ဦးဘောဂ…
"မောင်ပြာ မင်းတယ်တော်တာပဲ။နောက်လ ရာထူးတိုးပေးဖို့ မင်းကို ရာထားလိုက်မယ်"
-မောင်ပြာ…
"ဟုတ်…ဆရာ…ကျေးဇူးတင်ပါတယ်"
မောင်ပြာသည် ဦးဘောဂ၏ လုပ်ငန်း၌ အကြီးအကဲနေရာ ရသွားလေ၏…။
ထို့နောက်…
၆လကြာသောအခါ…
ဦးဘောဂ၏ လုပ်ငန်းအရှုံးပေါ်လေတော့၏…။
>>>>>>
ဦးချမ်းသာ…
"မောင်နီ မင်းလုပ်တာ ကိုင်တာ မဆိုးဘူးကွ"
မောင်နီ…
"ဟုတ်ကဲ့ အန်ကယ်…"
ဦးချမ်းသာသည် မောနီအားသတိထားမိလေ၏။တခြားအလုပ်သမားများကဲ့သို့ လုပ်ငန်းခွင်သို့ သူလာသောအခါ ပြာပြာသလဲ ဖြစ်မနေတတ်ပေ။သို့သော် ခပ်ကင်းကင်းလည်းမဟုတ်…။သူလုပ်စရာရှိတာ လုပ်နေ၏…။ပြောစရာ စကားရှိလျှင် ပြောပါ၏။လုပ်ပေးစရာရှိလုပ်ပေးသည်…။ပုံမှန်ဆက်ဆံရေး အနေအထားတစ်ရပ်ဖြစ်သာ မောနီသည် ဦးချမ်းအားဆက်ဆံလေ၏…။ဦးချမ်းသာကလည်း မောနီကို မသိမသာ အကဲခတ်လေသည်။
လအနည်းငယ်ကြာသော်…
"မောင်နီ ဒီလုပ်ငန်းကို မင်းဦးစီးကွာ…"
"ဟုတ်…ကျနော်လုပ်နိုင်ပါတယ်"
၆လကြာသော် ဦးချမ်းသာ၏ လုပ်ငန်းသည် တိုးတက်မှုရလဒ်များ ပြလာလေတော့၏…။
>>>
တစ်နေ့…
ဦးချမ်းသာနှင့် ဦးဘောဂ ဆုံကြလေ၏…။
ထိုအခါ ဦးဘောဂက…
"ဦးချမ်းသာ ခင်ဗျား လုပ်ငန်းက တိုးတက်တယ်ဗျ…နည်းလမ်းလေးပေးပါလား"
"ဦးဘောဂရေ မောင်နီဆိုတဲ့ သူငယ်ကြောင့်ဗျ…သူ့ကို ကျနော်ဦးစီးခိုင်းပြီးကတည်းက တိုးတက်လာတာပဲ"
"ကျုပ်လဲမောင်ပြာဆိုတဲ့ သူငယ်တစ်ယောက်ကို ဦးစီးခိုင်းတာပဲဗျ…။ဒီကောင်လည်းတော်ပါတယ်။ကျုပ်လာရင် ဂရုစိုက်တာမပြောနဲ့။တစ်ခါတစ်လေ ဖိနပ်ပါတိုက်ပေးတယ်ဗျ…။ကျုပ်မျက်စိထဲ စိတ်တိုင်းမကျတာ တစ်ကွက်မှ မရှိဘူး…ဒါတောင် ကျုပ်လုပ်ငန်းဘာလို့ မအောင်မြင်လည်းမသိပါဘူး…ဗျာ"
ဦးဘောဂစကားဆုံးတော့ ဦးချမ်းသာက ခပ်ဟဟတစ်ချက်ရယ်လိုက်ပြီး…
"ကျုပ်ရဲ့မောင်နီကတော့ ခင်ဗျားမောင်ပြာလို မဟုတ်ဘူးဗျ…ဦးဘောဂရေ…ကျုပ်လာရင် အကြောင်းမရှိပဲ ကျုပ်နားတောင် ဖြတ်မလျှောက်ဘူးဗျ။သူလုပ်စရာရှိတာ လုပ်နေတာ…။ဖိနပ်တိုက်ပေးဖို့မပြောနဲ့ ဆရာနေကောင်းလားတောင်မမေးဘူး…"
ဦးဘောဂအံသြသွား၏…။
"ဟ ခင်ဗျားကောင်ကလည်းဗျာ…အလုပ်သမားနဲ့အလုပ်ရှင် လေးစားမှု့တော့ရှိဖို့ကောင်းတာပေါ့"
"အဲ…ဦးဘောဂ…သူလေးစားပါတယ်ဗျ"
"ခင်ဗျားကို နူတ်တောင်မဆက်ဘူးဆို"
"အင်းလေ…သူ့အလုပ်သူ လေးစားတာ ကျနော့်ကို လေးစားတာနဲ့တူတူပဲပေါ့ဗျ"
"အမ်…ခရီးဦးကြိုပြုတာတို့ ကော်ဖီဘာညာတို့ ဇက်ကြောနှိပ်ပေးတာတို့……"
"ဦးဘောဂရယ်…သူ့ကို ကျနော်အလုပ်ခန့်တာ ဒါတွေလုပ်ဖို့မှမဟုတ်တာ…။ဒါအတွက်ဆို နောက်တစ်ယောက်ခန့်မှာပေါ့ဗျ…။မဆိုင်မှ မဆိုင်တာ"
"ဦးချမ်းသာ…မဆိုင်ဘူးဟုတ်လား…ကျနော်တို့က အလုပ်ရှင်လေ…"
"ဟုတ်တယ်လေ ဒါပေမယ့် သူတို့က ငွေဝယ်ကျွန်တွေမှ မဟုတ်တာ…သူ့အလုပ်သူလုပ်တယ် …အဲဒီ့အတွက် ကျနော်တို့က လစာပေးတယ်။အပြန်အလှန်ပဲလေဗျာ…တစ်ယောက်ကို တစ်ယောက် ကျေးဇူးပြုနေတာပါပဲ…"
"ကျနော်ကတော့ ကျနော့် အကြိုက်လေးတွေ လုပ်တဲ့သူမှ သဘောကျတာ ဦးချမ်းသာရေ…လုပ်ငန်းက အရှုံးပြပေမယ့်…မောင်ပြာကတော့ ကျနော့်ကို ဂရုစိုက်မပြတ်ဘူးဗျ"
"ဦးဘောဂ စိတ်တော့မဆိုးနဲ့ဗျာ…တစ်ခုတော့ပြောမယ်"
"ပြောပါ ဦးချမ်းသာ…"
"တကယ်တော့ ခင်ဗျားကြိုက်ဖို့ မလိုဘူးဗျ…စာသုံးသူ ကြိုက်ဖို့လိုတယ်…ခင်ဗျားကို ဂရုစိုက်ဖို့မလိုဘူးဗျ…အလုပ်ကို ဂရုစိုက်ဖို့လိုတယ်…။"
"ဘယ်လို…"
"ဟုတ်တယ်လေ စားသုံးသူက ကျနော်တို့ အလုပ်ရှင်နဲ့တိုက်ရိုက်ဆံနေတာမှ မဟုတ်တာ…ခင်ဗျားကြိုက်တော့ ခင်ဗျားပစ္စည်းကိုခင်ဗျား အမြတ်ပြန်ပေးဝယ်မလား…ဦးဘောဂ"
"အဲ…ဝယ်စရာမှမလိုတာ…"
"ဒါပဲလေ…ဦးဘောဂ…"
ဦးဘောဂ ခေါင်းစားသွား၏။
"ခင်ဗျားကို ဂရိုစိုက်ပြနေတော့ရော…အလုပ်တွေပြီးသွားမှာလား ဦးဘောဂရေ"
"အဲ ဒါပေမယ့်…"
"ဒါပေမယ့် ကျုပ်ကောင်လည်း လူမှု့ရေးတော့ရှိတာပေါ့ဗျာ…။လူမှု့ရေးဆိုတာ ဖားတာနဲ့တော့ မတူဘူးနော် ဦးဘောဂ"
"အဲ…"
"ဖားတတ်တာနဲ့ တော်တတ်တာမတူဖူးနော် ဦးဘောဂရေ…အာ့လေးသတိထားဗျ…ဒါဆို ခင်ဗျားလုပ်ငန်းတိုးတက်လိမ့်မယ်"
ဦးဘောဂ ဘာမှ ပြန်မပြောနိုင်တော့ပေ…။
ဦးချမ်းသာကတော့ ခေါင်းတငြိမ့်ငြိမ့်ဖြင့် ပြုံးလို့သာ နေပါတော့၏…။
>>>
သင်ခန်းစာ …
-
( ၁ )
အလုပ်သမားများသည် ငွေဝယ်ကျွန်မဟုတ်…။သက်ဆိုင်ရာ လုပ်ငန်းတာဝန်ဆောင်ရွက်ရန် အခကြေးငွေ ပေးဆောင်ရသော လူအချင်းချင်းသာဖြစ်သည်…။
( ၂ )
မိမိသည် လုပ်ငန်းရှင်နေရာရောက်နေပါက…
အလုပ်သမားတစ်ယောက် အရည်အချင်းကို ဆုံးဖြတ်ရာတွင်
ကိုယ့်အကြိုက်ထက် စားသုံးသူ ကြိုက်ဖို့ ပိုအရေးကြီးသည်ကို မမေ့ပါနှင့်…။တနည်းအားဖြင့် ကိုယ့်အကြိုက်သည် စားသုံးသူအကြိုက်နှင့် ပတ်သတ်ရမည်…။
ဖားခြင်း နှင့် လူမှုရေးနားလည်ခြင်းကို ခွဲခြားတတ်ရမည်…။
မိမိအပေါ် ပြုစုယုယခြင်းထက်…လုပ်ငန်းအပေါ် တာဝန်ကျေဖို့သာ ပထမဦးစားဖြစ်သည် သတိပြုနေရမည်…။
( ၃ )
အဖားကြိုက်တတ်တဲ့ သူတွေ အကြီးအကဲနေရာ ရနေရာရနေခဲ့ပြီး
သက်ဆိုင်ရာ အရည်းအချင်းမရှိပဲ
ဖားတတ်တဲ့ သူတွေနေရာရနေသ၍…
တဖြည်းဖြည်းနဲ့ ဆုတ်ယုတ်လာမှာပါပဲဖြစ်သည်…။
---------
ဒီတော့…
ကျနော်တို့သာ အလုပ်ရှင်တွေနေရာကို ရောက်နေတဲ့အချိန်မှာဆိုရင်…ဘယ်လိုလူမျိုးကို ရွှေးချယ်သင့်ပါသလဲ……???
ဒါမှမဟုတ်…
အလုပ်သမားတွေ နေရာမှာ ရောက်နေတဲ့ အချိန်မှာဆိုရင်ရော …အလုပ်နှင့် သူဋ္ဌေး မည်သည့် အပိုင်းကို ဦးစားပေးမည်လဲ…??
-----------
#zeroneo
-မှတ်စုကြမ်း
0 comments:
Post a Comment