အလုပ်ခွင်တစ်ခုမှာ ကိုယ်သဘောကျလို့ ပျော်ရွှင်စွာအလုပ်လုပ်နေရတဲ့သူတွေ ရှိနိုင်သလို မပျော်ပေမယ့်လည်း စားဝတ်နေရေးကြောင့်၊ ဒါမှမဟုတ် အကြောင်းအမျိုးမျိုးကြောင့် ဆက်လက်လုပ်ကိုင်နေရသူတွေ ရှိတတ်ပါတယ်။ နိစ္စဓူဝ ဒီအလုပ်ခွင်ထဲမှာ မပျော်မရွှင် လုပ်ဆောင်နေရမယ့်အစား ကိုယ့်အတွက် အဆင်ပြေအောင် ကိုယ်ကိုကိုယ်သာ ကြိုးစား လုပ်ဆောင်နိုင်ပါတယ်။ ငါမပျော်ဘူး၊ စိတ်ပျက်တယ်၊ စိတ်ညစ်တယ်လို့ ခံစားနေမယ့်အစား ဒီအလုပ်ထဲက ငါဘာတွေများ အကျိုးကျေးဇူးရနိုင်မလဲဆိုပြီး စိတ်ဓာတ်ကို ပြင်ဆင်ကာ လုပ်ဆောင်ရမယ် မဟုတ်ပါလား။ ဒီတော့ သင်မပျော်ရွှင်တဲ့ အလုပ်ခွင်ထဲ အရင်ထက် ပို အဆင်ပြေပြေလေး ရှိလာစေဖို့ သိထားရမယ့် အချက်ကလေးတွေ ပြောပြပေးချင်ပါတယ်။
၁။ အလုပ်ကိုငြီးငွေ့ စိတ်ပျက်နေရင်တောင် လုပ်စရာရှိတာကို ဆက်လုပ်နေလိုက်ပါ။
သင်လုပ်ဆောင်နေရတဲ့ အလုပ်တွေက သင့်အတွက် ငြီးငွေ့စရာ ဖြစ်နေရင်တောင် လုပ်စရာရှိတာတွေကိုတော့ တစ်နေ့စာတစ်နေ့ သည်းခံ လုပ်ဆောင်နေလိုက်ပါ။ ဒီလိုလုပ်ဆောင်နေရင်း ဒီအလုပ်ကနေ အခြား ကိုယ်ဝါသနာ ပါရာ အလုပ်တစ်ခုကို ဘယ်လို ခြေလှမ်းလှမ်းနိုင်မလဲဆိုတာ တစ်ဖက်က လေ့လာနေပါ။ အလုပ်ခုံမှာ စိတ်ပျက်လက်ပျက် ထိုင်နေမယ့်အစား ကိုယ့်အလုပ်တွေလည်း ပြီးအောင် ကိုယ်လုပ်ချင်တာလေးလည်း လုပ်ဖို့ အခွင့်အရေးရအောင် ကြိုးစားပါ။ ဒီအလုပ်ကနေ သင်နောက်ထပ် ဘာတွေများ ထပ်မံသင်ယူနိုင်မလဲဆိုတာကိုလည်း တွေးပါ။ အပြောင်းအလဲတစ်ခုဟာ ဇွဲမလျှော့တဲ့သူတစ်ယောက်အတွက်တော့ တစ်ချိန်ချိန် ရောက်ကိုရောက်လာမယ်ဆိုတာကို ယုံကြည်ထားဖို့လိုပါတယ်။
၂။ ပင်ပန်းမယ့်ကာလပေမယ့် အခြားအလုပ်အတွက် စိတ်ကူးအိပ်မက်တွေကို အကောင်အထည်စဖော်ကြည့်ပါ။
တစ်နေ့တာ အလုပ်ဆင်းသွားလို့ ပင်ပန်းနေပေမယ့် သင်လုပ်ချင်တဲ့ အလုပ်က ဘာများလဲဆိုတာ သေချာသိအောင်လုပ်ပြီး အဲ့ဒီအလုပ်အတွက် လိုအပ်တဲ့အရာတွေကို ပိုနေတဲ့ အချိန်တွေမှာ စတင်လေ့လာပါ။ ညနေရုံးဆင်းချိန် သူများတွေ သွားလာစားသောက်နေကြပေမယ့် သင်ကတော့ အပင်ပန်းခံပြီး သင့်အိပ်မက်တွေအတွက် အကောင်အထည်ဖော်ဖို့ အချိန်ပေးရပါလိမ့်မယ်။ ခုလုပ်နေတဲ့အလုပ်နဲ့ သင်စိတ်ကူးအိပ်မက်အလုပ်လေးက နယ်ပယ်ကွာခြားနေတယ်ဆိုရင်တော့ သင်ဟာ သူများတွေထက် အပင်ပန်းခံ ကြိုးစားရပါလိမ့်မယ်။ ခုလို အပင်ပန်းခံနေရလို့ ခုလုက်ရှိလုပ်နေတဲ့ အလုပ်မှာလည်း လျှော့ပြီးလုပ်တာမျိုးတွေ မလုပ်ပါနဲ့။ တာဝန်ကြေအောင် အမြဲကြိုးစားပါ။
၃။ ကိုယ်မျှော်လင့်နေတဲ့အရာက ဘာလဲဆိုတာ ကိုယ့်ဘာသာကိုယ်သိပါစေ။
တစ်ခါတစ်လေ လူတွေမှာ အလုပ်တွေလုပ်နေပေမယ့် ဒီအလုပ်ကို ဘာ့ကြောင့်လုပ်ဆောင်နေကြတယ်။ ကိုယ်ဘာလုပ်ချင်၊ ဖြစ်ချင်တယ်ဆိုတာကို မသိကြတဲ့သူတွေ အများကြီးမို့ ကိုယ့်ကိုယ်ကိုယ် ငါဘာဖြစ်ချင်တာလဲ၊ ငါမျှော်လင့်တဲ့အရာက ဘာများဖြစ်မလဲဆိုတာ တွေးပါ။ သိအောင်လုပ်ပါ။ အလုပ်မှာလည်း ကိုယ့်ဘော့စ်က ကိုယ့်ကို ဘာဖြစ်စေချင်တာလဲ၊ ဘာလုပ်စေချင်တာလဲကအစ အားလုံးက ရှင်းလင်းအောင် သိအောင်လုပ်တာအကောင်းဆုံးပါ။ ဒီတော့ အလုပ်တစ်ခု ကိုယ့်ကိုခိုင်းတဲ့အခါ ဒီအလုပ်ကို ဘယ်လိုမျိုးသူက ဖြစ်စေချင်တာလဲ၊ လုပ်စေချင်တာလဲ၊ ဘယ်အချိန်အားလုံးပြီးစေချင်တာလဲ စသဖြင့် ရှင်းရှင်းလင်းလင်း သိအောင်ကြိုးစားတဲ့ အကျင့်လေး ပျိုးထောင်ပါ။
၎။အလုပ်မှာ မိတ်ဆွေဖွဲ့ပါ။
သင့်အလုပ်မှာ သူငယ်ချင်းတွေ၊ မိတ်ဆွေတွေ ရှိနေရင် အလုပ်မှာ အရင်ကထက် ပျော်လာပါလိမ့်မယ်။ ဖြစ်နိုင်ရင် သူတို့နဲ့အတူ ထမင်းအတူစားတာ၊ ကော်ဖီသောက်ရင်း စကားပြောတာမျိုးလေးတွေ လုပ်ပေးပါ။ တစ်ယောက်တည်း နေခြင်းက သင့်ကိုအလုပ်မှာ ပိုပင်ပန်းအထီးကျန်စေပါတယ်။
၅။ သိထားရမယ့် စည်းမျဉ်းစည်းကမ်းလေးတွေ အထက်အရာရှိကိုမေးပါ။
ရုံးတစ်ရုံး၊ ကုမ္ပဏီတစ်ခုမှာ အထက်က ဘာတွေလုပ်ရမယ် ဘာညာကြေငြာထားတာမျိုး၊ အတိအလင်းပြောထားတာမျိုး မရှိပေမယ့် သိထားရမယ့် စည်းမျဉ်းလေးတွေ ရှိတတ်ပါတယ်။ ဥပမာ - အီးမေးလ်တွေကို တစ်ရက်အတွက် အကုန် ပြန်ပို့ပေးရတာမျိုး၊ တစ်ချို့အလုပ်တွေကို အိမ်ကနေ တစ်ပတ်တစ်ရက်လောက် မဖြစ်မနေ အပြီးသတ်ပေးရတာမျိုး စသဖြင့်ပေါ့။ အဲ့ဒါလေးတွေကို ကိုယ့်ထက် ဒီအလုပ်ကို စောဝင်တဲ့ လုပ်ဖော်ကိုင်ဖက်၊ ဒါမှမဟုတ် ကိုယ့်ထက်ကြီးတဲ့ အထက်အရာရှိတစ်ယောက်ယောက်ကို သေချာမေးပြီး လုပ်ဆောင်သင့်ပါတယ်။
