“နေ့စဉ်သောက်ဆေးကဒ် အကြောင်း”
(Combined oral contraceptive)
၁။ အဲဒါ ဘာလဲ
နေ့စဉ်သောက်ရတဲ့ ဟော်မုန်းနှစ်မျိုးပါ သောက်ဆေးကဒ်ဖြစ်ပါတယ်။ (ပရိုဂျက်စတင် ဟော်မုန်းတစ်မျိုးတည်းသာ ပါဝင်တဲ့ ဆေးကဒ်လည်း ရှိပါသေးတယ်၊ ဆေးကဒ်ချင်းတူပေမယ့် သဘောသဘာဝချင်း မတူပါဘူး၊ ခုပြောမယ့် ဟော်မုန်းနှစ်မျိုးပါ ဆေးကဒ်ကတော့ ပိုပြီး အသုံးများပါတယ်)
ဆေးကဒ်အများစုမှာ (၂၈)လုံး ပါဝင်ပါတယ်။ ပထမ(၃)တန်း (၂၁လုံး)က ဟော်မုန်းပါဝင်ပါတယ်။ နောက်ဆုံးတန်း (၇)လုံးကတော့ သံဓါတ်အားဆေး၊ ဒါမှမဟုတ် ဘာအာနိသင်မှ မရှိတဲ့ဆေးတွေ ဖြစ်ပါတယ်။ ရာသီပေါ်စေချင်တဲ့အတွက် ဟော်မုန်းဆေးကို တစ်ပတ်အနားပေးလိုက်တဲ့ သဘောပါ၊၊ အဒီအတန်းမှာ ရာသီပေါ်လာပါလိမ့်မယ်။
၂။ အလုပ်လုပ်ပုံ
ကိုယ်ဝန်ရတယ်ဆိုတာ အမျိုးသမီးခန္ဓာကိုယ်ထဲက မမျိုးဥနဲ့ အမျိုးသားဆီက သုက်ပိုးနဲ့ ပေါင်းစပ်မိတဲ့အခါ ဖြစ်လာတာပါ။ ဒီပစ္စည်းလေးကတော့ အမျိုးသမီးရဲ့ ခန္ဓာကိုယ်ထဲမှာ မမျိုးဥမကြွေအောင် တားဆီးပေးပါတယ်။ ဒီတော့ သုက်ပိုးတွေဝင်လာလည်း ကိုယ်ဝန်မရနိုင်တော့ဘူးပေါ့။
၃။ ဘယ်လိုအသုံးပြုရတာလဲ
တစ်နေ့တစ်လုံး သောက်ရပါတယ်၊ အချိန်ကလည်း အမြဲကွက်တိ မဟုတ်တောင် မှန်ဖို့ လိုပါတယ်။ ဒါကြောင့် ပုံမှန်လုပ်နေကျ အလုပ်တခုခုနဲ့တွဲပြီး မှတ်ထားစေချင်ပါတယ်။ ဥပမာ ညအိပ်တာနဲ့ တွဲမှတ်ထားမယ်ဆိုရင် အ်ိပ်တော့မယ်ဆိုတာနဲ့ ဆေးသောက်ရဦးမှာပါလားလို့ သတိရသွားမယ်၊ ည(၇)နာရီတိုင်း သောက်မယ်ဆိုတာက မေ့သွားနိုင်တာပေါ့။
အသုံးမပြုခင် ကျွမ်းကျင်တဲ့ ဆရာဝန်၊ ကျန်းမာရေးဝန်ထမ်းနဲ့ တိုင်ပင်ဆွေးနွေးသင့်ပါတယ်။ ကိုယ်နဲ့သင့်တော်တယ်ဆိုမှ အသုံးပြုပါ။ နောက်ပိုင်းအသုံးပြုမှုတွေအတွက်တော့ ဆေးခန်းကို ပုံမှန်သွားနေစရာ မလိုပါဘူး။
၎။ ထိရောက်မှု
ထိရောက်မှုရှိတဲ့ သားဆက်ခြားနည်းတွေထဲက တစ်ခု ဖြစ်ပါတယ်။ မှန်မှန်ကန်ကန် အသုံးပြုမယ်ဆိုရင် အသုံးပြုပြီး ပထမတစ်နှစ်အတွင်းမှာ ကိုယ်ဝန်ရနှုန်းက အမျိုးသမီးအယောက်(၁၀၀)မှာ (၁)ယောက်တောင် မရှိဘဲ၊ ပုံမှန်သာအသုံးပြုမယ်ဆိုရင်တော့ အယောက်(၁၀၀)မှာ (၈)ယောက်အထိ ကိုယ်ဝန်ရနိုင်ပါတယ်။ ဒါကြောင့် ဒီနည်းလမ်းကို ရွေးတော့မယ်ဆိုရင် ကိုယ်နေ့တိုင်းမှန်မှန် ဆေးသောက်နိုင်ရဲ့လားဆိုတာ သေချာဖို့ပါပဲ။
၅။ အားသာချက်တွေက ဘာတွေလဲ
- အသုံးမပြုခင် ဆရာဝန်နဲ့တိုင်ပင်ဖုိ့ လိုပေမယ့် ပုံမှန်အသုံးပြုနေသူအတွက်တော့ ဆေးခန်းအမြဲသွားနေစရာ မလိုပါဘူး။ အိမ်ထောင်မကျသေးပေမယ့် ပုံမှန်လိင်ဆက်ဆံမှုရှိနေတဲ့ မိန်းကလေးတွေ၊ အိမ်ထောင်သည်ဆိုပေမယ့် လူမသိစေချင်သူတွေ သုံးရင်အဆင်ပြေပါတယ်။ ရက်ရှည်ခရီးသွားမယ်ဆိုလည်း ဆေးကဒ်တွေ ၀ယ်သွားလိုက်ရုံပဲ၊ ဟိုရောက်လို့ ဆေးထိုးပေးမယ့်နေရာ လိုက်ရှာနေရတာမျိုးတွေ မရှိဘူး။
- တစ်လတစ်ခါ ဆေးကဒ်နောက်ဆုံးတန်းရောက်တဲ့အခါ သွေးပေါ်မယ်။
- ရာသီသွေးဆင်းတဲ့ ပမာဏကို နည်းစေတယ်၊ ရက်တိုစေတယ်၊ ဒီတော့ သွေးအားနည်းတာကိုလည်း အထိုက်အလျောက် ကာကွယ်ပေးတယ်။ သံဓါတ်အားဆေး ထည့်ထားပေးတဲ့ ဆေးကဒ်တွေဆို ပိုလို့တောင် အဆင်ပြေပါသေးတယ်။
- ဆေးသောက်ရပ်လိုက်ရင်လည်း ကိုယ်ဝန်ရဖို့ စောင့်စရာ မလိုဘူး။
၆။ အားနည်းချက်တွေက ဘာတွေလဲ
- အကြီးမားဆုံး အားနည်းချက်ကတော့ နေ့စဉ်နေ့တိုင်း သောက်ရတာပဲ။ ဒါက အပြောလွယ်ပေမယ့် လက်တွေ့ကျ ထင်သလောက် မလွယ်ဘူး။ နေ့စဉ်နေ့တိုင်း သောက်ဖုိ့ မဖြစ်နိုင်လောက်ဘူး ထင်တယ်ဆိုရင်၊ နှစ်ရှည်လများ ကိုယ်ဝန်တားထားချင်တယ် ဆိုရင် ဒီနည်းလမ်းအစား တခြားတခုခု ရွေးချယ်ဖို့ စဉ်းစားစေချင်ပါတယ်။
၇။ ဘေးထွက်ဆိုးကျိုး ဘယ်လိုရှိလဲ
-ဟော်မုန်းပါတဲ့အတွက် ဟော်မုန်းကြောင့်ဖြစ်တဲ့ ဘေးထွက်ဆိုးကျိုးတွေ ခံစားရနိုင်ပါတယ်။ ခေါင်းမူးတာ၊ ဇက်ကြောတက်တာ၊ ပျို့အန်တာ၊ ကိုယ်အလေးချိန် အပြောင်းအလဲဖြစ်တာ၊ ရင်သားတွေတင်းပြီး နာတာ၊ ဒါတွေဖြစ်နိုင်ပါတယ်။
-ဆေးသောက်စမှာ ရာသီသွေး ပုံမမှန်ဆင်းတာမျိုးတွေလည်း ဖြစ်တတ်ပါတယ်။
၈။ မသုံးစွဲသင့်သော အခြေအနေများ
သွေးတိုး (Hypertension) ရှိရင် ၊ ဆီးချို (Diabetes) ရောဂါကို နှစ်(၂၀)နဲ့အထက် ခံစားနေရရင်၊ သည်းခြေအိတ်ရောဂါ (Gall bladder disease) ၊ ရင်သားကင်ဆာ (Breast cancer) ၊ ခြေထောက်တို့ အဆုတ်တို့မှာ သွေးကြောပိတ်တာ (Deep vein thrombosis) ၊ အသည်းရောဂါ (Liver diseases) ၊ ပုံမမှန်သွေးဆင်းနေခြင်း (Irregular bleeding) နဲ့ အသက်(၃၅)နှစ်နဲ့ အထက် ဆေးလိပ်သောက်တတ်သူ အမျိုးသမီးတွေမှာ အသုံးပြုလို့ မသင့်တော်ပါဘူး။
တီဘီဆေး၊ အတက်ကျဆေးတွေကတော့ ဟော်မုန်းတွေရဲ့ အာနိသင်ကို လျော့ကျစေတာမို့ ဒီဆေးတွေ သောက်နေရတဲ့အချိန်ဆို ဟော်မုန်းမပါတဲ့ နောက်ထပ်သားဆက်ခြားနည်းတစ်ခုကို ထပ်အသုံးပြုဖို့ လိုပါမယ်။ (ဥပမာ ကွန်ဒုံး)။ ရောဂါကိုပိုဆိုးစေလို့ မဟုတ်ပါဘူး၊ သောက်ဆေးရဲ့ အာနိသင်ကို ကျစေတဲ့အတွက် ကိုယ်ဝန်ရသွားနိုင်လို့ ဖြစ်ပါတယ်။
၉။ လွဲမှားတဲ့ အယူအဆများ
- တချို့အမျိုးသမီးတွေ သုံးနေတဲ့ တစ်လုံးတည်းသောက်ရုံနဲ့ တစ်လလုံးလုံး ကိုယ်ဝန်တားပေးတယ် ဆိုတဲ့ ဆေးမျိုးတွေ၊ တရားမ၀င် ၀င်လာတဲ့ ဆေးတွေကို အသုံးမပြုကြဖို့ လိုပါတယ်။
- အမျိုးသားနဲ့ အတူမနေတဲ့ရက်တွေမှာလည်း ဆေးသောက်ဖို့ လိုပါတယ်။ အာနိသင်ထိရောက်ဖို့ တစ်နေ့တစ်လုံး ပုံမှန်သောက်သွားရပါမယ်။ လနဲ့ချီ ခရီးသွားမှာမို့ ဆေးသောက်ရပ်လိုက်တာမျိုးက ရပါတယ်။ အဲဒီလို အဝေးသွားတာမဟုတ်ဘဲ တစ်ရက်နှစ်ရက်လောက် အတူမနေတာမျိုးကိုတော့ မသောက်ဘဲ နေလို့ မရပါဘူး။
- ဆေးလုံးမေ့ခဲ့ရင် ဘယ်လိုလုပ်ရမလဲ ဆိုတာကို အများစုမသိကြပါဘူး။
• ပထမ(၃)တန်းမှာ ဆေးလုံးတစ်လုံး (သို့မဟုတ်) နှစ်လုံး မေ့ခဲ့ရင် သတိရရချင်း တစ်လုံးသောက်၊ ကျန်တာ ပုံမှန်အတိုင်း ဆက်သောက်ပါ (သတိ + ပုံမှန်)
• ပထမ(၂)တန်းမှာ သုံးလုံးနဲ့အထက် မေ့ခဲ့ရင် သတိရရချင်း တစ်လုံးသောက်၊ ကျန်တာ ပုံမှန်အတိုင်း ဆက်သောက်၊ နောက်ပြီး အမျိုးသားနဲ့ တစ်ပတ်ရှောင်၊ မရှောင်နိုင်ရင် ကွန်ဒုံးသုံးပါ၊ ဒီတစ်ခု ပိုလာပါတယ် (သတိ + ပုံမှန် + ရှောင်)
• တတိယတန်းမှာ သုံးလုံးနဲ့အထက် မေ့ခဲ့ရင်တော့ သတိရရချင်း တစ်လုံးသောက်၊ ကျန်တာ ပုံမှန်အတိုင်း ဆက်သောက်၊ အမျိုးသားနဲ့ တစ်ပတ်ရှောင်၊ မရှောင်နိုင်ရင် ကွန်ဒုံးသုံး၊ အဲဒီတတိယတန်းကုန်သွားတဲ့အခါ အောက်ဆုံးတန်းက အားဆေးလုံးတွေကို ဆက်မသောက်ဘဲ လွှင့်ပစ်ပြီး ချက်ချင်းကဒ်အသစ်ပြန်စဖို့ လိုအပ်ပါမယ်။ ဒီတစ်ခု ထပ်တိုးလာပါတယ်။ (သတိ + ပုံမှန် + ရှောင် + လွှင့်ပစ်)
• အောက်ဆုံးတန်းက ဆေးလုံးလေးတွေ မေ့ခဲ့ရင်တော့ မေ့ခဲ့တဲ့အလုံးကို လွှင့်ပစ်ပြီး ပုံမှန်အတိုင်း ဆက်သောက်ရုံပါပဲ။
၁၀။ Your life, your choice
ဒီသောက်ဆေးကတော့ အမျိုးသမီးတွေ အသုံးအများဆုံး သားဆက်ခြားနည်းလမ်းတွေထဲက တစ်ခု ဖြစ်ပါတယ်။ သားဆက်ခြားနည်းအားလုံးမှာတော့ အားသာချက်၊ အားနည်းချက်ကိုယ်စီ ရှိကြတာပါပဲ။ အဓိကကတော့ ဘယ်သူပြောလို့၊ ဘယ်ဝါတိုက်တွန်းလို့ ဆိုတာထက် ကိုယ်နဲ့သင့်တော်တဲ့ သားဆက်ခြားနည်းတစ်ခုကို ကျွမ်းကျင်သူနဲ့ တိုင်ပင်ပြီး ရွေးချယ်အသုံးပြုနိုင်ကြဖို့ လိုပါတယ်။
“သုံးလခံထိုးဆေးအကြောင်း”
(Progestin-only injectable)
၁။ အဲဒါ ဘာလဲ
သုံးလ (၁၃ ပတ်) တစ်ကြိမ် ထိုးရတဲ့ ဆေးဖြစ်ပါတယ်။ ဒက်ပို (Depot) လို့လည်း လူသိများပါတယ်။ ပရိုဂျက်စတင် ဟော်မုန်းတစ်မျိုးတည်းသာ ပါဝင်ပါတယ်။ (ထိုးဆေးအနေနနဲ့ ဟော်မုန်းတစ်မျိုးပါ နှစ်လခံထိုးဆေး၊ ဟော်မုန်းနှစ်မျိုးပါ တစ်လခံထိုးဆေးတွေ ရှိပါသေးတယ်၊ အခုပြောတဲ့ သုံးလခံဆေးကတော့ အသုံးပြုမှု အများဆုံးပါပဲ)
၂။ အလုပ်လုပ်ပုံ
ကိုယ်ဝန်ရတယ်ဆိုတာ အမျိုးသမီးခန္ဓာကိုယ်ထဲက မမျိုးဥနဲ့ အမျိုးသားဆီက သုက်ပိုးနဲ့ ပေါင်းစပ်မိတဲ့အခါ ဖြစ်လာတာပါ။ ဒီပစ္စည်းလေးကတော့ အမျိုးသမီးရဲ့ ခန္ဓာကိုယ်ထဲမှာ မမျိုးဥမကြွေအောင် တားဆီးပေးပါတယ်။ ဒီတော့ သုက်ပိုးတွေဝင်လာလည်း ကိုယ်ဝန်မရနိုင်တော့ဘူးပေါ့။
အဲဒီအပြင် သားအိမ်ခေါင်းချွဲကို ပျစ်စေခြင်းအားဖြင့်လည်း သားအိမ်ခေါင်းကို ဖြတ်ပြီးမှ မမျိုးဥနဲ့သွားပေါင်းရမယ့် သုက်ပိုးတွေကို မ၀င်နိုင်အောင် တားဆီးပေးပါတယ်။
၃။ ဘယ်လိုအသုံးပြုရတာလဲ
ကျွမ်းကျင်တဲ့ဆရာဝန်၊ ဆရာမဆီမှာ မှန်မှန်ဆေးထိုးဖို့ လိုပါတယ်။ နေမကောင်းရင် ဆေးထိုးသလိုပါပဲ။ သတ်မှတ်ရက်ထက် (၂)ပတ်စောထိုးလို့ရပြီး (၄)ပတ်နောက်ကျလို့ရပါတယ်။ ဒါပေမယ့် (၁၃)ပတ်တစ်ခါ ရက်ချိန်းအတိုင်း မှန်မှန်ထိုးနိုင်ရင်တော့ အကောင်းဆုံးပါပဲ။
၎။ ထိရောက်မှု
ထိရောက်မှုရှိတဲ့ သားဆက်ခြားနည်းတွေထဲက တစ်ခု ဖြစ်ပါတယ်။ မှန်မှန်ကန်ကန်သာ အသုံးပြုမယ်ဆိုရင် အသုံးပြုပြီး ပထမတစ်နှစ်အတွင်းမှာ ကိုယ်ဝန်ရနှုန်းက အမျိုးသမီးအယောက်(၁,၀၀၀)မှာ (၃)ယောက် ရှိပြီး၊ သာမန်လောက်သာ အသုံးပြုမယ်ဆိုရင်တော့ အယောက်(၁၀၀)မှာ (၃)ယောက် ကိုယ်ဝန်ရနိုင်ပါတယ်။
၅။ အားသာချက်တွေက ဘာတွေလဲ
- သုံးလမှတစ်ခါ ထိုးရတဲ့အတွက် နေ့စဉ်ဆေးသောက်နေရတာထက်စာရင်တော့ အလုပ်ရှုပ်သက်သာပါတယ်။
- သွေးမပေါ်တတ်တာမို့ သွေးပေါ်ရင် အလုပ်ရှုပ်တယ်လို့ ခံယူတတ်တဲ့ အမျိုးသမီးတွေအတွက်ဆိုလည်း အဆင်ပြေပါတယ်။
၆။ အားနည်းချက်တွေက ဘာတွေလဲ
- ဆေးထိုးပေးမယ့် ဆရာဝန်၊ ဆရာမ၊ သို့မဟုတ် ကျွမ်းကျင်သူရဲ့ အကူအညီလိုတယ်။
- ရာသီသွေး မပေါ်တတ်ဘူး။
သူ့အာနိသင်တစ်ခုက သားအိမ်နံရံ ထူထဲမှုကို တားဆီးပေးတယ်။ မိန်းကလေးတစ်ယောက်ရဲ့ ခန္ဓာကိုယ်ထဲမှာ တစ်လတစ်ခါ သားအိမ်နံရံက ထူထဲလာတယ်၊ ဘာလို့ဆိုတော့ မမျိုးဥနဲ့ သုက်ပိုးနဲ့ပေါင်းပြီး သန္ဓေများအောင်သွားခဲ့ရင် သားအိမ်မှာ သန္ဓေတည်နိုင်အောင်လို့။ အဲဒီလို သန္ဓေအောင်မသွားတဲ့အခါ ခုနက ထူထဲထားတဲ့ သားအိမ်နံရံက ကွာကျတယ်။ အဲဒါကို ရာသီလာတယ်လို့ ခေါ်တယ်။
အခု သူက အဲဒီသားအိမ်နံရံကို ထူမလာအောင် လုပ်ပေးလိုက်တော့ အောက်ကို ဘာမှကွာကျလာစရာ မရှိတော့ဘူး။ ဒီတော့ ရာသီသွေးလည်း မဆင်းတော့ဘူးပေါ့။ ဆိုလိုတာက သွေးမပေါ်တာဟာ အထဲမှာ အပုပ်တွေအောင်း၊ အလုံးတွေတည်၊ ကင်ဆာဖြစ်မှာမဟုတ်ဘူး၊ သွေးအနေနဲ့ ဆင်းလာစရာမရှိလို့သာ ဖြစ်တယ် ဆိုတာလေး သိစေချင်ပါတယ်။ ဒါကြောင့် သွေးမပေါ်တာ စိတ်ပူစရာ မလိုဘူး။ စိတ်အေးလက်အေး နေလို့ရတယ်။ ဒါပေမယ့် ကျွန်မက သွေးပေါ်မှကြိုက်တာ ဆိုရင်တော့ ဒီနည်းလမ်းကို ရွေးချယ်ဖို့ စဉ်းစားစေချင်ပါတယ်။
- မဖြစ်မနေ သိစေချင်တာကတော့ ဒီဆေးဟာ ဆေးထိုးရပ်လိုက်ပေမယ့် ကိုယ်ဝန်ပြန်ရဖို့ လအနည်းငယ်စောင့်ရတတ်တယ် ဆိုတာပါပဲ။ ပျမ်းမျှ(၆)လကနေ (၁၀)လအထိ ကြာတတ်ပါတယ်။ လုံးဝကိုယ်ဝန်မရနိုင်တော့တာတော့ မဟုတ်ပါဘူး။ ဒါကြောင့် ကလေးတစ်ခါမှ မမွေးဖူးသေးတဲ့ အမျိုးသမီးတွေ၊ ကလေးလိုချင်ပြီဆိုရင် ချက်ချင်းရမှဖြစ်မယ် ဆိုတဲ့ အမျိုးသမီးတွေဆိုရင်တော့ မသုံးခင်မှာ သေချာစဉ်းစားကြစေချင်ပါတယ်။
၇။ ဘေးထွက်ဆိုးကျိုး ဘယ်လိုရှိလဲ
ဟော်မုန်းပါတဲ့အတွက် ဟော်မုန်းကြောင့်ဖြစ်တဲ့ ဘေးထွက်ဆိုးကျိုးတွေ ခံစားရနိုင်ပါတယ်။ ခေါင်းမူးတာ၊ ဇက်ကြောတက်တာ၊ ပျို့အန်တာ၊ ကိုယ်အလေးချိန် အပြောင်းအလဲဖြစ်တာ၊ ရင်သားတွေတင်းပြီး နာတာ၊ ဒါတွေဖြစ်နိုင်ပါတယ်။
ဆေးထိုးစမှာ သွေးကမောက်ကမ ဖြစ်တာမျိုး ရှိတတ်တယ်။ တအားများတယ်၊ ရက်ရှည်တယ်ဆိုရင်တော့ ဆရာဝန်နဲ့ ပြန်ပြပြီး လိုအပ်တဲ့ဆေးတွေ သောက်ဖို့ လိုပါမယ်။
၈။ မသုံးစွဲသင့်သော အခြေအနေများ
ရင်သားကင်ဆာ (Breast cancer) ၊ ခြေထောက်တို့ အဆုတ်တို့မှာ သွေးကြောပိတ်တာ (Deep vein thrombosis) ၊ အသည်းရောဂါ (Liver diseases) နဲ့ ပုံမမှန်သွေးဆင်းနေခြင်း (Irregular bleeding) တွေမှာ အသုံးပြုလို့ မသင့်တော်ပါဘူး။ သွေးပေါင်ချိန် (၁၆၀)နဲ့ အထက် ရှိနေရင်၊ ဆီးချိုရောဂါကို နှစ်(၂၀)နဲ့အထက် ခံစားနေရရင်၊ ပြင်းထန်တဲ့ဆီးချိုရောဂါရှိနေရင်လည်း အသုံးမပြုသင့်ပါဘူး။
တီဘီဆေး၊ အတက်ကျဆေးတွေကတော့ ဟော်မုန်းတွေရဲ့ အာနိသင်ကို လျော့ကျစေတာမို့ ဒီဆေးတွေ သောက်နေရတဲ့အချိန်ဆို ထိုးဆေးအပြင် ဟော်မုန်းမပါတဲ့ နောက်ထပ်သားဆက်ခြားနည်းတစ်ခုကို ထပ်အသုံးပြုဖို့ လိုပါမယ်။ (ဥပမာ ကွန်ဒုံး)။ ရောဂါကိုပိုဆိုးစေလို့ မဟုတ်ပါဘူး၊ ထိုးဆေးရဲ့ အာနိသင်ကို ကျစေတဲ့အတွက် ကိုယ်ဝန်ရသွားနိုင်လို့ ဖြစ်ပါတယ်။
၉။ လွဲမှားတဲ့ အယူအဆများ
- သုံးလပြည့်တိုင်း ထိုးရန်
ဒီဆေးက ရပ်လိုက်ပေမယ့် ချက်ချင်း ကိုယ်ဝန်ပြန်မရတတ်ဘူး၊ အရှိန်ကျန်တတ်တယ် ဆိုပေမယ့် ဒါဟာ တရားသေတွက်လို့ မရပါဘူး။ အမျိုးသမီးတွေက ဒီလိုအရှိန်ကျန်တတ်တယ် ဆိုတာကို သိသွားကြတဲ့အခါ (၃)လတစ်ကြိမ် မထိုးကြတော့ဘဲနဲ့ (၆)လနေမှ၊ (၉)လနေမှ ထိုးကြတာမျိုးတွေ လုပ်လာကြပါတယ်။ အဲဒီလိုသာ စိတ်ချရမယ်ဆိုရင် (၆)လခံဆေး တို့ (၉)လခံဆေး တို့ပဲ ခေါ်တော့မှာပေါ့။ တကယ်တော့ တစ်ခါထိုးရင် (၃)လအထိပဲ စိတ်ချရပါတယ်။ (၃)လပြည့်တိုင်း ပြန်ထုိုးရပါမယ်။ အရှိန်ကျန်တတ်တယ်ဆိုတာကို ဆေးထိုးရပ်ပြီး ကိုယ်ဝန်ချက်ချင်းပြန်မရတဲ့အခါ စိတ်ပူနေမှာစိုးတဲ့အတွက် ပြောတာပါ၊ ကိုယ့်ဘက်ကတော့ ကိုယ်ဝန်မလိုချင်ဘူးဆိုရင် ၃လတစ်ခါ ဆေးထပ်ထိုးဖို့ လိုပါလိမ့်မယ်။
- ဆေးထိုးစမှာ သွေးဆင်းတတ်ပါတယ်။
ဒါဟာ ကြောက်စရာ မလိုပါဘူး။ ထိုးစမှာ ဖြစ်တတ်ပါတယ်။ အချိန်တန်တဲ့အခါ အသားကျသွားပါလိမ့်မယ်။
- သွေးမပေါ်တာ ကြောက်စရာ မလိုပါဘူး။
သူ့ရဲ့အာနိသင်ကြောင့် ဖြစ်တာပါ။ အထဲမှာ အပုပ်တွေအောင်းပြီး ကင်ဆာဖြစ်တာ၊ အလုံးတွေတည်မှာ စိတ်ပူစရာ မလိုပါဘူး။
၁၀။ Your life, your choice
ဒီထိုးဆေးကတော့ အမျိုးသမီးတွေ အသုံးအများဆုံး သားဆက်ခြားနည်းလမ်းတွေထဲက တစ်ခု ဖြစ်ပါတယ်။ သားဆက်ခြားနည်းအားလုံးမှာတော့ အားသာချက်၊ အားနည်းချက်ကိုယ်စီ ရှိကြတာပါပဲ။ အဓိကကတော့ ဘယ်သူပြောလို့၊ ဘယ်ဝါတိုက်တွန်းလို့ ဆိုတာထက် ကိုယ်နဲ့သင့်တော်တဲ့ သားဆက်ခြားနည်းတစ်ခုကို ကျွမ်းကျင်သူနဲ့ တိုင်ပင်ပြီး ရွေးချယ်အသုံးပြုနိုင်ကြဖို့ လိုပါတယ်။
“လက်မောင်းတွင်းထည့် သားဆက်ခြားပစ္စည်းအကြောင်း” (Implant)
၁။ အဲဒါ ဘာလဲ
လက်မောင်းအရေပြားအောက်မှာ ထည့်ထားရတဲ့ သားဆက်ခြားပစ္စည်းတစ်ခု ဖြစ်ပါတယ်။ ပရိုဂျက်စတင် ဟော်မုန်း တစ်မျိုးတည်းပါဝင်ပြီး မီးခြစ်ဆံအရွယ်အစားလောက် ရှိတဲ့ ပလစ်စတစ်အပျော့ချောင်းလေး ဖြစ်ပါတယ်။ ၃နှစ်ခံ၊ ၄နှစ်ခံ၊ ၅နှစ်ခံရယ်လို့ ရှိပြီး ၃နှစ်ခံက တစ်ချောင်းတည်း ထည့်ရပါတယ်၊ ၄နှစ်ခံနဲ့ ၅နှစ်ခံကတော့ နှစ်ချောင်း ဖြစ်ပါတယ်။
၂။ အလုပ်လုပ်ပုံ
ကိုယ်ဝန်ရတယ်ဆိုတာ အမျိုးသမီးခန္ဓာကိုယ်ထဲက မမျိုးဥနဲ့ အမျိုးသားဆီက သုက်ပိုးနဲ့ ပေါင်းစပ်မိတဲ့အခါ ဖြစ်လာတာပါ။ ဒီပစ္စည်းလေးကတော့ အမျိုးသမီးရဲ့ ခန္ဓာကိုယ်ထဲမှာ မမျိုးဥမကြွေအောင် တားဆီပေးပါတယ်။ ဒီတော့ အမျိုးသားဆီက သုက်ပိုးတွေ ၀င်လာပေမယ့် ကိုယ်ဝန်မရတော့ဘူးပေါ့။
အဲဒီအပြင် သားအိမ်ခေါင်းချွဲကို ပျစ်စေခြင်းအားဖြင့်လည်း သားအိမ်ခေါင်းကို ဖြတ်ပြီးမှ မမျိုးဥနဲ့သွားပေါင်းရမယ့် သုက်ပိုးတွေကို မ၀င်နိုင်အောင် တားဆီးပေးပါတယ်။
၃။ ဘယ်လိုထည့်ပေးတာလဲ
အသေးစားခွဲစိတ်မှုလေးတော့ လုပ်ရပါတယ်။ ခွဲခန်းတွေဘာတွေတော့ ၀င်စရာမလိုပါဘူး။ မထည့်ခင်မှာ လက်မောင်းကို နေရာမှတ်ပါတယ်။ အဲဒီနေရာအတိုင်းလေး ထုံဆေးထိုးမယ်။ ထုံသွားပြီ၊ ဘာမှမသိတော့ဘူးဆိုတော့မှ ထည့်ပေးတာ ဖြစ်ပါတယ်။ ဒါကြောင့် ကြောက်စရာ မလိုပါဘူး။ ဓါးကလည်း လက်သည်းခွံတစ်ဝက်လောက် အရွယ်ပဲရှိပါတယ်။ ပြီးသွားရင်လည်း ချုပ်ရိုးတွေနဲ့ ပြန်ချုပ်တာ မဟုတ်ပါဘူး။ ဒီအတိုင်း အနာကပ်ခွါလေးနဲ့ပဲ ကပ်ပေးလိုက်တာပါ။
ထည့်ပြီးသွားရင်တော့ (၅)ရက်တိတိ အဲဒီနေရာကို ရေမစိုအောင် ထားရပါမယ်။ အညှော်ရှောင်ရတာ၊ အနားယူရတာတွေ လုပ်စရာ မလိုပါဘူး။ ထည့်ပြီးစ ရက်ပိုင်းလောက် ပြင်းပြင်းထန်ထန် မလှုပ်ရှားရင် ရပါပြီ။
၎။ ထိရောက်မှု
ထိရောက်မှုအရှိဆုံး သားဆက်ခြားနည်းတစ်ခု ဖြစ်ပါတယ်။ အသုံးပြုပြီး ပထမတစ်နှစ်အတွင်းမှာ ကိုယ်ဝန်ရနှုန်းက အမျိုးသမီးအယောက်တစ်သောင်းမှာ (၅)ယောက်သာ ရှိပါတယ်။
၅။ အားသာချက်တွေက ဘာတွေလဲ
- လက်မောင်းတွင်းထည့်ထားရတာ ဖြစ်တဲ့အတွက် ပျောက်သွားမလား၊ ထွက်ကျသွားမလား စိတ်ပူနေစရာ မလိုဘူး။ စမ်းကြည့်လို့လည်းရတယ်၊ မြင်လည်းမြင်နေရတယ်။
- ပြောရရင် ဒီပစ္စည်းက (၃)လခံထိုးဆေးနဲ့ ပါဝင်တဲ့ဟော်မုန်းချင်း အတူတူပါပဲ။ ဒါပေမယ့် (၃)လခံဆေးထက်စာရင် ဒီပစ္စည်းမှာ အားသာချက်(၄)ချက် ရှိပါတယ်။
* ထိရောက်မှု ပိုကောင်းတယ်။
* နှစ်ရှည်ခံတယ်။ ဒီတော့ အလုပ်ရှုပ်သက်သာတယ်။ (၃)လတစ်ခါ ဆေးထိုးနေစရာ မလိုတော့ဘူး။
* (၃)လခံထိုးဆေးက သွေးပေါင်ချိန်(၁၆၀)အထက် ထိုးဖို့မသင့်တော်ပေမယ့် ဒီပစ္စည်းကတော့ ထည့်လို့ရတယ်။ သူ့ထက်စာရင် သားအိမ်တွင်းထည့်ပစ္စည်းကတော့ ပိုသင့်တော်တာပေါ့။
* (၃)လခံဆေးက ဆေးထိုးရပ်လိုက်ပေမယ့် အရှိန်ကျန်တတ်တယ်။ လုံးဝကို မရနိုင်တော့တာ မဟုတ်ပေမယ့် ကိုယ်ဝန်ပြန်ရဖို့ လအနည်းငယ်စောင့်ရတတ်တယ်။ ဒီပစ္စည်းကတော့ စောင့်စရာမလိုဘူး။ ဒါကြောင့် ခုမှအိမ်ထောင်ကျစ၊ ကလေးတစ်ခါမှ မမွေးဖူးသေးတဲ့သူတွေ စိတ်ချလက်ချ အသုံးပြုလို့ရပါတယ်။
၆။ အားနည်းချက်တွေက ဘာတွေလဲ
- ထည့်ပေးမယ့် ဆရာဝန်၊ ဆရာမ၊ သို့မဟုတ် ကျွမ်းကျင်သူရဲ့ အကူအညီလိုတယ်။
- ရာသီသွေး မပေါ်တတ်ဘူး။
သူ့အာနိသင်တစ်ခုက သားအိမ်နံရံ ထူထဲမှုကို တားဆီးပေးတယ်။ မိန်းကလေးတစ်ယောက်ရဲ့ ခန္ဓာကိုယ်ထဲမှာ တစ်လတစ်ခါ သားအိမ်နံရံက ထူထဲလာတယ်၊ ဘာလို့ဆိုတော့ မမျိုးဥနဲ့ သုက်ပိုးနဲ့ပေါင်းပြီး သန္ဓေများအောင်သွားခဲ့ရင် သားအိမ်မှာ သန္ဓေတည်နိုင်အောင်လို့။ အဲဒီလို သန္ဓေအောင်မသွားတဲ့အခါ ခုနက ထူထဲထားတဲ့ သားအိမ်နံရံက ကွာကျတယ်။ အဲဒါကို ရာသီလာတယ်လို့ ခေါ်တယ်။
အခု သူက အဲဒီသားအိမ်နံရံကို ထူမလာအောင် လုပ်ပေးလိုက်တော့ အောက်ကို ဘာမှကွာကျလာစရာ မရှိတော့ဘူး။ ဒီတော့ ရာသီသွေးလည်း မဆင်းတော့ဘူးပေါ့။ ဆိုလိုတာက သွေးမပေါ်တာဟာ အထဲမှာ အပုပ်တွေအောင်း၊ အလုံးတွေတည်၊ ကင်ဆာဖြစ်မှာမဟုတ်ဘူး၊ သွေးအနေနဲ့ ဆင်းလာစရာမရှိလို့သာ ဖြစ်တယ် ဆိုတာလေး သိစေချင်ပါတယ်။ ဒါကြောင့် သွေးမပေါ်တာ စိတ်ပူစရာ မလိုဘူး။ စိတ်အေးလက်အေး နေလို့ရတယ်။
ဒါပေမယ့် ကျွန်မက သွေးပေါ်မှကြိုက်တာ ဆိုရင်တော့ ဒီနည်းလမ်းကို ရွေးချယ်ဖို့ စဉ်းစားစေချင်ပါတယ်။
၇။ ဘေးထွက်ဆိုးကျိုး ဘယ်လိုရှိလဲ
ဟော်မုန်းပါတဲ့အတွက် ဟော်မုန်းကြောင့်ဖြစ်တဲ့ ဘေးထွက်ဆိုးကျိုးတွေ ခံစားရနိုင်ပါတယ်။ ခေါင်းမူးတာ၊ ဇက်ကြောတက်တာ၊ ပျို့အန်တာ၊ ကိုယ်အလေးချိန် အပြောင်းအလဲဖြစ်တာ၊ ရင်သားတွေတင်းပြီး နာတာ၊ ဒါတွေဖြစ်နိုင်ပါတယ်။
၈။ မသုံးစွဲသင့်သော အခြေအနေများ
ရင်သားကင်ဆာ (Breast cancer) ၊ ခြေထောက်တို့ အဆုတ်တို့မှာ သွေးကြောပိတ်တာ (Deep vein thrombosis) ၊ အသည်းရောဂါ (Liver diseases) နဲ့ ပုံမမှန်သွေးဆင်းနေတဲ့သူတွေ (Irregular bleeding) ဆို အသုံးပြုလို့ မသင့်တော်ပါဘူး။
ဝနေတဲ့သူတွေလည်း အသုံးပြုလို့ရပါတယ်။ တစ်ခုပါပဲ၊ ကိုယ်အလေးချိန် (၁၇၆)ပေါင်အထက် ဖြစ်နေခဲ့မယ်ဆိုရင်တော့ သက်တမ်းတစ်နှစ်လျော့ပါမယ်။ (၅)နှစ်ခံထည့်ပေမယ့် (၄)နှစ်ပဲ ခံမယ်။ (၄)နှစ်ခံထည့်ပေမယ့် (၃)နှစ်ပဲ ခံမယ်။ ခြွင်းချက်အနေနဲ့ (၃)နှစ်ခံပစ္စည်းကတော့ တစ်နှစ်မလျော့ပါဘူး။ ဘယ်လောက်ဝတဲ့သူ ထည့်ပါစေ၊ (၃)နှစ်အပြည့် ခံပါတယ်။
တီဘီဆေး၊ အတက်ကျဆေးတွေကတော့ ဟော်မုန်းတွေရဲ့ အာနိသင်ကို လျော့ကျစေတာမို့ ဒီဆေးတွေ သောက်နေရတဲ့အချိန်ဆို မထည့်ထားသင့်သေးပါဘူး။ ထည့်ပြီးမှ ရောဂါဖြစ်လို့ ဒီဆေးတွေ သောက်ရတော့မယ်ဆိုရင်တော့ ဒီပစ္စည်းအပြင် ဟော်မုန်းမပါတဲ့ နောက်ထပ်သားဆက်ခြားနည်းတစ်ခုကို ထပ်အသုံးပြုဖို့ လိုပါမယ်။ (ဥပမာ ကွန်ဒုံး၊ သားအိမ်တွင်းထည့်ပစ္စည်း)။ ရောဂါကိုပိုဆိုးစေလို့ မဟုတ်ပါဘူး၊ ပစ္စည်းရဲ့ အာနိသင်ကို ကျစေတဲ့အတွက် ကိုယ်ဝန်ရသွားနိုင်လို့ ဖြစ်ပါတယ်။
၉။ လွဲမှားတဲ့ အယူအဆများ
- ဒီပစ္စည်းကို အပ်၊ ပိုက် စသဖြင့် ထင်တတ်ကြတယ်။ အပ်တို့ ပိုက်တို့သာဆိုရင် လက်မောင်းထဲထည့်ထားတဲ့အခါ စူးနေ၊ ထောက်နေကြမှာပေါ့။ ခုဟာက ပျော့ပျောင်းတဲ့ ပလပ်စတစ်ချောင်းလေးသာ ဖြစ်ပါတယ်။ ကွေ့လို့ကောက်လို့လည်း ရပါတယ်။ ဒါကြောင့် လက်မောင်းထဲထည့်ထားပြီးလည်း စူးမှာစိတ်ပူနေစရာ မလိုပါဘူး။
- ခွဲစိတ်မှုလုပ်ရမယ် ထင်တတ်ကြတယ်။ ဒါလည်း မဟုတ်ပါဘူး။ အပေါ်မှာရှင်းပြခဲ့ပြီးသလို အသေးစားခွဲစိတ်မှုတစ်ခုသာ ဖြစ်ပါတယ်။ ထည့်ပေးသူရဲ့ ကျွမ်းကျင်မှုအပေါ် မူတည်ပြီး မိနစ်အနည်းငယ်သာ ကြာမြင့်ပါတယ်။
၁၀။ Your life, your choice
ဒီပစ္စည်းလေးကတော့ အိမ်ထောင်သည်အမျိုးသမီးတော်တော်များများ သိချင်နေကြတဲ့ အကြောင်းအရာတစ်ခု ဖြစ်ပါတယ်။ သားဆက်ခြားနည်းလမ်းတွေအားလုံးမှာ အားသာချက်၊ အားနည်းချက်ကိုယ်စီ ရှိကြပါတယ်။ အဓိကကတော့ ဘယ်သူပြောလို့၊ ဘယ်ဝါတိုက်တွန်းလို့ ဆိုတာထက် ကိုယ်နဲ့သင့်တော်တဲ့ သားဆက်ခြားနည်းတစ်ခုကို ကျွမ်းကျင်သူနဲ့ တိုင်ပင်ပြီး ရွေးချယ်အသုံးပြုနိုင်ကြဖို့ပါပဲ။
“သားအိမ်တွင်းထည့် သားဆက်ခြားပစ္စည်းအကြောင်း”
(Intra-Uterine Device)
၁။ အဲဒါ ဘာလဲ
သားအိမ်ထဲမှာ ထည့်ထားရတဲ့ သားဆက်ခြားပစ္စည်းတစ်ခု ဖြစ်ပါတယ်။ ဟော်မုန်းပါဝင်တဲ့ ပစ္စည်းအမျိုးအစားလည်း ရှိပေမယ့် အသုံးနည်းပါတယ်။ အများအားဖြင့်ကတော့ ဟော်မုန်းအစား ကြေးနီပါဝင်တဲ့ပစ္စည်းကိုပဲ အသုံးပြုကြပါတယ်။
(ဒါကြောင့် ပုံမှာပြထားတဲ့ အက္ခရာ T ပုံစံ ပစ္စည်းလေးကိုတော့ Copper T လို့ ခေါ်တတ်ကြသလို၊ နောက်ဆုံးပေါ် Y ပုံစံပစ္စည်းလေးကိုတော့ Copper Y လို့ ခေါ်ကြပါတယ်)
နှစ်ကာလအားဖြင့်တော့ (၅)နှစ်ခံ၊ (၁၀)နှစ်ခံရယ်လို့ ရှိပါတယ်။
၂။ အလုပ်လုပ်ပုံ
ကိုယ်ဝန်ရတယ်ဆိုတာ အမျိုးသမီးခန္ဓာကိုယ်ထဲက မမျိုးဥနဲ့ အမျိုးသားဆီက သုက်ပိုးနဲ့ ပေါင်းစပ်မိတဲ့အခါ ဖြစ်လာတာပါ။ ဒီပစ္စည်းလေးကတော့ အမျိုးသမီးခန္ဓာကိုယ်ထဲ ၀င်လာတဲ့ သုက်ပိုးတွေကို ဖျက်ဆီးပစ်ပါတယ်။ ဒီတော့ အမျိုးသမီးဆီမှာ မမျိုးဥကြွေပေမယ့်လည်း ကိုယ်ဝန်မရတော့ဘူးပေါ့။
၃။ ဘယ်လိုထည့်ပေးတာလဲ
ကျွမ်းကျင်တဲ့ဆရာဝန်၊ ဆရာမက ထည့်ပေးဖို့ လိုပါတယ်။ မထည့်ခင်မှာ သားအိမ်ကို စစ်ဆေးပါတယ်။ လိင်ကတစ်ဆင့် ကူးစက်တဲ့ ရောဂါလက္ခဏာတွေ ရှိမရှိ၊ သားအိမ်အရွယ်အစား၊ စတာတွေ စစ်ဆေးပြီး စိတ်ချရမှ ထည့်ပေးပါတယ်။ ထည့်စမှာ အနည်းငယ် နေရထိုင်ရခက်တာမျိုး ရှိတတ်ပြီး အချိန်ကြာလာတာနဲ့အမျှ သက်သာသွားပါတယ်။ ထည့်လိုက်ကတည်းက အာနိသင်ပြတာမို့ အမျိုးသားနဲ့လည်း ရှောင်စရာမလိုပါဘူး။ အညှော်ရှောင်ရတာ၊ အနားယူရတာတွေလည်း လုပ်စရာမလိုဘဲ ထည့်ပြီးစ ရက်ပိုင်းလောက် ပြင်းပြင်းထန်ထန် မလှုပ်ရှားရင် ရပါပြီ။
၎။ ထိရောက်မှု
ထိရောက်မှုအရှိဆုံး သားဆက်ခြားနည်းတွေထဲက တစ်ခု ဖြစ်ပါတယ်။ အသုံးပြုပြီး ပထမတစ်နှစ်အတွင်းမှာ ကိုယ်ဝန်ရနှုန်းက အမျိုးသမီးအယောက်တစ်ထောင်မှာ (၆)ယောက်ကနေ (၈)ယောက်သာ ရှိပါတယ်။
၅။ အားသာချက်တွေက ဘာတွေလဲ
-လက်မောင်းတွင်းထည့် ပစ္စည်းထက်စာရင် ဈေးသက်သာတယ်။
-(၁၀)နှစ်အထိ နှစ်ရှည်ခံတယ်။ အလုပ်ရှုပ်သက်သာတယ်။
-ထိရောက်မှု ကောင်းတယ်။
-သားအိမ်ထဲမှာ ထည့်တယ်၊ သားအိမ်ထဲမှာပဲ အလုပ်လုပ်တယ်။ သူ့အာနိသင်ကလည်း တခြားဘယ်နေရာကိုမှ မရောက်သလို တခြားနေရာမှာ ရောဂါတခုခုရှိလို့၊ ဆေးတခုခုသောက်နေရလို့ ဒီပစ္စည်းကို အာနိသင်ကျစေတယ်ဆိုတာမျိုးလည်း မရှိဘူး။
-သွေးတိုး၊ ဆီးချို၊ အသည်းရောဂါ၊ ရင်သားကင်ဆာ၊ ဒီရောဂါတွေရှိနေရင်လည်း စိတ်ချလက်ချ အသုံးပြုလို့ရတယ်။ အသင့်တော်ဆုံးနည်းလမ်းတစ်ခု ဖြစ်တယ်။
-ကလေးလိုချင်ပြီဆိုလည်း ချက်ချင်းပြန်ရတယ်။ စောင့်စရာ မလိုဘူး။
-သူ့ရဲ့ အထူးခြားဆုံးအချက်နှစ်ချက်ကတော့ အရေးပေါ်ကိုယ်ဝန်တားတဲ့အနေနဲ့လည်း ဒီပစ္စည်းကို ထည့်လိုက်လို့ရတာရယ်၊ သူ့ကိုမထည့်ခင်မှာ သားအိမ်ကို သေချာစစ်ဆေးတာဖြစ်တဲ့အတွက် ကိုယ့်မှာရောဂါတခုခု ရှိနေခဲ့ရင်လည်း စောစောစီးစီး သိနိုင်တယ်။
-တစ်လတစ်ခါ ရာသီပုံမှန်ပေါ်တယ်။ ဟော်မုန်းကြောင့်ဖြစ်တဲ့ ဘေးထွက်ဆိုးကျိုးတွေ မခံစားရဘူး။
၆။ အားနည်းချက်တွေက ဘာတွေလဲ
-ထည့်ပေးမယ့် ဆရာဝန်၊ ဆရာမ၊ သို့မဟုတ် ကျွမ်းကျင်သူရဲ့ အကူအညီလိုတယ်။
-လစဉ်ရာသီပေါ်ပြီးတိုင်း ကြိုးစစမ်းကြည့်ဖို့ လိုတယ်။
ပစ္စည်းထည့်ပြီးသွားလို့ရှိရင် ပြန်ထုတ်တဲ့အခါ အဆင်ပြေအောင် ကြိုးစလေးကို သားအိမ်ခေါင်းရဲ့ အပြင်မှာ ထုတ်ထားခဲ့တယ်။ အဲဒီကြိုးစလေးကို ရာသီပေါ်ပြီးတိုင်း တစ်လတစ်ခါ စမ်းကြည့်ပေးရတယ်။ ကြိုးစစမ်းမမိတော့ဘူးဆိုရင် အထဲဝင်သွားတာလား၊ ပစ္စည်းပြုတ်ထွက်သွားတာလား သေချာအောင် လုပ်ရတယ်။
ပစ္စည်းကရှိသေးတယ်၊ ကြိုးစကသာ အထဲဝင်သွားတာ ဆိုရင် ပြဿနာမရှိဘူး၊ အဆင့်မြင့်ကိရိယာတစ်ခုနဲ့ ပြန်ထုတ်လိုက်လို့ရတယ်။ ပစ္စည်းကပြုတ်ထွက်သွားတာ၊ ကိုယ့်ခန္ဓာကိုယ်ထဲမှာ မရှိတော့ဘူးဆိုရင်တော့ သားဆက်ခြားနည်းတခုခု ပြန်သုံးဖို့ လိုပါမယ် (ဒါပဲ ပြန်ထည့်မလား၊ နောက်တစ်ခုသုံးမလားပေါ့)။
ပြုတ်ထွက်သွားတာမသိဘဲနဲ့ ငါပစ္စည်းထည့်ထားတာပဲ ဆိုပြီး အမှုမဲ့အမှတ်မဲ့ နေလိုက်ရင် မလိုချင်ဘဲ ကိုယ်ဝန်ရသွားနိုင်တယ်။ အလွန့်အလွန်ရှားပါးတယ်ဆိုပေမယ့်လည်း ဖြစ်နိုင်တာမို့ အမြဲမစမ်းနိုင်ရင်တောင် ထည့်စ လအနည်းငယ်မှာတော့ စမ်းကြည့်ဖို့ တိုက်တွန်းလိုပါတယ်။
၇။ ဘေးထွက်ဆိုးကျိုး ဘယ်လိုရှိလဲ
ထည့်စ လအနည်းငယ်အတွင်းမှာ ရာသီသွေး ကမောက်ကမ ဖြစ်တာ၊ နောက်ပိုင်း ပုံမှန်ဖြစ်သွားရင်လည်း အရင်ထက်စာရင် ရာသီလာတဲ့အချိန် ဆီးစပ်ပိုကိုက်တာ၊ ရာသီသွေး ပမာဏပိုများလာတာ၊ ရက်ပိုရှည်လာတာမျိုးတွေ ဖြစ်တတ်တယ်။
၈။ မသုံးစွဲသင့်သော အခြေအနေများ
အဖြူဆင်းနေရင်၊ သားအိမ်မှာ အလုံးအကြိတ်တစ်ခုခု ရှိနေရင်၊ သားအိမ်အရွယ်အစား ကြီးလွန်းသေးလွန်းရင်၊ ပုံမမှန်သွေးဆင်းနေရင် ထည့်ဖို့ မသင့်တော်ပါဘူး။
နောက်တစ်ခုက လိင်ဆက်ဆံဖက်များခြင်း၊ အမျိုးသား (သို့မဟုတ်) ကိုယ့်အဖော်မှာ လိင်ကတစ်ဆင့် ကူးစက်တဲ့ ရောဂါလက္ခဏာတွေ ရှိနေခြင်း၊ စတဲ့ အခြေအနေမျိုးတွေမှာဆိုရင်လည်း ဒီပစ္စည်းကို ထည့်မပေးပါဘူး။
၉။ လွဲမှားတဲ့ အယူအဆများ
-ကင်ဆာဖြစ်တတ်တယ်၊ အနာဖြစ်တတ်တယ် ဆိုတာ မဟုတ်ပါဘူး။ ပစ္စည်းထည့်ထားသူမှာမှ ကင်ဆာဖြစ်သွားတာကို အထင်အမြင်လွဲမှားကြရာက စတယ် ပြောရပါမယ်။
--ထည့်ရင်းနဲ့ သားအိမ်ပေါက်ထွက်တယ် ဆိုတာမျိုးကလည်း ဖြစ်နိုင်ချေရှိပေမယ့် ကျွမ်းကျင်သူနဲ့သာ ထည့်မယ်ဆိုရင် စိတ်ပူစရာ မလိုပါဘူး။
-သားအိမ်ထဲထည့်ထားတဲ့ ပစ္စည်းက ဦးနှောက်ထဲရောက်သွားတယ်၊ နှလုံးဆီ ရောက်သွားတယ်ဆိုတာမျိုးတွေကတော့ မရှင်းပြတော့ပါဘူး။ ရောက်ချင်ရင်တောင် မရောက်ဘူးလို့ပဲ ပြောချင်ပါတယ်။
-လိင်ဆက်ဆံရာမှာ အနှောင့်အယှက်မဖြစ်ပါဘူး။ သားအိမ်ခေါင်းအပြင်မှာ ထုတ်ထားခဲ့တဲ့ ကြိုးစလေးက ခန္ဓာကိုယ်အပူချိန်နဲ့ ပျော့သွားပါတယ်။ ဒါကြောင့် လက်နဲ့စမ်းရင်တောင် သေချာလေး စမ်းရတာပါ။ လိင်ဆက်ဆံတဲ့အခါမှာ မသိသာပါဘူး။ အကယ်၍ သားအိမ်ခေါင်းအပြင်မှာ ချန်ထားခဲ့တဲ့ ကြိုးစက လိုအပ်တာထက် ပိုရှည်နေတဲ့အခါ၊ အထဲက ပစ္စည်းက ပြုတ်ထွက်ပြီး ကြိုးစ ရှည်ထွက်လာတဲ့အခါတွေမှာတော့ ခံစားမိနေနိုင်ပါတယ်။ ဒါဆိုရင်တော့ ဆရာဝန်နဲ့ ပြန်ပြကြည့်ဖုိ့ လိုအပ်ပါတယ်။
၁၀။ Your life, your choice
ဒီပစ္စည်းလေးကတော့ အသုံးပြုဖူးတဲ့ အမျိုးသမီးတော်တော်များများ သဘောကျကြသလို၊ တစ်ဖက်မှာလည်း အသုံးမပြုဖူးသေးတဲ့သူတွေ တအားကြောက်ကြတဲ့ သားဆက်ခြားနည်းလမ်းတစ်ခု ဖြစ်ပါတယ်။ သားဆက်ခြားနည်းအားလုံးမှာတော့ အားသာချက်၊ အားနည်းချက်ကိုယ်စီ ရှိကြတာပါပဲ။ အဓိကကတော့ ဘယ်သူပြောလို့၊ ဘယ်ဝါတိုက်တွန်းလို့ ဆိုတာထက် ကိုယ်နဲ့သင့်တော်တဲ့ သားဆက်ခြားနည်းတစ်ခုကို ကျွမ်းကျင်သူနဲ့ တိုင်ပင်ပြီး ရွေးချယ်အသုံးပြုနိုင်ကြဖို့ လိုပါတယ်။
“အမျိုးသမီးသားကြောဖြတ်ခြင်း အကြောင်း”
(Female sterilization)
၁။ အဲဒါ ဘာလဲ
အမျိုးသမီးရဲ့ သားဥပြွန်ကို ဖြတ်ခြင်း၊ ဒါမှမဟုတ် ကလစ်နဲ့ညှပ်ပြီး ပိတ်ဆို့ခြင်းကို ခေါ်တာ ဖြစ်ပါတယ်။ ရာသက်ပန် ကိုယ်ဝန်တားနည်း (Permanent method) တစ်ခု ဖြစ်ပြီး အသေးစားခွဲစိတ်မှု လုပ်ရပါတယ်။ အမျိုးသားတွေလည်း သားကြောဖြတ်လို့ ရပေမယ့် ဒီနိုင်ငံမှာတော့ ခွင့်မပြုထားပါဘူး။
၂။ အလုပ်လုပ်ပုံ
အပျိုဖြစ်လာတဲ့အချိန်ကစပြီး သွေးဆုံးချိန်အထိ သားဥအိမ်ကနေ မမျိုးဥ တစ်လတစ်ခါကို ကြွေပါတယ်။ အဲဒီ ကြွေလာတဲ့ မမျိုးဥလေးက သားဥပြွန်ကတစ်ဆင့် သုက်ပိုးနဲ့သွားပေါင်းပြီး သန္ဓေအောင်တယ်၊ ကိုယ်ဝန်ရပါတယ်။ ခုလို သားဥပြွန်ကို ဖြတ်တောက်လိုက်တဲ့အခါမှာတော့ မမျိုးဥလေးဟာ သုက်ပိုးနဲ့သွားမပေါင်းနိုင်တော့ဘူး။ ဒီအခါမှာ ကိုယ်ဝန်လည်း မရနိုင်တော့ပါဘူး။
၃။ ဘယ်လိုအသုံးပြုရတာလဲ
အသေးစား ဗိုက်ခွဲမှုပြုလုပ်ပြီးလည်း သားကြောဖြတ်နိုင်သလို၊ ခုနောက်ပိုင်းမှာ မှန်ပြောင်း (Laproscope) ကတစ်ဆင့် ဖြတ်တာမျိုးတွေလည်း လုပ်လာကြပါပြီ။
၎။ ထိရောက်မှု
အထိရောက်ဆုံး ကိုယ်ဝန်တားနည်းတစ်ခု ဖြစ်ပါတယ်။ ဒါပေမယ့် သားကြောဖြတ်ပြီးရင် လုံးဝစိတ်ချရပြီလားဆိုတော့ မဟုတ်ပါဘူး၊ ဖြတ်ပြီးတစ်နှစ်အတွင်းမှာ ကိုယ်ဝန်ရနိုင်ချေက အယောက် (၁,၀၀၀) မှာ ၅ယောက် ရှိပါတယ်။ ကိုယ်ဝန်ရှိနေတာကို မသိဘဲ သားကြောဖြတ်လိုက်ပြီးမှ သိတာ၊ ဖြတ်ပေးသူရဲ့မှားယွင်းမှုကြောင့်ဖြစ်တာ၊ တချို့မှာတော့ သားဥပြွန်မှာ အပေါက်ပြန်ပေါ်လာတာမျိုးကြောင့် ကိုယ်ဝန်ရတတ်တာပါ။
ရာသက်ပန်နည်းလမ်းဖြစ်တဲ့အတွက် သားကြောဖြတ်ပြီးရင် ပြန်ပြင်ဖို့တော့ မလွယ်ပါဘူး။ လုပ်ရတဲ့ခွဲစိတ်မှုက သိပ်ခက်သလို၊ ကုန်ကျစရိတ်လည်း များတယ်။ လုပ်ပေးနိုင်သူလည်း ရှားတယ်။ နောက်ပြီး လုပ်လို့ရခဲ့ရင်လည်း ကိုယ်ဝန်ပြန်ရဖို့ ခက်တယ်။
၅။ အားသာချက်တွေက ဘာတွေလဲ
- ကလေးမလိုချင်တော့ဘူးဆိုရင် စိတ်ချလက်ချ အသုံးပြုလို့ရတယ်။ အလုပ်ရှုပ်သက်သာတယ်။
- ဟော်မုန်းရဲ့ ဘေးထွက်ဆိုးကျိုးတွေ မကြုံရဘူး။
၆။ အားနည်းချက်တွေက ဘာတွေလဲ
- အသေးစားခွဲစိတ်မှု လုပ်ရမယ်။ ဖြစ်ခဲပါတယ်ဆိုပေမယ့် ဒါရဲ့နောက်ဆက်တွဲ ပြဿနာတွေ ရှိတတ်တယ်။
- လက်ရှိအနေအထားအရ ဆရာဝန်နဲ့ ကိုယ်နဲ့တင် မပြီးဘူး၊ ဘုတ်အဖွဲ့ဆီ ခွင့်ပြုချက်တင်ရတယ်
၇။ ဘေးထွက်ဆိုးကျိုး ဘယ်လိုရှိလဲ
ဘေးထွက်ဆိုးကျိုးရယ်လို့ မရှိဘဲ ခွဲစိတ်မှုရဲ့ နောက်ဆက်တွဲပြဿနာများသာ ကြုံရတာမျိုး ရှိတတ်ပါတယ်။
၈။ သားကြောဖြတ်ဖို့အတွက် လိုအပ်ချက်များ
ဒီအချက် (၁၀)ချက်ထဲက တစ်ချက်ချက်နဲ့ ပြည့်စုံရင် သားကြောဖြတ်ဖို့ ခွင့်ပြုချက်ရနိုင်ပါတယ်။
• ယခင်က နှစ်ခါခွဲမွေးထားဖူးတဲ့ ကိုယ်ဝန်ဆောင်အမျိုးသမီး
• သားအိမ်အထက်ပိုင်း (upper segment) မှတစ်ဆင့် ခွဲစိတ်မွေးဖွါးမှု တစ်ခါပြုလုပ်ဖူးသူ
• ကလေး(၅)ယောက်နဲ့အထက် မွေးဖူးသူ (အသက်ဘယ်လောက်ဖြစ်ဖြစ်)
• အသက်(၃၅)နှစ် အမျိုးသမီး၊ ကလေးများများ မွေးဖူးထားပြီး လက်ရှိမှာ သက်ရှိထင်ရှား ကလေး (၃)ယောက် ရှိနေရင်
• အသက် (၃၈)နှစ် အမျိုးသမီး၊ ကလေးများများ မွေးဖူးထားပြီး လက်ရှိမှာ သက်ရှိထင်ရှား ကလေး (၂)ယောက် ရှိနေရင်
• အသက် (၄၀)နှစ် အမျိုးသမီး၊ လက်ရှိမှာ သက်ရှိထင်ရှား ကလေး (၁)ယောက် ရှိနေရင်
• ထပ်ထပ်ပြီး ဖြစ်နိုင်ချေများတဲ့ မျိုးဗီဇနဲ့ ပတ်သက်တဲ့ ရောဂါတစ်ခု အရင်ကလေးမှာ ဖြစ်ဖူးတယ်ဆိုရင်
• ကိုယ်ဝန်ထပ်မဆောင်သင့်တဲ့ ရောဂါတစ်ခုခု ရှိနေရင်
• မိခင်ကျန်းမာရေးကို ထိခိုက်နိုင်တဲ့ မီးယပ်ရောဂါတစ်ခုခု ရှိနေရင်
• ကိုယ်ဝန်ထပ်မဆောင်သင့်တဲ့ မီးဖွါးခြင်းဆိုင်ရာ အရေးပေါ်အခြေအနေမျိုး ရှိဖူးရင်
သားကြောဖြတ်မယ်ဆိုရင်တော့ အမျိုးသမီးရော သူ့အမျိုးသားပါ ဖောင်ဖြည့်ရတယ်။ နောက် ဆရာဝန်တစ်ယောက်ရဲ့ ထောက်ခံချက် လိုတယ်။ ပြီးသွားရင်တော့ လိုအပ်တဲ့ စာရွက်စာတမ်းတွေ အကုန်လုံးကို ဘုတ်အဖွဲ့ဆီ တင်ရပါတယ်။ ပြီးသွားရင်တော့ ဘုတ်အဖွဲ့က သင့်တော်တယ်လို့ ဆုံးဖြတ်ပေးလိုက်ပြီဆိုရင် သားကြောဖြတ်လို့ ရပါပြီ။
Ref ; စာအမှတ် ကုသ-၂/က-၂၄/၂၀၁၃/၁၄၄၅ ; အောက်တိုဘာ ၃၁၊ ၂၀၁၃ ရက်စွဲ၊ ကျန်းမာရေးဦးစားဌာန၊ ကျန်းမာရေးဝန်ကြီးဌာန (အစည်းအဝေးမှတ်တမ်း ၃၄/၂၀၁၃)
၉။ လွဲမှားတဲ့ အယူအဆများ
-၀တတ်တယ် ဆိုတာ မဟုတ်ပါဘူး။ အမျိုးသမီးရဲ့ ပုံပန်းသွင်ပြင်၊ ကိုယ်အလေးချိန်၊ လိင်ဆက်ဆံလိုစိတ်တွေအပေါ်မှာ ဘာမှပြဿနာ မပေးပါဘူး။
-နေရာမှားသန္ဓေတည်တာကိုလည်း လျော့ကျစေပါတယ်။ နေရာမှားသန္ဓေတ
ည်တယ် ဆိုတာက သန္ဓေအရင်အောင်တယ်၊ ပြီးမှ သားအိမ်မှာ သန္ဓေမတည်ဘဲ သားဥပြွန်လို တခြားနေရာမှာ သွားတည်တာကို ခေါ်တာပါ။ အခုက သန္ဓေမအောင်ဖို့ကို ကာကွယ်ပေးတာမို့ ဒါ ဖြစ်စရာ အကြောင်းမရှိပါဘူး။ အမေရိကန်မှာ လုပ်ထားတဲ့ လေ့လာချက်အရ ဘာသားဆက်ခြားနည်းမှ သုံးမထားတဲ့ အမျိုးသမီးတွေမှာ အယောက် တစ်သောင်းမှာ ၆၅ ယောက် ဖြစ်နိုင်ချေရှိပြီး သားကြောဖြတ်ပြီးရင်တော့ အယောက် တစ်သောင်းမှာ ၆ယောက်သာ ဒါမျိုး ဖြစ်နိုင်ချေရှိပါတယ်။
၁၀။ Your life, your choice
ဒီနည်းလမ်းကတော့ ကလေးလုံးဝမယူတော့တဲ့ အမျိုးသမီးတွေအတွက် သင့်တော်တဲ့နည်း ဖြစ်ပါတယ်။ သူ့မှာလည်း အားနည်းချက်၊ အားသာချက်တွေ ရှိတာပါပဲ။ အဓိကက ကိုယ်နဲ့အသင့်တော်ဆုံးနည်းလမ်းကို ရွေးချယ်နိုင်ကြဖို့ လိုပါတယ်။ ကိုယ်က နှစ်အကြာကြီး ကိုယ်ဝန်တားထားချင်တယ်၊ သားကြောဖြတ်ဖို့ကလည်း ခွင့်ပြုချက်မရနိုင်ဘူး ဆိုရင်တော့ တခြားနှစ်ရှည်ခံနည်းလမ်းတစ်ခုကို အသုံးပြုဖို့ လိုပါမယ်။
“အရေးပေါ်သန္ဓေတား ဆေးကဒ် အကြောင်း”
(Emergency contraceptive pill)
၁။ အဲဒါ ဘာလဲ
မတော်တဆ အကာအကွယ်မဲ့ အတူနေမိပြီးသွားတဲ့အချိန်မှာ သောက်ရတဲ့ ဆေးကဒ်ဖြစ်ပါတယ်။ ပရိုဂျက်စတင် ဟော်မုန်းတစ်မျိုးတည်းသာ ပါဝင်ပါတယ်။ (နှစ်မျိုးပါတဲ့ ဆေးကဒ်လည်း ရှိပါသေးတယ်၊ ဒါပေမယ့် အသုံးများတာက တစ်မျိုးပါဆေးကဒ်တွေ ဖြစ်ပါတယ်)
တချို့ဆေးကဒ်တွေက ဆေးလုံးနှစ်လုံးပါဝင်ပြီး ခုနောက်ပိုင်းမှာတော့ ဆေးလုံးတစ်လုံးတည်း ပါဝင်တဲ့ဆေးတွေလည်း ရှိနေပါပြီ။
၂။ အလုပ်လုပ်ပုံ
ကိုယ်ဝန်ရတယ်ဆိုတာ အမျိုးသမီးခန္ဓာကိုယ်ထဲက မမျိုးဥနဲ့ အမျိုးသားဆီက သုက်ပိုးနဲ့ ပေါင်းစပ်မိတဲ့အခါ ဖြစ်လာတာပါ။ ဒီဆေးကတော့ အမျိုးသမီးရဲ့ ခန္ဓာကိုယ်ထဲမှာ မမျိုးဥမကြွေအောင် လုပ်ပေးနိုင်သလို၊ ကြွေတာကိုလည်း နှေးကွေးစေပါတယ်။ ဒီနည်းလမ်းနဲ့ ကိုယ်ဝန်မရအောင် တားပေးပါတယ်။
၃။ ဘယ်လိုအသုံးပြုရတာလဲ
ဒီဆေးကို အကာအကွယ်မဲ့ လိင်ဆက်ဆံပြီး နာရီ ၁၂၀ (၅ရက်) အတွင်း သောက်ဖို့ လိုပါတယ်။ နာရီ ၁၂၀ ဆိုပေမယ့် စောစောသောက်လေ ကောင်းလေပါပဲ။
အရင်ကတော့ ဆေးလုံးနှစ်လုံးပါတဲ့ ဆေးကဒ်တွေဆို ပထမတစ်လုံးသောက်၊ ၁၂ နာရီခြားပြီးမှ နောက်တစ်လုံးထပ်သောက်ခိုင်းပါတယ်။ ခုနောက်ပိုင်းမှာတော့ နှစ်လုံးစလုံးကို တစ်ပြိုင်တည်း သောက်ခိုင်းပါတယ်။ ဒီတော့ ဒုတိယတစ်လုံးသောက်ဖို့ မေ့သွားတယ်ဆိုတာမျိုး မရှိတော့ဘူးပေါ့။
တစ်လုံးတည်းပါတဲ့ ဆေးကဒ်ဆိုရင်တော့ အဲဒီတစ်လုံးတည်း သောက်လိုက်ရင် ရပါပြီ၊၊
ဟော်မုန်းပမာဏများတာမို့ အန်တတ်ပါတယ်။ ဆေးသောက်ပြီး ၂နာရီအတွင်း အန်ထွက်တယ်ဆိုရင်တော့ ထပ်သောက်ရပါမယ်။ အဲဒါကိုမှ ထပ်အန်နေတယ်ဆိုရင် အအန်ပျောက်ဆေးနဲ့တွဲပြီး သောက်လို့ရပါတယ်။
၎။ ထိရောက်မှု
ပုံမှန်အသုံးပြုလို့ရတဲ့ သားဆက်ခြားနည်း မဟုတ်တာကြောင့် အသုံးပြုပြီး တစ်နှစ်အတွင်း အမျိုးသမီးဘယ်နှယောက် ကိုယ်ဝန်ရနိုင်တယ် ဆိုတာမျိုး ပြောလို့မရပါဘူး။
ပြောလုိ့ရနိုင်တာကတော့ ကိုယ်ဝန်ရနိုင်တဲ့ရက်တွေမှာ ဆက်ဆံမိတဲ့ အမျိုးသမီးအယောက်(၁၀၀)မှာ ဒီဆေးကို မသောက်ဘူးဆိုရင် (၈)ယောက် ကိုယ်ဝန်ရနိုင်ပြီး သောက်လိုက်မယ်ဆိုရင်တော့ (၁)ယောက်ပဲ ကိုယ်ဝန်ရနိုင်ပါတယ်။
စောစောသောက်လေ ထိရောက်မှုပိုကောင်းလေ ဖြစ်ပါတယ်၊၊
(၁၀၀)မှာ (၁)ယောက်ဆိုတော့ ရုတ်တရက်ကြည့်လိုက်ရင် ထိရောက်မှုကောင်းတယ် ထင်ရပေမယ့် တခြားသော သောက်ဆေး၊ ထိုးဆေး၊ ပစ္စည်းထည့်တာတို့လို သားဆက်ခြားနည်းတွေနဲ့ ယှဉ်လိုက်ရင်တော့ ထိရောက်မှုနည်းတာကို တွေ့ရ့ပါတယ်။ ဒါကြောင့်လည်း ဒီနည်းလမ်းကို ပုံမှန်သားဆက်ခြားနည်းတစ်ခုအနေနဲ့ အသုံးမပြုသင့်တာပဲ ဖြစ်ပါတယ်။
၅။ အားသာချက်တွေက ဘာတွေလဲ
- အကာအကွယ်မဲ့ လိင်ဆက်ဆံမှုတွေမှာ သုံးလို့ရတယ်။ ဥပမာ အဓမ္မပြုကျင့်ခံရတဲ့အခါ၊ အိမ်ထောင်သည်တွေ ဘာသားဆက်ခြားနည်းမှ မသုံးရသေးချိန်မှာ အတူနေမိတာ၊ ကွန်ဒုံးသုံးရက်နဲ့ ပေါက်ပြဲသွားတာ၊ သုက်ရည်ကို အပြင်မှာ စွန့်ထုတ်ဖို့ နောက်ကျသွားတာ၊ နောက်ပြီး ချစ်သူရည်းစားတွေ မတော်တဆ ချစ်နယ်ကျွံမိတာမျိုးတွေမှာ သုံးလို့ရပါတယ်။
- မတည့်တဲ့ အမျိုးသမီးရယ်လို့ မရှိဘဲ ဘယ်သူမဆို အသုံးပြုလို့ ရပါတယ်။
၆။ အားနည်းချက်တွေက ဘာတွေလဲ
- အတူမနေခင် ကြိုတင်အသုံးပြုပြီး ကာကွယ်ထားလို့ မရပါဘူး။ အတူနေပြီးသွားမှသာ သောက်လို့ရတယ်။
- တခြားသားဆက်ခြားနည်းတွေနဲ့ ယှဉ်ရင် ထိရောက်မှုနည်းတယ်။ ဒါကြောင့် ပုံမှန်သားဆက်ခြားနည်းအနေနဲ့ စွဲသုံးလို့မရဘူး။
- အဓမ္မအကျင့်ခံလိုက်ရတယ်ဆိုရင် လိင်ကတစ်ဆင့် ကူးစက်တဲ့ရောဂါတွေ ရနိုင်ချေ ရှိပါတယ်။ ဒီဆေးက အဲဒီရောဂါတွေကိုတော့ ကာကွယ်နိုင်မယ် မဟုတ်ပါဘူး။
၇။ ဘေးထွက်ဆိုးကျိုး ဘယ်လိုရှိလဲ
ဆေးသောက်ပြီးစ (၂)ရက်လောက်မှာ သွေးနည်းနည်းဆင်းတာ၊ ပုံမှန်ရာသီပေါ်ရမယ့်ရက်ထက် စောပြီးပေါ်တာ၊ ဒါမှမဟုတ် နောက်ကျသွားတာမျိုးတွေ ဖြစ်တတ်ပါတယ်။
နောက်ပြီး ဟော်မုန်းပါတဲ့အတွက် ဟော်မုန်းကြောင့်ဖြစ်တဲ့ ဘေးထွက်ဆိုးကျိုးတွေ ခံစားရနိုင်တယ်။ ခေါင်းမူးတာ၊ ဇက်ကြောတက်တာ၊ ပျို့အန်တာ၊ ရင်သားတွေတင်းပြီး နာတာ၊ ဒါတွေဖြစ်နိုင်ပါတယ်။
၈။ မသုံးစွဲသင့်သော အခြေအနေများ
ဒီဆေး မသောက်သင့်တဲ့ အမျိုးသမီးရယ်လို့ မရှိပါဘူး။ ဘယ်သူမဆို အသုံးပြုလို့ ရပါတယ်။
၉။ လွဲမှားတဲ့ အယူအဆများ
- (၅)ရက်အတွင်း သောက်လို့ရတယ်ဆိုပေမယ့် စောစောသောက်လေ ကောင်းလေပါပဲ။ ဒါကြောင့် ဆေးသောက်ဖို့ကို အချိန်ဆွဲမနေသင့်ပါဘူး။
- တချို့ကလည်း မေးတတ်ကြတယ်၊ ဒီဆေးကို တစ်လ ဘယ်နှကြိမ်အများဆုံး သုံးလို့ရသလဲ တဲ့။
ဒီဆေးဟာ အရေးပေါ်အခြေအနေအတွက်ပဲ အသုံးပြုရတာ ဖြစ်ပါတယ်။ ဒါကြောင့် တစ်လ ဘယ်နှကြိမ်အများဆုံးသုံးလို့ရတယ် ဆိုပြီး တိတိကျကျ ပြောထားတာ မရှိပါဘူး။ တကယ်လို့ ကိုယ်က ဒီလိုခဏခဏအရေးပေါ်နေမယ်၊ ဆိုလိုတာက အိမ်ထောင်သည်ဖြစ်ဖြစ်၊ ဒါမှမဟုတ် အိမ်ထောင်တော့မရှိသေးပေမယ့် အိမ်ထောင်သည်လိုပဲ ပုံမှန်ဆက်ဆံမှုရှိနေရင်ဖြစ်ဖြစ် ဒီနည်းလမ်းကို အသုံးမပြုသင့်ဘဲ ဒီထက်ပိုစိတ်ချရတဲ့ သားဆက်ခြားနည်းတခုခုကို ပုံမှန်အသုံးပြုဖို့ လိုပါတယ်။
၁၀။ Your life, your choice
ဒီဆေးကတော့ ပုံမှန်အသုံးပြုသင့်တဲ့ နည်းလမ်းမဟုတ်ဘဲ အရေးပေါ်အခြေအနေအတွက်သာ ရည်ရွယ်ထုတ်လုပ်ထားတဲ့ ဆေးဖြစ်ပါတယ်။ ဒါကြောင့် မမျှော်လင့်ဘဲ အကာအကွယ်မဲ့ အတူနေမိလိုက်တဲ့အခါမျိုးမှာ ကိုယ်ဝန်ရမသွားအောင် ဒီဆေးကို အသုံးပြုလို့ရပြီး၊ ပုံမှန်ဆက်ဆံမှုရှိနေတဲ့ အမျိုးသမီးတွေကတော့ ဒီထက်ပိုစိတ်ချရတဲ့ တခြားသားဆက်ခြားနည်းတခုခုကို အသုံးပြုဖို့ လိုအပ်ပါမယ်။