မွစ်လင်မ်တို့ အလွန်နှစ်သက်မြတ်နိုးကြသည့် ရမဿွာန်လမြတ်ကို ယခု ရောက်ရှိနေပေပြီ။ အစ္စလာမ်ကို ချစ်သည့် မွတ်စ်လင်မ်တို့သည် အစ္စလာမ်မှ သတ်မှတ်ပေးသည့် ရိုဇဟ်ဟူသည့် တာဝန်ကိုလည်း ထမ်းဆောင်နေကြသည်မှာ ကြည်နူး ၀မ်းမြောက်ဖွယ်ပင်။ ရိုဇဟ်နှင့်ပတ်သက်၍ အချို့သော အယူအဆအမှားများ၊ ခံယူချက်တလွဲများနှင့် ရမဿွာန်တွင်လုပ်ကြသည့် အမှားလုပ်ရပ်အချို့အား ပြုပြင်ဆင်ခြင်နိုင်ရန် ဖော်ပြသွားမည်ဖြစ်ပါသည်။ စာဖတ်ပရိသတ်တို့အတွင်း ယခုဖော်ပြချက်များနှင့် ကိုက်ညီသည်များရှိပါက စိတ်တွင်း အလိုမကျဖြစ်သည်ကို ဖယ်ရှားကာ အလ္လာဟ်နှစ်သက်မှုအတွက်၊ ထို့အတူ အစ္စလာမ့်အလှတရားကို ဖော်ဆောင်ရန်အတွက်ဟု စိတ်ပြောင်းကာ လိုက်နာကြစေလိုပါသည်။ အပြစ်ပြောသည်ကိုတော့ ကလေးမှစ၍ အသက်ရာကျော် အဖိုးအဖွားများအထိ မနှစ်သက်ပါ။ သို့ရာတွင် မွစ်လင်မ်တစ်ဦးအဖို့ ရှရီအသ်နှင့် ကိုက်ညီစွာ ပြသလာလျှင်မူ မိမိစိတ်၏ မနှစ်သက်ခြင်းအား အစ္စလာမ့်ဆုံးမမှုအောက်တွင် စတေးလိုက်ရပါမည်။ သဘောမှာ အစ္စလာမ်နှင့် ကိုက်ညီစွာ ထောက်ပြလာလျှင် မိမိအား အပြစ်ပြောနေသည် အပြစ်တင်နေသည်ဟု မယူဆဘဲ ငါ့အာခိရသ် ကောင်းစားရန် လမ်းညွှန်ပေးနေသည်ဟု ခံယူကာ ကြည်သာစွာ လက်ခံလိုက်နာစေလိုပါသည်။ ထိုသို့လိုက်နာခြင်း၏ အကောင်းဆုံးသော ရလဒ်မှာ အာခိရသ်တွင် စ၀ါးဗ်များ ရရှိခြင်းပင် ဖြစ်၏။ လောကီတွင်လည်း လူပီသမှုကို ရရှိမည်။ အစ္စလာမ်လမ်းစဉ်တွင် ရှိသည့် လုပ်ခိုင်းခြင်း မလုပ်ခိုင်းခြင်းများကို တိကျစွာလိုက်နာကျင့်သုံးပါက ယင်းသူသည် လူပီသသည့် လူတစ်ဦး ဖြစ်သွားမည်။ လောကတွင် ပညာရပ်ပေါင်းစုံအား ကျောင်း တက္ကသိုလ် ဌာန စက်ရုံ စသည့်အနေရာအသီးသီးတွင် သင်ယူဆည်းပူးနိုင်သည်။ သို့သော် လူကြားထဲတွင် လူပီသစွာ နေတတ်ရန် သင်ပေးသည့်နေရာမရှိပါ။ လူကြားထဲ လူပီသစွာ နေတတ်ရန် အစ္စလာမ်က သင်ပေးထားသည်။ ယင်းသွန်သင်ချက်အား ဖော်ဆောင်ရန် တာဝန်ရှိသူမှာ ကျွန်ုပ်တို့ မွစ်လင်မ်များပင် ဖြစ်ပါသည်။ မွစ်လင်မ်ဟူသည်မှာ အစ္စလာမ်ကို ရရှိထားသူများဖြစ်သည်။ အစ္စလာမ်ကို ရထားသည့် မွစ်လင်မ်က အစ္စလာမ့်သွန်သင်ချက်များကို လိုက်နာကျင့်သုံးသူမဖြစ်လျှင် အခြားမည်သူက လာ၍ လိုက်နာမည်နည်း။ ယနေ့ကမ္ဘာပေါ်တွင် မွစ်လင်မ်တို့ နင်းပြားဘ၀ရောက်နေရခြင်း၏ နံပါတ်တစ်အကြောင်းခံမှာ မွစ်လင်မ်ဖြစ်ပြီး အစ္စလာမ့်သွန်သင်ချက်အတိုင်း မလိုက်နာခြင်း မနေထိုင် မကျင့်ကြံ အားထုတ်မှုမရှိခြင်းကြောင့် ဖြစ်ပါသည်။
ထို့ကြောင့် မွစ်လင်မ်တို့သည် အစ္စလာမ့်၏ သွန်သင်ဆုံးမမှုများအား အပြည့်အ၀ အတတ်စွမ်းနိုင်ဆုံး လိုက်နာသူ အစ္စလာမ်အလှတရားများကို ဖော်ဆောင်ပြသများဖြစ်နေရပါမည်။ အစ္စလာမ်ဟူသည့် လောကီကိုစွန့်၍ လောကုတ္တရာ (တမလွန်)ကောင်းကျိုးကို တသီးတခြားရှာဖွေရန် မညွှန်ကြားထားပါ။ လူ့လောကအတွင်းမှာပင် လူတို့ကြား ရောနှောနေထိုင်ရင်းဖြင့်ပင် တမလွန်အတွက် ကုသိုလ်စုနိုင်သည့် တစ်ခုတည်းသော ဘာသာတရားဖြစ်ပါသည်။ ယခုအခါသမယတွင် မွစ်လင်မ်တို့သည့် အစ္စလာမ်၏ အထက်ပါထူးခြားချက်အား ဖျက်ဆီးလိုက်ပြီ ဖြစ်သည်။ အစ္စလာမ်ဟူသည်ကို နမားဇ်ဖတ် ရိုဇဟ်ထား တစ်နည်းပြောရလျှင် ဘုရားသွား တရားထိုင် ဥပုသ်စောင့် ထိုမျှသာဖြစ်စေလိုက်ကြသည်။ အစ္စလာမ်ကို ကျဉ်းမြောင်းစေလိုက်ကြပေပြီ။ အလွန်မှ ၀မ်းနည်းဖွယ်ရာဖြစ်၏။ ထိုသို့ဖြစ်ရခြင်းမှာ မိမိဘာသာတွင် ဘာတွေသင်ပေးထားသည်ကို မသိ၊ မသင်၊ မလေ့လာခြင်းတို့ကြောင့် ဖြစ်၏။ တစ်နည်း ဘာသာရေး အသိပညာ အလွန်ခေါင်းပါးခြင်းကြောင့် ဖြစ်၏။ မွစ်လင်မ်တို့တွင် ဘာသာရေးအသိတရား ခေါင်းပါးသလို လူမှုရေး နားလည်မှုလည်း အလွန်ခေါင်းပါးကြ၏။ မွစ်လင်မ်တို့ လှူကြသည်မှန်သော်လည်း အများအားဖြင့် နာမည်ရ ရုပ်လုံးထွက်မည့်နေရာများတွင်သာ လှူကြသည်။ လူမြင်ကောင်းရန် ယနေ့အခါတွင် ဓါတ်ပုံပေါင်းစုံဖြင့် ကြော်ငြာနေကြသည်။ တစ်ချို့က ဤသို့ မီဒီယာ တစ်နည်း ဖေ့စ်ဘုတ်ပေါ် ဓါတ်ပုံတင်မှ လူသိမည် အစ္စလာမ်ကို မမုန်းတော့ မွစ်လင်မ်ကို ရန်မရှာနိုင်တော့ ခံယူချက်ရှိသည်။ လက်တွေ့တွင် ထိုခံယူချက်အတိုင်း ဖြစ်သည် မဖြစ်သည်ကို စာရှုသူတို့ အသိပင် ဖြစ်ပါသည်။ မွစ်လင်မ်တို့အနေဖြင့် မိမိတို့ယုံကြည်ထားသည့် အစ္စလာမ်ကို ဗလီတက် အစ်လုပ် ဥပုသ်စောင့်ရုံမျှသာ ကျင့်သုံးကြတော့သဖြင့် အဘယ်မျှပင် လူမြင်ကောင်းအောင် လှူပြနေပါစေ မွစ်လင်မ်ကို အနည်းငယ်လေးမျှပင် အရေးပေး အလေးထားမည်မဟုတ်ပါ။ အစ္စလာမ်တွင် ဗလီတက် ဥပုသ်စောင့်ဟူသည့် မိန့်ကြားမှုရှိသလို အတင်းမပြောရ မလိမ်ရ မခိုးရ မညာရ စိတ်ဒုက္ခမပေးရ မဆဲရဟူသည့် မိန့်ကြားမှုများလည်း ရှိပါသည်။ အစ္စလာမ်၏ အဓိကကျမ်းဖြစ်သော ကုရ်အာန်တွင် မွစ်လင်မ်တို့သိသည့် ဥပုသ်စောင့် နမားဇ်ဖတ်ဟူသည့် အချက်အလက်တို့အား အမိန့်သာ ပြထားသည်။ နည်းစနစ် မပေးထားပေ။ နမားဇ် ရိုဇဟ် ဟဂ်ျ ဇကားသ်တို့၏ နည်းစနစ်အား ဟဒီးစ်မှ ပြန်လည်ကောက်နှုတ်ထားခြင်း ဖြစ်သည်။ ကုရ်အာန်တွင် အသေးစိတ် တိုက်ရိုက်မပါဝင်ပါ။ သို့သော် လူသေသွားလျှင် အမွေခွဲနည်းကိုမူ အသေးစိတ်မိန့်ထားသည်။ လမ်းလျှောက်လျှင် အဘယ်သို့မလျှောက်ရ၊ အိမ်များသို့ သွားရောက်လည်ပတ်ချိန် မည်သို့ အသံပေးပါ၊ ထိုသို့အသံပြုခိုင်းရသည့် အကြောင်းအရင်း၊ အရောင်းအ၀ယ်ဆိုင်ရာ ဥပဒေများ၊ သေတမ်းစာရေးခြင်းဆိုင်ရာ ဥပဒေများ၊ သက်သေထားခြင်းဆိုင်ရာ ဥပဒေများ၊ လူတို့ကြားတွင် သွေးကွဲစေသည့် အထင်အမြင်များကို မပြုလုပ်ရန်အကြောင်း၊ ထိမ်းမြားခြင်း၊ မည်သူတို့အား ထိမ်းမြားခွင့် မရှိခြင်း၊ အိမ်ထောင်ရှင်ဖြစ်ပြီးနောက် ကလေးအား နို့တိုက်ကျွေးရမည့် ကာလ၊ ကလေးနို့ထိန်းသည်အား အခကြေးငွေကို လင်နှင့်မယားတွင် မည်သူ့တာဝန်ဖြစ်ခြင်း၊ အိမ်ထောင်ရေးတစ်ခု အစဉ်မပြေ လက်တွဲမဆက်နိုင်တော့လျှင် ထိမ်းမြားမှုပြတ်ဆဲနည်း စသည့် လောကီ လူမှုရေးနှင့် သက်ဆိုင်သည့်အချက်များကိုမူ အသေးစိတ် မိန့်ထားပေသည်။ အဓိက ဆိုလိုချင်သည်မှာ အစ္စလာမ်သည် နမားဇ်ဖတ် ဥပုသ်စောင့် ဟဂ်ျသွားရုံမျှသာ လမ်းညွှန်ထားသည့် ဘာသာတစ်ခုမဟုတ်၊ လူ့လောကအတွင်း လူမှုရေးပိုင်းဆိုင်ရာများ၊ အသက်ရှင်နေစဉ် ဖြတ်သန်းတွေ့ကြုံရမည့် အခြေအနေများအားလုံးကို ထည့်သွင်းလမ်းညွှန်ထားသည့် ပြည့်ဝမှုရှိသော ဘာသာတစ်ခုဖြစ်သည်။ ဤအချက်ကို မွစ်လင်မ်တို့ကောင်းစွာ သဘောပေါက် နားလည်ထားရပါမည်။ ငါလုပ်ချင်တာ လုပ်တာကွာ ဘာဖြစ်လဲဟု မွစ်လင်မ်က ပြောခွင့်မရှိပါ။ မွစ်လင်မ်အတွက် အစ္စလာမ်ဟူသည့် ဥပဒေကြီး ရှိနေသည်။ မွစ်လင်မ်၏ လုပ်ရပ်တိုင်းအား ဘာသာခြားတစ်ဦးက အစ္စလာမ့်ဥပဒေနှင့် ချိန်ထိုး နှိုင်းယှဉ်ကြည့်ပြီး အလကားကောင်တွေပါကွာ သူတို့ဘာသာအတိုင်း နေတာလဲမဟုတ်ဘဲဟုပြောမည်၊ သို့မဟုတ် မင်းတို့မွစ်လင်မ်တွေ မလုပ်နိုင်တာကို မင်းတို့အစ္စလာမ်က အမိန့်တွေပေးထားတယ် လူတွေ မလိုက်နာနိုင်တာတွေကို အစ္စလာမ်က အမိန့်ပေးထားတယ်ဟု ပြောလာလျှင် အဘယ်မျှ အရှက်ကွဲရပါမည်။ အဆိုးဆုံးမှာ အလ္လာဟ်ရှေ့တွင် ကျွန်ုပ်တို့ မည်သို့အဖြေပေးပါမည်နည်း။ ထို့ကြောင့် မွစ်လင်မ်တို့သည် မိမိစိတ်ကြိုက် လုပ်ခြင်းမှ အစ္စလာမ့်လမ်းစဉ် သွန်သင်မှုနှင့်အညီ ဘ၀လျှောက်လှမ်း ကျင့်သုံးကြရန် အလွန် အရေးကြီး လိုအပ်ပါသည်။ မွစ်လင်မ်က အစ္စလာမ်အတိုင်း ကျင့်သုံးခြင်းဖြင့် အကြီးဆုံး အကောင်းဆုံးရလဒ်မှာ အာခိရသ်တွင် ကျွန်ုပ်တို့ အလွန်လိုလားသည့် ဂျန္နသ်ကို ရရှိပါမည်။ လောကီမျက်မြင်အကျိုးကျေးဇူးအရ လူကြားတွင် လူပီသသူတစ်ဦး ဖြစ်လာပါလိမ့်မည်။ ထို့ကြောင့် မွစ်လင်မ်တို့အနေဖြင့် မိမိတို့အစ္စလာမ်တွင်ရှိသော ဆိုဆုံးမ လမ်းညွှန် သင်ပြမှုတို့အား အပြည့်အ၀လိုက်နာကြပါဟု ကနဦး အကြံပြု ပန်ကြားအပ်ပါသည်။
*ရမဿွာန်နှင့် ကျောင်းသားများတာဝန်
မွစ်လင်မ် ကျောင်းသူ ကျောင်းသားတို့သည် ရမဿွာန်ကို ကျောင်းတတ်ရင်းဖြင့် ဖြတ်သန်းနေရပြီ ဖြစ်၏။ ဤသည်မှာ အလွန်ဖူးစာထူးခြင်းကြောင့် ဖြစ်ပါသည်။ ပညာဆည်းပူးရင်းဖြင့် အလ္လာဟ်အမိန့်ကိုပါ တစ်ပါးတည်း နာခံနိုင်သည့် အခွင့်အရေးကို ရရှိနေသည်။ ယခု သတိပေးလိုသည်မှာ ကျောင်းသား ကျောင်းသူတို့အား ရိုဇဟ်မထားခိုင်းသည့် ကိစ္စဖြစ်သည်။ ကျောင်းတတ်နေရသဖြင့် ပင်ပမ်းသည်ဟု ဆိုကာ မိဘတို့က စဲဟ်ရီမနှိုးဘဲ နေလိုက်သည်။ ထမင်းချိုင့်ထည့်ပေးလိုက်ကြသည်။ မိဘတို့အနေဖြင့် သားသမီးကလေးငယ်တို့အား ဤသို့မလုပ်ရပါ။ ရမဿွာန်လတွင် ရိုဇဟ်ထားရန်တာဝန်မှာ အရွယ်ရောက်ပြီးသူတိုင်းအတွက် မပြုမနေရ ဖရ်ဇ်တာဝန် ဖြစ်သည်။ ရမဿွာန်အပါအ၀င် ရှရီအသ်၏ အမိန့်အများစုအား အရွယ်ရောက်ခြင်း မရောက်ခြင်းဖြင့် ကန့်သတ်ထားသည်။ မိန်းကလေးတို့သည် အများအားဖြင့် အသက် ၁၁၊ ၁၂၊ ၁၃ ခန့်တွင် ရာသီစလာပြီ ဖြစ်၏။ မိန်းကလေးတွင် ရာသီလာခြင်းသည် အရွယ်ရောက်သည့် အမှတ်အသားဖြစ်ကြောင်း အစ္စလာမ်က သတ်မှတ်ထားသည်။ အထက်ပါအသက်အရွယ်အား မိဘတို့က ကလေးဟု ခေါ်နေကြသည်။ မိဘတစ်ဦးရှေ့တွင် သားသမီးသည် အသက်၉၀ပင် ရှိပါစေ ကလေးသာ ဖြစ်၏။ မိမိက ကလေးဟု သတ်မှတ်တိုင်း ရှရီအသ်က ကလေးဟုမသတ်မှတ်ထားပါ။ မွစ်လင်မ်ဖြစ်သည့်အတွက် ရှရီအသ်မှ သတ်မှတ်သည့်ကလေး လူကြီး ခွဲခြားထားမှုအား လိုက်နာရပါမည်။ ထိုသို့ရာသီလာပြီးသား မိန်းကလေးတို့သည် ရမဿွာန်တွင် ရိုဇဟ်စောင့်ထိန်းရန် ဖရ်ဇ်ဖြစ်သည်။ ရာသီတစ်ကြိမ်မျှသာ လာပြီးဖြစ်ပါကလည်း အရွယ်ရောက်ပြီဟု သတ်မှတ်ပါသည်။ ထို့ကြောင့် သမီးမိန်းကလေးတို့အား ကျောင်းတတ်နေချိန်လည်း ရိုဇဟ်စောင့်ထိန်းခိုင်းပါ။ ရမဿွာန်အစမှ တစ်လုံး အလယ်တစ်လုံး အဆုံးတစ်လုံးထား ရပြီဟုပြော၍ တရားမဖျက်ကြပါနှင့်။ ငယ်ရွယ်သည့်သက်တမ်းသည် မှတ်သားခြင်း စွဲမြဲသွားခြင်း ခံယူချက် တည်မြဲခြင်းတို့ အစပျိုးနေချိန်ဖြစ်သည်။ မိမိတို့၏ သားသမီးများအား ရိုဇဟ်နှင့်ပတ်သက်သည့် အကျိုးထူးများ ရိုဇဟ်မထားလျှင် ခံရမည့် ပြစ်ဒဏ်များကို ပြောပြပါ။ ကလေးငယ်တို့အား ရိုဇဟ်ထား ဘာမုန့်ကျွေးမယ် ဘာဝယ်ကျွေးမယ် စသည့် လောကီအရာများဖြင့်လည်း မြူစွယ် မက်လုံးပေးခြင်း မလုပ်ပါနှင့်။ ရှရီအသ်မှ ပြထားသည့် ကုသိုလ် ပြစ်ဒဏ်တို့ဖြင့်သာ နားလည်သဘောပေါက်အောင် ပြောပြပါ။ ထို့အတူ ယောက်ျားလေးများသည်လည်း အသက် ၁၃၊ ၁၄ခန့်တွင် အရွယ်ရောက်ပြီဖြစ်သည်။ ရိုဇဟ်ထားခိုင်းပါ။ ကျောင်းတတ်ရခြင်းသည် ရိုဇဟ်မထားခွင့်ရှိသည့် အကြောင်းပြချက်မဟုတ်ပါ။ ကျောင်းတတ်နေသူများ စာမေးပွဲဖြေနေသူများအနေဖြင့် ရိုဇဟ်ထားရပါမည်။ အောင်မြင်မှုရရန် အလ္လာဟ်အမိန့်နာခံရမည်။ အလ္လာဟ်အမိန့် မနာခံဘဲ ရနေသော အောင်မြင်သည် ပြည့်ဝသည့် အောင်မြင်မှုမဟုတ်ကြောင်း သိထားရပါမည်။ ကျောင်းတတ်နေသူများ ညကို စဲဟ်ရီအချိန် ထနိုင်ရန် ညကို စောစော အိပ်ယာဝင်ခိုင်းပါ။ အလ္လာဟ်အမိန့်နာခံရန်အတွက် ဤရမဿွာန်တစ်လတာမျှအား ညအချိန် ကျူရှင်များ နားထားပေးပါ။ ရမဿွာန်အတွင်းတွင်ရှိသည့် အားလပ်ရက်များတွင် ကျူရှင်သာ နင်းကန်မသွားခိုင်းပါနှင့်။ ကျောင်းတတ်ချိန်မှအပ ကျန်အချိန်များတွင် ၎င်းတို့ သက်သာစွာ နေနိုင်ရန် စီစဉ်ပေးထားပါ။ တစ်လမျှ အလ္လာဟ့်အမိန့်အတွက် အချိန်အနည်းငယ် အပွန်းအပဲ့ခံလိုက်ခြင်းဖြင့် ဘာမျှ မဆုံးရှုံးပါ။ ထို့အတူ ရမဿွာန်ရရှိမည့် ကုသိုလ်များ အကုသိုလ်များ ပညတ်ချက်များအား မိဘဖြစ်သူက ကိုယ်တိုင်ဆည်းပူးပြီး သားသမီးတို့အား ပြန်ပြောပြပါ။ ဖတ်ပြသည်နှင့် ပြောပြခြင်းသည် မတူညီပါ။ ထို့ကြောင့် အရင် ကိုယ်တိုင်လေ့လာ ဆည်းပူးပါ။ ထို့နောက် ပြန်ပြောပြပါ။ မိန်းကလေးများ ရာသီလာချိန်နှင့် ကျောင်းသွားချိန် တိုက်ဆိုင်ပါကလည်း အိမ်တွင်သာ စားသုံးသွားပြီး ကျောင်းသို့ ထမင်းဘူးမယူခြင်းက ပိုကောင်း၏။ အဘယ့်ကြောင့်ဆိုသော် ရိုဇဟ်ထားရမည့်သူသည် အကြောင်းကြောင့် ရိုဇဟ်မထားရပါကလည်း လူမြင်ကွင်းအတွင်း ပေါ်တင် စားသုံးခွင့်မရှိပါ။ ကျောင်းတတ်ခြင်းကြောင့်၊ စာမေးပွဲကြောင့် ဖျက်ခဲ့သမျှရိုဇဟ်များအားလုံးကို ရမဿွာန်ပြီးလျှင် အစားပြန်ဖြည့်ရန် တာဝန်ရှိပါသည်။ မိမိ၏သားသမီးများ မည်သည့်အသက်အရွယ်တွင် အရွယ်ရောက်သည်ကို မှတ်သားထားပြီး တစ်နှစ်ခြင်းစီကို တွက်၍ ရိုဇဟ်မထားခဲ့သည့်ရက်များအတွက် အစားဖြည့်ခိုင်းပါ။
*ရိုဇဟ်ထား၍ တံတွေးထွေးခြင်း
အများစုတို့သည် ရိုဇဟ်ထားချိန် အလွန် တံတွေးထွေးကြသည်။ တံတွေးမျိုချ၍ ရိုဇဟ်ပျက်သည်ဟု ယူဆထားသည်။ ယင်းယူဆချက်သည် မှားပါသည်။ ရိုဇဟ်ရှိနေချိန် တံတွေးမျိုးချခွင့်ရှိသည်။ သာမာန်ပါးစပ်အတွင်း ဖြစ်နေသည့် တံတွေးကို ပုံမှန်အတိုင်း မျိုချလိုက်ပါ။ ရိုဇဟ်ထားသည့်အခါ တစ်ချိန်လုံး လူမြင်မကောင်းအောင်ပင် တံတွေးထွေးနေကြသည်။ ယင်းလုပ်ရပ်သည် အစ္စလာမ်တွင်သတ်မှတ်ထားသည့် အမိန့်အား ပြောင်းပြန်ဖြစ်အောင် လုပ်ခြင်းပင်ဖြစ်သည်။ ဘာသာခြားတို့အတွင်း မွစ်လင်တွေရဲ့ ဥပုသ်က တံတွေးတောင်မျိုချလို့မရဘူး ငါတို့ထက်တောင်ဆိုးပါလားဟု မှတ်ယူသွားမည်။ မိမိ၏ ဘာသာရေးပညာခေါင်းပါးမှုကြောင့် ဘာသာတရားတစ်ခုလုံးပါ တလွဲအထင်ခံရမည်။ ဤအကြောင်းအရာကို ဖတ်ပြီးသူတိုင်းက နောက်တစ်ယောက်အား ပြောပြပါ။ ထွက်လာသည့် တံတွေးအား အမြဲတမ်းကဲ့သို့ပင် မျိုချနိုင်သည်။ အလကားနေ ပါးစပ်အတွင်းလည်း စုမထားပါနှင့်။ တံတွေးတစ်ပြုံနှင့် စကားပြောပါက ရှေ့ကလူအဖို့ ရွံစရာဖြစ်ပါသည်။ တံတွေး၊ သလိပ်၊ နှာရည် မည်သည့်အရာပင်ဖြစ်စေ မျိုချလည်း ရိုဇဟ်မပျက်သလို လည်ချောင်းထဲ အလိုအလျောက်ဝင်သွားလည်း ရိုဇဟ်မပျက်ပါ။
*၀ါကိုက်ခြင်း
မွစ်လင်မ်တို့အတွင်း ရောဂါတစ်ခုမှာ ရိုဇဟ်ထားလျှင် အကြောင်းမဲ့ ၀ါကိုက်ဟူသည့် စကားကို သုံးစွဲနေကြသည်။ အဓိပ္ပါယ်မရှိသော လုပ်ရပ် အသုံးအနှုန်းဖြစ်ပါသည်။ ရိုဇဟ်မှတောင်းဆိုထားသည့် အချက်အလက်များနှင့်လည်း ဆန့်ကျင်သည်။ ရိုဇဟ်ဟူသည် မစားမသောက် အငတ်ခံရုံမျှသာ မဟုတ်။ ရိုဇဟ်ဟူသည့် လုပ်ဆောင်ချက်တွင် အကျိုးမဲ့လုပ်ရပ်များမှ ရှောင်ကြဉ်ခြင်း၊ အတင်းအဖျင်း၊ မုသားလိမ်ညာမှုများ၊ အလိုရမ္မက်များ၊ ဒေါသများကိုပါ ထိန်းချုပ်ခြင်းတို့ ပါဝင်သည်။ ရိုဇဟ်၏ အဓိကသည်လည်း ထိုအရာများသာဖြစ်သည်။ အလ္လာဟ်အရှင်မြတ်သည်လည်း ထိုသို့သော ရိုဇဟ်မျိုးကို တောင်းခံထားခြင်း ဖြစ်၏။ ဒီတိုင်း အငတ်နေခြင်းကိုမူ မည်သူမဆို လုပ်နိုင်ပါသည်။ ရိုဇဟ်ဟူသည် အစာအငတ်ခံရုံမျှသာမဟုတ်ကြောင်း မွစ်လင်မ်တို့ သိထားရပါမည်။ ထို့ကြောင့် ရိုဇဟ်ထားပြီး ၀ါကိုက်သည်ဟုဆိုကာ ပွဲခံနေခြင်းသည် အစ္စလာမ်၏ အလှတရားကို ဖျက်စီးပြစ်သည့် မွစ်လင်မ်ဆိုးတို့၏ လုပ်ရပ်သာဖြစ်သည်။ ကောင်းမွန် မှန်ကန်သည့် မွစ်လင်မ်က ယင်းသို့ အဓိပ္ပါယ်မရှိသည့်လုပ်ရပ်များတွင် မပါဝင်သလို အားပေးခြင်းလည်း မပြုပါ။
*ရိုဇဟ်မထားခွင့် ရှိသည့်ခရီးစဉ်
ခရီးသွားရာတွင် ရိုဇဟ်မထားလည်း ရသည်ဟုဆိုရာတွင် ခရီးစဉ်သည် ၄၈မိုင်ရှိရမည်။ ခရီး၏ မည်သည့်နေရာတွင်မျှ ဆယ့်ငါးရက် ထို့ထက်ပိုပြီး တည်းခိုမည်ဟူသည်ရည်ရွယ်ချက်မရှိရပါ။ အကယ်၍ ခရီးသည် ၄၈မိုင်ထက်ပိုသော်လည်း တစ်နေရာရာတွင် ဆယ့်ငါးရက် ထို့ထက်ပိုတည်းမည်ဟူသည့် ရည်ရွယ်ချက်ရှိနေပါက ရိုဇဟ်စောင့်ထိန်းရန် ဖရ်ဇ်ဖြစ်ပါသည်။ ထို့အတူ ခရီးစထွက်ချိန်က ထိုရက်မျှ တည်းခိုမည်ဟု မရည်ရွယ်ထားသော်လည်း တစ်နေရာရာတွင် အကြောင်းကြောင့် တည်းခိုမည်ဟု စိတ်ထဲရည်ရွယ်လိုက်သည်နှင့် ရိုဇဟ်စောင့်ထိန်းရန် ဖရ်ဇ်ဖြစ်သွားပါမည်။ ထို့ပြင် ခရီးတွင် ရိုဇဟ်စောင့်ထိန်းခြင်းက ပိုကောင်း၏။ ထို့ကြောင့် ခရီးသွားသူတို့အနေဖြင့် မိမိတို့၏ ခရီးစဉ်သည် ရိုဇဟ်မထားခွင့် ရှိမည့် ခရီးစဉ် ဟုတ်၊ မဟုတ်ကို စစ်မှန်တိကျသည့် အာလင်မ်တို့အား မေးမြန်းပါ။ မေးမြန်းပြီးမှ ထားမည် မထားမည်တို့ကို ဆုံးဖြတ်စေလိုပါသည်။
*ကိုယ်ဝန်ဆောင်၊ နို့တိုက်မိခင်နှင့် မကျန်းမာသူ
ရိုဇဟ်မထားဘဲနေခွင့်ရှိသူများတွင် အထက်ပါအမျိုးအစားတို့လည်း ပါဝင်သည်။ သို့သော် မခံမရပ်နိုင်အောင် အသက်သေနိုင်လောက်သည့် အခြေအနေရှိမှသာ ယင်းအခွင့်အရေးကို ရရှိပါမည်။ သာမာန် ဖျားနာ နှာစေး ချောင်းဆိုး ခေါင်းကိုက်ရုံမျှနှင့် ရိုဇဟ်မထားဘဲ နေခွင့်မရှိပါ။ နို့တိုက်မိခင်တို့သည် ရိုဇဟ်ထားလိုက်ခြင်းဖြင့် ကလေးနို့မရနိုင်တော့လျှင် ရိုဇဟ်မထားခွင့်ရှိသည်။ ကလေးမှာလည်း မိခင်နို့မှအပ အခြားမည်သည့်အရာမျှ မစားတတ်သည့် အရွယ်မျိုးဖြစ်သည်။ တခြားအရာ စားသောက်နိုင်သည့်အရွယ်ဖြစ်လျှင် နို့တိုက်မိခင်သည် ရိုဇဟ်မထားဘဲ နေခွင့်မရှိပါ။ ကိုယ်ဝန်ဆောင်မိခင်များသည် ရိုဇဟ်ထားပါက ကလေးအတွက် အသက်အန္တရာယ် စိုးရိမ်ရလောက်သည့် အခြေအနေရှိမှသာ ရိုဇဟ်မထားဘဲ နေခွင့်ရှိသည်။ မောရုံမျှဖြင့် ရိုဇဟ် ခွင့်လွှတ်ချက်မရှိပါ။
*ရိုဇဟ်နှင့် ရှူဆေး
ရိုဇဟ်ထားချိန် အငွေ့ဖြစ်သည့်အရာများကိုသာ ရှုခွင့်မရှိခြင်းဖြစ်သည်။ ပရုပ်ဆီရှုခြင်း၊ ရှုဆေးဘူး ရှုခြင်း၊ ပန်း၊ သံပုရာသီး စသည်များ၊ အငွေ့မထွက်သည့် အမွှေးနံများကိုရှုခွင့်ရှိသည်။ လောဗန်ငွေ့ အမွှေးတိုင်ငွေ့များကို ရှုခွင့်မရှိပါ။
*စားသောက်ဖွယ်ရာများအား ပုံရိုက်တင်ခြင်း
ရမဿွာန်အပါအ၀င် အခြားသောကာလများတွင် မွစ်လင်မ်တို့၏ အလုပ်ပိုတစ်ခုမှာ စားသောက်စရာများအား ပုံရိုက်တင်ခြင်းဖြစ်သည်။ အိဖ်သွာရ်ပြုစရာများကိုလည်း ပုံရိုက်တင်သည်။ ယနေ့ နက်ရ်ှသာ ဘာလုပ်သည် နေ့လည်စာ ဘာချက်သည်ကအစ ညစာ ဘာစားမည်အဆုံး မည်သည့်အမျိုးက ဘာလာပေးသည် မိန်းမက ဘာချက်သည် ယောက်ျားက ဘာဝယ်လာပေးသည်အထိ အစ အဆုံး ဖေ့စ်ဘုတ်ပေါ်တွင် အစီအရင်ခံတင်ပြနေကြသည်။ အလွန် အသိတရားခေါင်းပါးက လူသားချင်း စာနာမှုနှင့် မိမိကိုယ်ကိုယ် ကာကွယ်မှု အလွန်နည်းပါးလှသည့် မွစ်လင်မ်များပင်တည်း။ အစကနဦးက ဆိုခဲ့သလို အစ္စလာမ်သည် လူမှုရေးကို အထူးဦးစားပေးထားသော ဘာသာတစ်ခုဖြစ်သည်။ ကုရ်အာန်ကို ကြည့်မလား ဟဒီးစ်ကို ကြည့်မလား ထိုအချက်ကိုသာ ဦးစားပေးထားသည်။ ထို့အတူ အစ္စလာမ်ဟူသည့် အစ္စလာမ်၏ အဓိကမှာ လူလူချင်း လူမှုရေးရှိရန်နှင့် လူသားချင်း စာနာထောက်ထားရန်သာ ဖြစ်၏။ ယနေ့ မွစ်လင်မ်တစ်သိုက်၏ လုပ်ရပ်ကြောင့် အစ္စလာမ်သည် ဘာသာခြားတို့အကြားဝယ် သိက္ခာကျ ရုပ်ဆိုးရာ ဖြစ်နေတော့သည်။
အစားအသောက်ပုံတင်ခြင်းအကြောင်းပြောလျှင် အများစုတို့ ဒေါသူပုန်ထကြသည်။ ပိုင်တယ် မပိုင်ဘူးဟူသည့် စကားနှစ်လုံးကိုင်ကာ လာငြင်းကြမည်။ ထိုသို့ငြင်းသူများလည်း ငတုံးများပင် ဖြစ်၏။ ပုံတင်လိုက်သည်။ စားလို့ရသလားဟု ဥာဏ်ပညာနည်းသည့် စကားရပ်မျိုးကို ဆိုကြသည်။ ထို့ပြင် ငါ့ အကောင့်မှာ ငါတင်တာ မင်းကိုဘယ်သူက လာကြည့်ခိုင်းသလဲဟု ငတုံးစကားလည်း ပြောကြဦးမည်။ အကောင့်တစ်ခုတွင် တင်လိုက်ပါက မည်သူ့ကိုမျှ တဂ်မတွဲလျှင်ပင် မိမိနှင့် မိတ်ဆွေဖြစ်ထားသူအားလုံး၏ နယူးဖိစ်ပေါ်တွင် ပေါ်နေမည်သာ ဖြစ်၏။ ကဲ ပြောပါ။ ကိုယ့်အကောင့်မှာ ကိုယ်တင်တာပဲ ဘာ့ကြောင့် သူများ နယူးဖိစ်တွင် ပေါ်ရပါသနည်း။ ထို့ပြင် ပုံမြင်ရုံနှင့် ဘာမှမဖြစ်ဆိုသူများအနေဖြင့် မိမိတို့၏ ပို့စ်တစ်ခုခုတွင် တစ်ယောက်က လာဆဲလျှင် မည်သို့ခံစားရပါသနည်း။ ဆဲဆိုတိုင်းထွာသွားမည်။ အားလုံးက မြင်ရုံသာ ဖြစ်သည်။ ဆဲခြင်းသည် အသားကို တုတ်နှင့် လာရိုက်သည်မဟုတ်။ တိုင်းထွာ မအေနှမ စုံအောင်ပြောခြင်းသည် အကောင့်ရှင်အား ပါးရိုက်နေသည်မဟုတ်ပါ။ သူ့ဖာသာ စာရိုက်ပြောခြင်းသာဖြစ်ပြီး အသင်ကလည်း မျက်စိဖြင့် မြင်ရခြင်းသာ ဖြစ်သည်။ သို့သော် ကျွန်ုပ်တို့ ထိုအချိန်အခါတွင် စိတ်ထဲမှ နာသည်မဟုတ်ပါလား။ ထိုသို့သော ကိစ္စမျိုးတွင် နာသည်ကိုလက်ခံလျှင် ယခု စားသောက်စရာများအား ဓါတ်ပုံရိုက်၍လည်းကောင်း၊ ဟင်းလျာများ မည်သို့ချက်ပြုတ်ကာ စဲဟ်ရီ အိဖ်သွာရ်တို့ပြုကြောင်း ရေးသား ရိုက်တင်နေလျှင် မိမိအကောင့်အတွင်းတွင် မစားနိုင်သူများရှိခဲ့လျှင် ၎င်းတို့ ရင်ထဲ မည်သို့ခံစားရပါမည်နည်း။ ငါ့အကောင့်ထဲမှာ အားလုံး သူဌေးကြီးပဲဟု ပြောမရပါ။ မိမိဖရန့်တစ်ဦးက Like နှိပ်သည်ကို သူနှင့် ဖရန့်ဖြစ်သူနောက်တစ်ဦးက မြင်ရမည်။ ယင်းသို့သော နောက်တစ်ဦးပေါင်းများစွာ ရှိပါမည်။ ယင်းသူများအတွင်း မစားနိုင်သူများရှိလျှင် ၎င်းတို့ခံစားလိုက်ရသည့် စိတ်ဒုက္ခအား ကနဦးပုံစတင်သည့် အသင်ပါ ခံရပါမည်။ ဤသည်မှာ အစ္စလာမ်ဖြစ်၏။ နမားဇ်မဖတ်လျှင် မဖတ်သူကသာ အပြစ်ခံရမည်။ အစားပြန်ဖတ်ပြီး အလ္လာဟ်အရှင်မြတ်ခွင့်လွှတ်လျှင် ပြီးပြီ။ အတင်းပြောလျှင် နားထောင်သူ ပြောခိုင်းသူများပါ ရော၍ အပြစ်ခံရမည်။ အတင်းပြောခြင်းခံရသူက တစ်နည်း လူသားက ခွင့်လွှတ်မှသာ အလ္လာဟ်က ခွင့်လွှတ်မည်။ ထိုသူခွင့်မလွှတ်သရွေ့ အလ္လာဟ်အရှင်မြတ်လည်း ခွင့်လွှတ်မည်မဟုတ်။ အတင်းပြောခံရသူသည် မိမိသည့် ဘာသာဝင် မည်သို့သော ရက်စက်ကြမ်းကြုတ်သူပင် ဖြစ်ပါစေ ၎င်းသူ၏ ခွင့်လွှတ်ခြင်းပေါ်တွင် အလ္လာဟ်ခွင့်လွှတ်မှုကို မူတည်ထားသည်။ ဆိုလိုသည်မှာ အစ္စလာမ်သည် လူသားချင်းဆိုင်ရာ အခွင့်အရေးများကို ပြသထားရာတွင် လေနှင့် စော်ကားခွင့်မပြုထားပါ။ ယခုတွင်လည်း အစားအသောက်ပုံများအား အဓိပ္ပါယ်မဲ့ ပြသနေခြင်းဖြင့် လူသားချင်းစာနာမှုထားရမည့် လတွင် မွစ်လင်မ်တို့ လူ့အခွင့်အရေး ချိုးဖောက်နေကြသည်။ ပြောလျှင်လည်း မကြိုက်၊ လုပ်ရပ်ကလည်း မမှန်ကန်ကြပေ။
မျက်စိထိခြင်းသည် အမှန်ပင်ရှိ၏။ ဤသည်ကို မွစ်လင်မ်တိုင်း လက်ခံကြသည်။ ယခု စားသောက်ဖွယ်ရာများ ရိုက်တင်ခြင်းဖြင့် မစားနိုင်သူက မြင်ပြီး စားလိုစိတ် ဖြစ်ခြင်းကြောင့် အပြစ်ဖြစ်သည်က သီးသန့်ဖြစ်ပြီး နဇရ်ဖြစ်ခြင်းကြောင့် မိမိ၏ အစားအသောက်တွင် ဗရကသ်မရှိဖြစ်ခြင်း၊ ထိုအစားအစာများ စားပြီး ရောဂါရခြင်းတို့သည် မိမိလက်ဖြင့် ကိုယ့်ဒုက္ခကို ကိုယ်တိုင် ၀ယ်ယူခြင်းသာ ဖြစ်၏။ စဉ်းစားတတ်လျှင် ဆင်ခြင်နိုင်ပါမည်။ ထို့ပြင် လူတစ်ဦး၏ အိမ်သည် တစ်နေ့တာတွင် မည်သို့ချက်ပြုတ်စားသောက်သည်ကို ကြည့်ပြီး ယင်းသူ မည်မျှ ချမ်းသာသည် ငွေကြေး အဘယ်မျှပိုင်ဆိုင်သည်ကို အနည်းနှင့်အများ ခန့်မှန်းနိုင်ပါသည်။ မကောင်းကြံလိုသူအဖို့ အလွယ်လေးပင်ဖြစ်သည်။
စားပြီးမှ ရိုက်တင်သည်ဖြစ်စေ၊ မစားမီ ရိုက်တင်သည်ဖြစ်စေ လူတို့အား စိတ်ဒုက္ခပေးခြင်း၊ နဇရ်အား ဖိတ်ခေါ်ခြင်းသာ ဖြစ်၏။ တစ်ချို့က ဟင်းချက်နည်းအတွက် အမယ်များရေးရင် ပုံပါရိုက်တင်သည်။ အမှန်မှာ နည်းစနစ်ကို စာဖြင့်ရေးလျှင် လုံလောက်သည်။ ပုံထည့်ခြင်းက အပိုဖြစ်သည်။ ထို့ကြောင့် မွစ်လင်မ်တို့အနေဖြင့် မိမိတို့၏ လုပ်ရပ်များအား ပြန်လည် ဆန်းစစ်ပါ။ မဆန်းစစ်နိုင်လျှင် ဆန်းစစ်ထားသူ၏ ပြောကြားမှုအား လိုက်နာပါ။ မွစ်လင်မ်သည် ခရိယာန်၊ ဟိန္ဒူ၊ ဗုဒ္ဓဘာသာတို့အား ယုံကြည်သူ ကျင့်သုံးသူမဟုတ်ပါ။ မွစ်လင်မ်သည် အစ္စလာမ်ကို ယုံကြည် ကျင့်သုံးသူဖြစ်၏။ မွစ်လင်မ်၏ လုပ်ရပ်သည် အစ္စလာမ်နှင့် အညီသာဖြစ်နေရမည်။ အစ္စလာမ့်သွန်သင် လမ်းညွှန်ချက်တို့နှင့် ကိုက်ညီနေရမည်။ ပုံတင်တာ ဘာဖြစ်လည်းဟု စောဒကတတ်သူတို့အတွက် အကောင်အထည်လိုက်တော့ ဘာမှမဖြစ်ပါ။ သို့သော် အသင့်ကြောင့် နောက်တစ်ယောက် စိတ်ဒုက္ခရောက်သွားမည်။ သူတစ်ပါး၏ မျက်စိထိမှုကြောင့် အသင့်တွင် ဗရကသ် လျော့နည်းမည်။ ရောဂါဝင်မည်။ ဖုန်းစကရင်ကို လျှာဖြင့် ယက်လို့မရသော်လည်း မျက်စိမှတဆင့် နှလုံးသားအတွင်းတွင်၊ ဦးနှောက်တွင် ခံစားရပါသည်။ အချို့မွစ်လင်မ်တို့က ဤသို့ပုံမြင်ခြင်းသည် စဗရ်တိုး၏ဟု တလွဲအတွေးခံယူချက်ထားကြသည်။ ရှရီအသ်နှင့် မကိုက်ညီပါ။