သူငယ်ချင်းကောင်းတစ်ယောက်ကို ရဖို့ဘယ်လိုစိတ်ထားမျိုး မွေးရမလဲဆိုတာ စဉ်းစားမိရင်း ငယ်စဉ်တုန်းက ကြားဖူးတဲ့ ဟာသလေးတစ်ခုကို သတိရမိတယ်။ မြန်မာပြည်အလယ်ပိုင်း အပူပိုင်းဒေသမှာ မိုးဦးကျရင် မှိုတွေ ပေါက်ကြတယ်။ သစ်ရွက်တွေနဲ့သဘာဝမြေဆီတွေရောပြီး မိုးဦးကျတော့ မှိုပေါက်တော့တာပဲ။ တကယ်တမ်းကျတော့ မှိုဆိုတာ ချုံပုတ်၊သစ်ပင်ကြီးတွေရဲ့အောက်မှာပဲ ပေါက်တာပါ။ မှိုရှာတယ်ဆိုတာကလည်း တကယ်တမ်းတော့ မြွေရှာရတာနဲ့ ထူးမခြားပဲ။ ဘာဖြစ်လို့လဲဆိုတော့ သစ်ပင်ကြီးတွေအောက်၊ချုံပုတ်တွေအောက်မှာ မြွေမကြောက်၊ကင်းမကြောက် ရှာရတာကိုး။ မှိုရှာရင်း မြွေပွေးကိုက်ပြီး ဆုံးသွားတဲ့လူတွေလည်း ဒုနဲ့ဒေး။ အရမ်းလည်း ပင်ပန်းတယ်လေ။ အဲ. . . . . မှိုကျင်းများတွေ့ပြီဆိုရင် ပျော်လိုက်ရတာ အရမ်းပဲ။ အဲဒါကြောင့် လူတစ်ယောက်ပြုံးရွှင်နေပြီဆိုရင် “ မှိုရတဲ့ မျက်နှာ” ဆိုပြီး တင်စားကြတာပေါ့လေ။ မှိုဟင်းဆိုတာကလည်း အင်မတန်အရသာ ရပါတယ်။
အဲလိုနဲ့ မိုးဦးကျတော့ သူငယ်ချင်းနှစ်ယောက် မှိုရှာထွက်ကြတာပေါ့။ မှိုရှာတယ်ဆိုတာက လွယ်အိပ်လေးတစ်လုံးကိုလွယ်၊ဓားမြှောင်လေးတစ်လက်ကို ကိုင်ပြီး ထွက်ရတာ။ အဲလို မှိုရှာရင်း တစ်နေရာရောက်တော့ ချုံထဲမှာ မှိုကျင်းကြီးတွေ့ပါလေရော။ ဒါပေမယ့် မှိုတွေက မပွင့်သေးဘူး။ ငုံရုံပဲ ရှိသေးတာ။
“ သူငယ်ချင်း . . ငါတို့တွေ့တဲ့ မှိုတွေက မပွင့်သေးဘူး။ အငုံလေးတွေပဲ ရှိသေးတာ။ နောက်နေ့ မနက်ဆို ပွင့်လောက်ပြီ။ မနက်မှ လာနှုတ်အောင်ကွာ “
“ အေးကွ မနက်ကျမှ လာနှုတ်ကြအောင်ကွာ “
နှစ်ယောက်စလုံးကလည်း တကယ့် လူလည်တွေဗျ။ မှိုကျင်းကြီးက ကြီးနေတော့ သူတစ်ယောက်တည်း အပိုင်ကြံချင်လို့ တစ်ယောက်ကိုတစ်ယောက် ပ ထုတ်နေကြတာလေ။ တစ်ယောက်ကလည်း အလိုက်သင့် ခေါင်းငြိမ့်လိုက်တာ။
အဲလိုနဲ့ နှစ်ယောက်စလုံး အိမ်ပြန်ကြတာပေါ့ ။ အိမ်ရောက်တော့ အကြံသမားနှစ်ယောက်ကလည်း မနက်ထိအောင် မစောင့်ဘဲ မူလမှိုကျင်းဆီ အပြေးသွားသတဲ့။ ဖြစ်ချင်တော့ နှစ်ယောက်စလုံး မှိုကျင်းမှာပဲ ပြန်တွေ့ပါသတဲ့။ နောက်ဆုံးမှာတော့ မချိသွားဖြဲပြီး တစ်ယောက်တစ်ဝက် မှိုနှုတ်ခဲ့ရသတက်။
ကျနော် ပြောချင်တာက သူငယ်ချင်းတွေကြားမှာ “ ကိုယ်လိုချင်တာ ကိုယ်ပေးလိုက်ဖို့ပါပဲ” ။ ကိုယ်က သစ္စာတရားကို လိုချင်ရင် သစ္စာတရားကိုပဲ ကိုယ့်အပေါင်းအသင်းကို ပေးလိုက်ပါ။ ကိုယ်က စာနာမှုကို လိုချင်ရင် တစ်ဖက်သားကို စာနာမှုတရား ပေးလိုက်ပါ။ လူထုခေါင်းဆောင် ဒေါ်အောင်ဆန်းစုကြည်ရဲ့ စကားလေးကို သတိရမိတယ်။ “ သင် အကူအညီမဲ့နေတယ်လို့ ခံစားနေရင် အခြားတစ်ယောက်ကို ကူညီလိုက်ပါ” တဲ့။ သံပရာပင်စိုက်ပြီး လိမ္မော်သီး သီးဖို့ မမျှော်လင့်ပါနဲ့။ တစ်ချို့ သူငယ်ချင်းတွေက ညည်းနေကြတယ်။ “ငါ့ အပေါင်းအသင်းတွေက ငါ့အပေါ်မကောင်းဘူး” တဲ့။ သင် ကိုယ်တိုင် ကိုယ့် သူငယ်ချင်းတွေအပေါ် ကောင်းပြလိုက်ပါ။ ကံ ကံ၏ အကျိုး၊ သင်ပြုသည့်ကံ သင့်ထံ ပြန်လာပါမည် လို့ ဆိုချင်ပါတော့တယ်။
