၁။ ထိုင်ဝိုင်း(အစုအဝေး)တစ်ခုခုတွင် လူတို့သည် အရေးကြီးသည့် စကားများ ပြောဆိုဆွေးနွေးနေသည့်အခါ နောက်မှရောက်လာသူသည် ထိုင်ဝိုင်း၌ရှိနေသူတို့အား စလာမ်မေတ္တာမပို့သဘဲ ထိုင်ဝိုင်း၏ တစ်ဖက်တစ်ချက်တွင် တိတ်တဆိတ်ထိုင်လိုက်ရမည်။ ထိုင်ဝိုင်း၌ရှိသူတို့၏ အာရုံသည် စလာမ်မေတ္တာပို့သူဘက်သို့ ပြောင်းသွားလျှင် ပြောဆိုဆွေးနွေးလက်စ စကားပြတ်သွားမည်ဖြစ်၍ စလာမ်မေတ္တာမပို့ရ။ နောက်မှ အခြေအနေကို သုံးသပ်ပြီး စလာမ်မေတ္တာပို့သခြင်းကို ပြုနိုင်သည်။
၂။ အချင်းချင်း စလာမ်မေတ္တာပို့သကြကုန်။ စလာမ်ပေးသူက အတ်စ္စလာမုအလိုင်းကွမ်း ဟုဆို၍ စလာမ်တုံ့ပြန်သူက ဝအလိုင်းကုမွတ်စ်စလာမ် ဟု ဆိုရမည်။ အခြားသော စလာမ်ပေးသည့်နည်းလမ်းများသည် အခြေအမြစ်မရှိသည့် နည်းလမ်းများဖြစ်၏။
၃။ တစ်ဦးဦးက အခြားတစ်ဦးဦးနှင့် စလာမ်လူကြုံပါးလိုက်လျှင် စလာမ်လာရောက်ပေးသူ တစ်ဆင့်စလာမ်ယူဆောင်လာသူအား အလိုင်းဟင်မ် ဝအလိုင်းကုမွတ်စ်စလာမ် ဟု စလာမ်တုံ့ပြန်ခြင်းမှာ ပိုကောင်း၏။ ဤသို့မဆိုဘဲ ဝအလိုင်းကုမွတ်စ်စလာမ် ဟု ဆိုကလည်း ရ၏။
၎။ လူအများထဲက တစ်ဦးဦးက အခြားသူများကို စလာမ်မေတ္တာပို့သလိုက်ပါက အားလုံးအတွက် လုံလောက်၏။ ထိုနည်းတူ ထိုင်ဝိုင်း(အစုအဝေး)တွင်းမှ တစ်ယောက်သောသူက စလာမ်တုံ့ပြန်လိုက်ပါက အခြားသူများ စလာမ်ပြန်စရာ မလိုတော့ချေ။ တစ်ဦးတစ်ယောက်က စလာမ်တုံ့ပြန်ခြင်းဖြင့် အားလုံးအတွက် လုံလောက်၏။
၅။ စလာမ်မေတ္တာ ဦးစွာပို့သသူသည် အကျိုးဆဝါးဗ်ပို၍ရ၏။ (ဗဟစ်ရ်ှသီးဇေဝရ်ကျမ်း)
စလာမ်တုံ့ပြန်နည်း
၆။ တစ်ဦးတစ်ယောက်က စလာမ်ပေးလာသည့်အခါ စလာမ်ပြန်သူသည် ဦးခေါင်းညိတ်ပြခြင်း၊ လက်အမူအယာဖြင့် ရောင့်ရဲတင်းတိမ်မနေဘဲ နှုတ်အားဖြင့် စလာမ်တုံ့ပြန်ရမည်။ ဦးစွာစလာမ်မေတ္တာပို့ခြင်းဖြင့် တစ်ဘက်သားကို ကျေးဇူးပြုခြင်းဖြစ်၍ ၎င်းအားပြန်လည်၍ တူညီသည့် ကျေးဇူးပြုချင်သည်မှာ ဓမ္မတာဖြစ်၏။ အကောင်းဆုံးသော ပြန်လည်ကျေးဇူးပြုနည်းမှာ ပထမကျေးဇူးပြုထားသူထက် အနည်းငယ်သာပို၍ ကျေးဇူးတုံ့ပြန်ခြင်းပင် ဖြစ်၏။ ဆိုလိုသည်မှာ စလာမ်တုံ့ပြန်ခြင်းသည် ဦးစွာစလာမ်ပေးခြင်းထက် သာရပေမည်။ စလာမ်ပေးသူက အတ်စ္စလာမုအလိုင်းကွမ်း ဟုဆိုလျက် စလာမ်ပေးလျှင် တုံ့ပြန်သူသည် ပိုမိုပြည့်စုံသည့် ဝအလိုင်းကုမွတ်စ်စလာမ် ဝရမသုလ္လာဟ် ဟုပြောက ပိုကောင်းပြီး ဝဗရကာသူဟ် ဟု ပိုမိုပြည့်စုံစွာ တုံ့ပြန်က အကောင်းဆုံးဖြစ်၏။ (မဂျာလိစူလ် ဟစ်(က)မဟ် (စာ - ၂၃၁)
၇။ ပေးစာများတွင် ပါရှိသော စလာမ်မေတ္တာပို့သခြင်းများကို စာပြန်၍ဖြစ်စေ၊ နှုတ်အားဖြင့်ဖြစ်စေ ပြန်လည်စလာမ်တုံ့ပြန်ရန် ဝါဂျိဗ်တာဝန်ရှိ၏။
ပေးစာများတွင်ပါသည့် စလာမ်ကို တုံ့ပြန်နည်း
၈။ ပေးစာများတွင် အတ်စ္စလာမုအလိုင်းကွမ်း ဟူ၍ရေးသားလျက် စလာမ်မေတ္တာပို့သခြင်းကို ဖြေဆိုတုံ့ပြန်ရာ၌ ဝအလိုင်းကုမွစ်စလာမ် ဟူ၍ လည်းကောင်း၊ အတ်စ္စလာမုအလိုင်းကွမ်း ဟူ၍လည်းကောင်း ပြန်လည်တုံ့ပြန်ခြင်းကို လုံလောက်သည်ဟု ပညာရှင်များက ရေးသားထား၏။ (အိဖာဿွာသ် စာ ၁၄၄)
၉။ ကျွန်ုပ်သည် ကလေးသူငယ်များထံ စာရေးရာ၌ ကလေးများ စိတ်ချမ်းမြေ့စေရန် ရည်ရွယ်၍ ဒုကာတောင်းပေးသည့် စာသားနှင့်အတူ တမန်တော်မြတ်၏ စွန်နသ်တော်ဖြစ်သည့် စလာမ်မေတ္တာပို့သခြင်းကိုလည်း ပို့ပေးလေ့ရှိ၏။ စာရေးသည့်အစီအစဉ်မှာကား အတ်စ္စလာမုအလိုင်းကွမ်း၊ ဒုအာပြုပြီးနောက် သိစေရန်မှာ ဟူ၍ဖြစ်၏။ (ကမာလားသိအရ်ှရဖီယာ အတွဲ၊ ၄။ စာ ၁၂)
၁ဝ။ အချို့ကလေးသူငယ်များထံမှ လာသောစာများတွင် စလာမ်မေတ္တာပို့သထားသည်ကို တွေ့ရပြီး အများအားဖြင့် အဆိုပါစလာမ်မေတ္တာပို့သခြင်းကို တုံ့ပြန်ရာတွင် ကလေးသူငယ်များအတွက် ဒုအာကိုသာ ပြန်လည်ရေးသာတုံ့ပြန်ကြသည့် အလေ့အထကို တွေ့ရသည်။ ကျွန်ုပ်တို့ထံတွင် ဤသို့ဒုအာပေးသည့်စာသားကို ရေးရုံမျှဖြင့် စလာမ်တုံ့ပြန်ခြင်း အထမမြောက်။ ထို့ကြောင့် ကျွန်ုပ်သည် ကလေးသူငယ်များထံ ပြန်စာတွင် ဒုအာအပြင် စလာမ်ကိုပါ ရေးသားလေ့ရှိ၏။ (အိဖာဿွာသ် စာ၁၄၄)
၁၁။ စာပါ စလာမ်မေတ္တာပို့သခြင်းမှာ ကလေးသူငယ်များက ရေးသားခြင်းမဟုတ်ဘဲ လူကြီးတစ်ယောက်ယောက်က ကလေးသူငယ်များအတွက် ရေးသားလိုက်ခြင်းဖြစ်ပါက အဆိုပါစလာမ်ကို တုံ့ပြန်ရန် ဝါဂျိဗ်တာဝန်မဟုတ်ပေ။ (အိဖာဿွာသ် စာ ၁၄၄)
၁၂။ စလာမ်ပေးသည့်အစား အာသာဗ် ဟူ၍ပြောဆိုရေးသားခြင်းမှာ (ဗစ်ဒ်အသ်) အသစ်တီထွင်ခြင်း ဖြစ်၏။ ယင်းသို့ စလာမ်ဆိုရမည့်အစား အသာဗ်ဟု ဆိုခြင်း၊ ရေးခြင်းမှာ ရှရီအသ်တရားတော်ကို ပြောင်းပစ်ခြင်းဖြစ်၏။ သို့ရာတွင် စလာမ်ဟု ပြောဆိုရေးသားပြီးနောက်မှ အာသါဗ် စသည့်စာသားကို ပြောဆို၊ ရေးသားခြင်းမှာ အပြစ်တစ်စုံတစ်ရာ မဖြစ်ချေ။ (ကမာလားသိအရ်ှရဖီယာ အတွဲ - ၁၊ စာ - ၁၄၇)
၁၃။ တစ်ဦးတစ်ယောက်စကားပြောနေချိန်တွင်လည်းကောင်း၊ အလုပ်ကိစ္စတစ်ခုခုတွင် မွေ့လျော်နေလျှင်လည်းကောင်း ရောက်လာသောသူသည် စလာမ်ပေး၊ လက်ဆွဲနှုတ်ဆက်ခြင်းမပြုဘဲ အနီးတွင် ထိုင်နေသင့်၏။ ဤသို့သောအချိန်၌ စလာမ်ပေး၊ လက်ဆွဲနှုတ်ဆက်ခြင်းမှာ ထိုသူအား ဒုက္ခပေးခြင်းဖြစ်ပြီး အစ္စလာမ့်ယဉ်ကျေးမှုနှင့်လည်း ဆန့်ကျင်၏။ (ကမာလားသိအရ်ှရဖီယာ အတွဲ - ၁၊ စာ - ၁၅ဝ)
၁၄။ သာသနာ့ကိစ္စရပ် တစ်ခုခု၌လည်းကောင်း၊ ကိုယ်ရေးကိုယ်တာ ကိစ္စရပ်တစ်ခုခု၌လည်းကောင်း မွေ့လျော်နေသူအား စလာမ်ပေးခြင်း မပ်(က)ရူဟ်ဖြစ်၏။ ထို့ကြောင့် ထမင်းစားသုံးနေသူအား စလာမ်ပေးခြင်း မပ်(က)ရူဟ်ဖြစ်၏။ ထမင်းစားသုံးနေချိန် စကားပြောခွင့်ရှိ၏။ (ဟွတ်စ်နူလ်အဇီးဇ် တွဲ - ၁၊ စာ ၁ဝ၇)
၁၅။ စာတစ်စောင်၏ အဖြေရေးရင်း အမိန့်ရှိသည်မှာ သူဌေးတစ်ဦး၏ အလုပ်သမားထံမှ ကျွန်ုပ်၏အလုပ်ရှင်အား ဦးညွတ်လျှက် စလာမ်ပေးခြင်းမှာ ရှရီအသ်တရားတော်အရ ပေးပိုင်၊ မပိုင် ဖြေကြားပေးပါ။ ဟု ရေးသားမေးမြန်း လာသည်။ ကျွန်ုပ်အနေဖြင့် အဆိုပါအလုပ်သမားအား ဖြေဆိုရာ၌ ဦးညွတ်၍ စလာမ်ပေးခြင်း ပိုင်၏ဟု ဖြေဆိုလိုက်ပါက ကျွန်ုပ်အဖြေမှားပေလိမ့်မည်။ အကယ်၍ ကျွန်ုပ်အနေဖြင့် ဦးညွတ်၍ စလာမ်မပေးပိုင် ဟု ဖြေက အဖြေမှန်သော်လည်း အဆိုပါအလုပ်သမား၏ အလုပ်ရှင်က ဤသို့အဖြေပေးခြင်းကို သိသွားပါက ငါ့တပည့်ကို ယဉ်ကျေးအောင် သင်ရမည့်အစား ရိုင်းစိုင်းအောင် သင်နေပါလားဟု အထင်မှားလိမ့်မည်။ ကျွန်ုပ်က အဆိုပါအလုပ်သမားထံ အဖြေမရေးမီ သင်၏အလုပ်ရှင်သည် ဦးညွတ်လျှက် စလာမ်မပေးက စိတ်ဆိုးမည်လားဟု မေးလိုက်၏။ အကယ်၍ အလုပ်ရှင်သည် ဦးညွတ်လျက် စလာမ်မပေးက စိတ်ဆိုးသည်ဟု အဖြေလာမှသာ ဤသို့ဦးညွတ်လျက် စလာမ်မပေးပိုင်ဟု အဖြေရေးလိုက်မည်။ (အိဖာဿွာသ် တွဲ ၈၊ စာ ၂၇၃)
၁၆။ ရှရီအသ်တရားတော်တွင် ခက်ခဲမှု၊ လေးလံမှု၊ တစ်ဦးတစ်ယောက် ဒုက္ခရောက်စေမှု စသည်တို့ကို ပြင်းထန်စွာ ဖြိုခွင်းထားပေသည်။ ထို့ကြောင့်ပင် ရှရီအသ် တရားတော်က တစ်ဦးတစ်ယောက် ဒုက္ခဖြစ်စေမည့် တစ်ဦးတစ်ယောက်၏ အိမ်တွင်းသို့ ခွင့်ပြုချက်မယူဘဲ ဝင်ခြင်းကိုလည်းကောင်း၊ တစ်ဦးတစ်ယောက်၏ တစ်ကိုယ်တည်းနေထိုင်သည့် နေရာတွင်းသို့ ခွင့်မတောင်းဘဲ ဝင်ခြင်းကိုလည်းကောင်း တင်းကျပ်စွာတားမြစ်ထားကြောင်း တွေ့ရပေမည်။
တစ်ဦးတစ်ယောက်၏ အိမ်(အခန်း) တွင်းသို့ မဝင်မီ ဝင်ခွင့်တောင်းသည့်နည်းမှာ ဦးစွာ အိမ်၊ အခန်း၏ အပြင်ဘက်တွင် ရပ်လျက် စလာမ်မေတ္တာပို့ရပေမည်။ ပြီးနောက် အခန်းတွင် ရှိသူတို့ နားလည်မည့် ဘာသာစကားဖြင့် အထဲသို့ ဝင်ခွင့်တောင်းရပေမည်။ စလာမ်ပို့သရာတွင် ဂရုပြုသင့်သည်မှာ ရှရီအသ်တရားတော်က ပြသထားသည့် စလာမ်စကားလုံးများ ဖြစ်ရမည်။
ကျင်ငယ်သုတ်သင်နေချိန်၌ စလာမ်ပေးနိုင်၊ တုံ့ပြန်နိုင် ပါသလား
အမေး။ ကျင်ငယ်(ဆီး)စွန့်ပြီး၊ ဆေးကြောသုတ်သင်နေစဉ် စလာမ်မေတ္တာပို့ခြင်းကို တုံ့ပြန်ခြင်း၊ စလာမ်မေတ္တာပို့သခြင်း ပြုပိုင်ပါသလား။ ဟဒီးဆ်တော်တွင် တမန်တော်မြတ် ကျင်ငယ်(ဆီး)စွန့်နေသည့်အချိန် စလာမ်ပေးသောအခါ စလာမ်ကို တုံ့ပြန်ခြင်းမရှိကြောင်း သိရပေသည်။ ယနေ့မျက်မှောက်ခေတ် မုစ်လင်မ်တို့သည် (ကျင်ငယ်စွန့်နေချိန်မဟုတ်ဘဲ) ကျင်ငယ်စွန့်ပြီး၍ သုတ်သင်ဆေးကြောနေချိန်တွင် စလာမ်ပေးသောအခါ စလာမ်ကို တုံ့ပြန်ခြင်း မပြုကြပေ။ ဤသည်မှာ ၎င်းတို့၏ မှားယွင်းသော အယူအဆလား၊ သို့မဟုတ် ဤသို့ပြုလုပ်ခြင်းသည် ပိုင်ကြောင်း အထောက်အထား၊ အကိုးအကားရှိပါသလား။ ဟဒီးစ်တော်များတွင် ဟိုက်(သွ)ရာသီသွေး ပေါ်နေသည့် အမျိုးသမီးများပင်လျင် စလာမ်ပေးခြင်းနှင့် စလာမ်တုံ့ပြန်ခြင်းကို ပြုလေ့ရှိကြောင်း လာရှိထားပေးရာ ဆရာကြီးမှ ဖြေကြားပေးရန် လျှောက်ထားမေးမြန်းပါသည်။
အဖြေ။ ဒူရ်ရိမုခ်သာရ်ကျမ်း၌ စလာမ်ပေးခြင်း၊ စလာမ်တုံ့ပြန်ခြင်း နှစ်ရပ်စလုံး မက္ကရူးဟ်ဖြစ်သည့် အခြေအနေများ၊ နေရာဒေသများကို ရေတွက်ဖော်ပြရာတွင် မေးခွန်းပါအခြေအနေကို ထည့်သွင်းဖေါ်ပြမထားခြင်းကြောင့်သော်လည်းကောင်း၊ စဉ်းစားတွေးတောကြည့်ခြင်းဖြင့်လည်း မေးခွန်းပါအခြေအနေတွင် စလာမ်မေတ္တာပို့သခြင်းနှင့် တုံ့ပြန်ခြင်းတို့အား တားဆီးပိတ်ပင်ထားသည့် အထောက်အထား၊ အကိုးအကား တစ်စုံတစ်ရာမရှိသောကြောင့်လည်းကောင်း မေးခွန်းပါအခြေအနေမျိုး၌ စလာမ်မတုံ့ပြန်ခြင်းမှာ အထောက်အထား အကိုးအကားမရှိဘဲ အစဉ်အလာ သက်သက်မျှသာ ဖြစ်ပုံရ၏။ (အင်မ်ဒါဒုလ်ဖသာဝါ (တွဲ - ၄၊ စာ - ၂၇၉)
၁၇။ မိမိက တစ်ဦးတစ်ယောက်၏ စလာမ်ကို ၎င်းပို့လိုသူထံသို့ အရောက်ပို့ပေးမည်ဟု ကတိပြုလိုက်ပါက အမှန်တကယ်သက်ဆိုင်သူထံ စလာမ်ပေးပို့ရန်မှာ ကတိပြုသူအပေါ် ဝါဂျိဗ်တာဝန်ဖြစ်၏။ အကယ်၍ ကတိမပေးထားပါက ဝါဂျိဗ်တာဝန်မဖြစ်ပေ။ (ကလိမသူလ်ဟပ်က် စာ ၁၁၅)
၁၈။ ရှရီအသ်တရားတော်တွင် စလာမ်မေတ္တာပို့သခြင်း၏ စာလုံးများ၌ အတ်စ္စလာမုအလိုင်းကွမ်းဟု ဆိုရာတွင် ကြီးသူကိုပေးရသည့် စလာမ်၏စာသားနှင့် ငယ်သူကိုပေးရသည့် စာသားဟူ၍ ခွဲခြားဖေါ်ပြထားခြင်းမရှိသော်လည်း ကြီးသူကို ပေးရသည့်စလာမ်နှင့် ငယ်ရွယ်သူကို ပေးရသည့်စလာမ်တို့ကို လေယူလေသိမ်းအရ အသံအနိမ့်အမြင့် ကွဲပြား ခြားနားအပ်ပေသည်။ ဤသည်မှာ ရှရီအသ်တရားတော်က သွန်သင်ဆုံးမထားသည့် ကြီးသူကိုလေးစားရမည်ဆိုသည့် အဆုံးအမအတိုင်း လိုက်နာကျင့်သုံးခြင်းတွင် အကျုံးဝင်၏။ ငယ်သူက ကြီးသူကို စလာမ်ပေးရာတွင် အသံနှိမ့်၍သော်လည်းကောင်း၊ ကျိုးနွံသည့် လေသံဖြင့်လည်းကောင်း၊ စလာမ်မေတ္တာပို့သခြင်းမှာ ကြီးသူကို ရိုသေခြင်း၊ လေးစားခြင်း၏ တစ်စိတ်တစ်ဒေသပင် ဖြစ်၏။
ကြီးသူတို့အား ကျိုးနွံစွာ အသံကိုနှိမ့်လျက် စလာမ်မေတ္တာပို့သရန်၊ ငယ်ရွယ်သူတို့အပေါ်၌ တာဝန်ရှိသည့်အပြင် မည်သည့်စကားမျိုးကိုပင်မဆို ပြောဆိုဆွေးနွေးရာတွင် ကြီးသူတို့ရှေ့တွင် ငယ်ရွယ်သူတို့သည် ကျိုးနွံလျက် အသံကိုနှိမ့်လျက် ပြောဆိုဆွေးနွေးရမည်ကို သတိပြုသင့်ပေသည်။
၁၉။ ငယ်ရွယ်သူတို့သည် ကြီးသူတို့ကို စလာမ်ပေးရာတွင် အထက်တွင်ဖော်ပြသည့်အတိုင်း အသံနှိမ့်လျက် ကျိုးနွံစွာ စလာမ်ပေးရမည်။ ကြီးသူတို့အနေနှင့်လည်း ငယ်ရွယ်သူတို့ကို သေးသိမ်သူများဟု မယူဆရပေ။
၂ဝ။ သားဖြစ်သူသည် မိမိဖခင်ကို စလာမ်ပေးသည့်အခါ အဆိုပါစလာမ်ကို ကြားသူသည် ဤစလာမ် သားဖြစ်သူက ဖခင်ဖြစ်သူကို ပေးသည့်စလာမ်ဟု သိလောက်အောင် ကျိုးနွံစွာဖြင့် အသံကိုနှိမ့်လျက် စလာမ်ပေးရမည်။ ဤသို့ စလာမ်ပေးခြင်းအားဖြင့် သားဖြစ်သူအတွက် ဘာမှ ဆုံးရှုံးနစ်နာမည်မဟုတ်ပေ။
၂၁။ ရံဖန်ရံခါ စလာမ်မေတ္တာပို့သခြင်းကို အကြောင်းပြု၍ စလာမ်မေတ္တာပို့ခြင်းခံရသူသည် စလာမ်မေတ္တာပို့သသူအား တစ်သက်တာ ချစ်ခင်သွားတတ်ပေသည်။ အကြောင်းကား အချို့သော စလာမ်မေတ္တာပို့သခြင်းများတွင် စလာမ်ပေးပုံ အသွင်သဏ္ဍန်အရလည်းကောင်း၊ လေယူလေသိမ်းအရလည်းကောင်း၊ ချစ်ခင်ခြင်းများဖြင့် ပြည့်လျှံနေကြောင်း ခံစားသိရှိရပေသည်။
စလာမ်မေတ္တာပို့သခြင်းဆိုင်ရာ မတ်(စ)အလဟ်များ
*****************
(၁) စလာမ်မေတ္တာပို့သခြင်းသည် စွန်နသ်ဖြစ်၍ စလာမ်တုံ့ပြန်ခြင်းသည် ဝါဂျိဗ်တာဝန်ဖြစ်၏။
(၂) ဦးစွာ စလာမ်မေတ္တာပို့သသူသည် စလာမ်မေတ္တာတုံ့ပြန်သူထက် ပို၍အကျိုးစဝါးဗ်ရ၏။
(၃) သိကျွမ်းသူ၊ မသိကျွမ်းသူ အားလုံးတို့အား စလာမ်မေတ္တာ ပို့သသင့်၏။
(၄) ဗလီဝတ်ကျောင်းအတွင်း ဝင်ရောက်သည့်အခါ ဗလီကျောင်းအတွင်းရှိသူများသည် စွလာသ်ဝတ်မပြုသေးပါက ၎င်းတို့အား စလာမ်မေတ္တာပို့သနိုင်သည်။ စွလာသ်ဝတ်ပြုမှုတွင် မွေ့လျော်နေက စလာမ်မေတ္တာမပို့သင့်တော့ပေ။ အကယ်၍ အချို့မှာ စွလာသ်ဝတ်ပြုနေကြပြီး အချို့မှာ စွလာသ်ဝတ်ပြုခြင်း မရှိသေးပါက စလာမ်မေတ္တာ ပို့သလိုက ပို့သခွင့်ရှိ၍ မပို့သ လိုကလည်း ပို့သဘဲ နေနိုင်သည်။
(၅) အများထဲမှ တစ်ဦးသောသူအား အမည်ဖေါ်၍ အတ်စ္စလာမုအလိုင်းကွမ်း မောင်ဖြူ ဟု တစ်ဦးတစ်ယောက်က စလာမ်မေတ္တာပို့သလာပါက အခြားပုဂ္ဂိုလ်တစ်ဦးဦးက စလာမ်တုံ့ပြန်လိုက်ရုံဖြင့် တာဝန်မကျေဘဲ မောင်ဖြူကိုယ်တိုင် စလာမ်တုံ့ပြန်ပါမှ တာဝန်ကျေပေသည်။
(၆) ငယ်ရွယ်သူက မိမိထက်ကြီးသူအားလည်းကောင်း၊ လမ်းသွားနေသူက ထိုင်နေသူအားလည်းကောင်း၊ အစီးအနင်းပေါ်တွင်ရှိသူက ခြေလျင်သွားသူအားလည်းကောင်း၊ စလာမ်မေတ္တာပို့သရမည်။
(၇) တစ်ဦးတစ်ယောက်ထံမှ ပြန်လည်ထွက်ခွာသည့်အခါ စလာမ်မေတ္တာပို့သခြင်းမှာ စွန်နသ်တော်လည်းဖြစ်၊ အကျိုးစဝါးဗ်လည်း ရ၏။
(၈) လူသူမရှိသော ဗလီ သို့မဟုတ် အိမ်တွင်းသို့ ဝင်ရောက်သည့်အခါ အတ်စ္စလာမုအလိုင်းနာ ဝအလာ အိဗာဒစ်လ်လာဟစ်ဆွာဟီးန် ဟု ဆိုသင့်၏။
(၉) ကဗရ်စသာန်း (သင်္ချိုင်း)အတွင်းသို့ ဝင်သောအခါ သင်္ချိုင်းအတွင်းရှိ သူသေတို့အား အောက်ပါစာသားကို ရွတ်ဆို၍ စလာမ်မေတ္တာပို့သသင့်၏။ " အတ်စ္စလာမု အလိုင်းကွမ်း ယာအဟ်လလ်ကုဗူးရိ အန်သွမ် လနာ စလဖွန် ဝနဟ်နု လကွမ်း သဗအွန် "
(၁ဝ) မွတ်စ်လင်မ်နှင့် ဘာသာခြားတို့ရှိနေသော နေရာတွင် စလာမ်မေတ္တာပို့က မွတ်စ်လင်မ်တို့အား ရည်စူး၍ စလာမ်ပေးရမည်။
(၁၁) ဘာသာခြားတစ်ဦးဦးက စလာမ်ပေးပါက ဟဒါကလ္လာဟ် (အလ္လာဟ်အရှင်မြတ် သင့်အား လမ်းမှန်တရား ချီးမြှင့်တော်မူပါစေ) ဟု ဖြေရမည်။
(၁၂) ဘာသာခြားများအား စလာမ်မေတ္တာပို့သရန် လိုအပ်လာပါက အတ်စ္စလာမု အလာမနစ်သ် သဗအလ် ဟုဒါ (အလ္လာဟ်အရှင်မြတ်၏ ဘက်တော်မှ ငြိမ်းချမ်းသာယာမှုအပေါင်းသည တရားလမ်းမှန်အတိုင်း လိုက်နာသူတို့အပေါ် ကျရောက်ပါစေ) ဟု ဆိုရမည်။
(၁၃) ဖာစစ်(က်) (အစ္စလာမ့် အမိန့်တော်များကို ပြောင်ပြောင်တင်းတင်း ချိုးဖောက်သူ) တို့အား စလာမ်မပေးအပ်ချေ။ တေးသီချင်းသီဆိုသူ၊ နားထောင်နေသူ၊ ဖဲကစားသူ၊ ဖဲကစားပွဲကို ကြည့်နေသူများ၊ စွန်လွှတ်ကစားသူများ၊ ခိုလွှတ် ခိုဖမ်းကစားသူများအား စလာမ်မပေးအပ်ချေ။
(၁၄) ကိုယ်မသန့်၍ ရေချိုးရန် ထိုက်နေသူသည် စလာမ်ပေးနိုင်သည်။
(၁၅) အဇာန်ဆိုနေချိန်၊ ဂျုမုအဟ် ခွသ်ဗဟ်ဖတ်နေချိန်၊ အီးဒ်နှစ်ရပ်လုံး၏ ခွသ်ဗဟ်ဖတ်နေချိန်၊ ကုရ်အာန်ကျမ်းမြတ် ရွတ်ဖတ်နေချိန်၊ သင်ကြားပို့ချနေချိန်၊ တရားဟောကြားနေချိန်၊ စကားပြောနေချိန်၊ ထမင်းစားနေချိန်၊ ကျင်ကြီး ကျင်ငယ် စွန့်နေချိန်တို့တွင် စလာမ်မပေးရ။ ယင်းအချိန်များတွင် စလာမ်ပေးပါက စလာမ်ပြန်ရန်မှာ ဝါဂျိဗ်တာဝန် မဟုတ်ပေ။ (ဗဟ်ရွတ်(ရ်)ရာအစ်(က်)၊ ရှာမီ)
(မုဖ်သီနူးရ်မိုဟမ္မဒ် ဆွာဟိဗ် ဘာသာပြန်သော အစ္စလာမ်နှင့် လူမှုဆက်ဆံရေး စာအုပ်မှ ကူးယူတင်ဆက်သည်။)
