဒေသများအတွက် ခရစ် ၁၉၂၀ ပြည့်နှစ် ဒေဝါလီ အက်ဥပဒေဖြစ်တယ် ။ ကျင့်ထုံး ကျင့်နည်းများမှာတော့ ရန်ကုန်မြို့ဆိုင်ရာ ဥပဒေနဲ့ ရန်ကုန်မြို့မှအပ ဆိုင်ရာ ဥပဒေတို့မှာ ခြားနားချက်များ ရှိနေပေမယ့်လဲ မူအဖြစ်တော့ အရေးကြီးအချက်တွေဟာ ခြားနားချက်တွေ မရှိကြပါဘူး ။
အိန္ဒိယပြည်မှာ ခရစ်နှစ် ၁၈၂၅ ပထမ ကြိမ် ပြဋ္ဌာန်းခဲ့တဲ့ အက်ဥပဒေဟာ အဲ့ဒီ့အခါက အင်္ဂလန်ပြည်မှာ အတည်ဖြစ်နေတဲ့ ခရစ် ၁၈၂၅ ခုနှစ်တွင် အင်္ဂလန်ပါလီမန်က ပြဋ္ဌာန်းခဲ့တဲ့ အက်ဥပဒေကို မှီငြမ်းပြုထားတာ ဖြစ်ပါတယ် ။ အဲ့ဒီ့ ၁၈၂၅ ခု အင်္ဂလိပ်အက်ဥပဒေ မပြဋ္ဌာန်းမီက အင်္ဂလန်ပြည်မှာ အတည်ဖြစ်နေတဲ့ ဒေဝါလီ အက်ဥပဒေများရဲ့ ရည်ရွယ်ချက်တို့မှာ ကြွေးရှင်များရဲ့ အခွင့်အရေးကို ဦးစားပေးပြီး ကြွေးမြီးမဆပ်နိုင်တဲ့ မြီးစားများကို ဖိနှိပ့်ချုပ်ချယ်ဖို့ ပဓါနထားခဲ့ကြရာ ၁၈၂၅ ခုနှစ် နောက်ပိုင်းကြမှ တစ်စ တစ်စ မြီးစားများရဲ့ သက်သာမှုကို တိုးပြီး အရေးပေးလာခဲ့တာဖြစ်ပါတယ် ။
အဲ့ဒီလို တစ်စ တစ်စ ပြောင်းလဲလာခဲ့တာကြောင့် အင်္ဂလန် အိန္ဒိယနဲ့ မြန်မာနိုင်ငံရဲ့ ဥပဒေတို့ဟာ လက်ရှိအခြေအနေကို ရောက်လာခဲ့တာပဲဖြစ်တယ် ။ လက်ရှိ ဥပဒေများရဲ့ ရည်ရွယ်ချက်ကို အကျဉ်းအနေနဲ့ ဖေါ်ပြရရင်တော့ ကြွေးမြီးများကို အကြေမဆပ်နိုင်တဲ့ မြီးစားများအနက် ကံမကောင်း အကြောင်းမလှတဲ့အခါ အဲ့ဒီ့အခြေအနေကို ရောက်ကြတဲ့သူတွေ သက်သာစေရန်အတွက်ဖြစ်ပါတယ် ။
ကြွေးမြီးမဆပ်နိုင်တဲ့သူတွေကို ယခင်အချိန်တုန်းက ဥပဒေများမှာဆိုရင် အကျဉ်းချထားမှုကို ရက်အကန့်အသတ်မရှိရုံတာမက ထောင်ထဲမှာလဲ မိမိစရိတ်နဲ့ မိမိစားရတယ်လို့ ဆိုပါတယ်။ ၁၈၂၀ ပြည့်နှစ်မှာတော့ သေဒဏ်ကနေ တစ်သက်တစ်ကျွန်းကို လျော့ချခဲ့တာဖြစ်ပြီး တစ်ချိန်က ကြွေးမြီးကို ပြန်မဆပ်နိုင်ရတဲ့ အကြောင်းအရင်းကို ခိုင်လုံအောင် မပြနိုင်တဲ့အခါ လူပုံအလည်မှာ လက်ထိပ့်ခပ်ပြီး ၂ နာရီမျှ ထားစေတာမျိုးအပြင် နားရွတ်တစ်ဖက်ကိုလဲ ဖြတ်တောက်စေတဲ့ ပြစ်ဒါဏ်ကို ချမှတ်ခဲ့ဖူးတယ်လို့ ဆိုပါတယ် ။ မြန်မာနိုင်ငံမှာ တည်ဆဲ ဒေဝါလီခံခြင်း ဥပဒေရဲ့ ပင်ရင်းဖြစ်သော ၁၈၂၀ ပြည့်နှစ်မတိုင်မီက အင်္ဂလန်ပြည်မှာ အတည်ဖြစ်နေတဲ့ အက်ဥပဒေနဲ့ အချိန်ကာလ တစ်ပြိုင်တည်းမှာပဲ မြန်မာဘုရင်များ လက်ထက်မှာ အလားတူ အက်ဥပဒေကို နှိုင်းယှဉ်ကြည့်မယ်ဆိုရင် ခြားနားချက်များဟာ အထူးကို စိတ်ဝင်စားဖွယ်ရာ တွေ့ရမှာ ဖြစ်တယ် ။ ရှေးမြန်မာ ဘုရင်များရဲ့ လက်ထက်က ဒေဝါလီခံခြင်း ဥပဒေများ ရှိခဲ့တယ်လို့ဆိုရင် သိတဲ့သူဟာ အင်မတန်မှ နည်းပါးလှပါတယ် ။ မြန်မာသက္ကရာဇ် ၉၉၁ ခုနှစ်မှာ နန်းတက်တဲ့ အင်းဝဘုရင် သာလွန်မင်းတရားကြီး လက်ထက်တော်ကစပြီး ဒီနေ့အခေါ်အဖြင့် ဒေဝါလီခံခြင်း တရားဥပဒေ ( မြန်မာဝေါဟာရအနေနဲ့ ) မြီတလင်းလှည်းတရား / မြီးတောင်ခွဲတရားတို့ရဲ့ အရိပ့်အမြွတ်တို့ကို ဓမ္မသတ်စာစောင်တို့နဲ့ အမိန့်တော် ပြန်တမ်းတို့မှာ တွေ့ရှိရပါတယ်ခင်ဗျာ ။
ဗဟုသုတရရှိနိုင်ကြပါစေ
0 comments:
Post a Comment