လူကြီးလူကောင်း (Gentleman) ဆိုတာက ငပွေး (Player) နဲ့ အခေါ်အဝေါ်ပဲကွဲတာလို့ ပြောရင် လူတစ်ချို့က သဘောတူမှာမဟုတ်ပါဘူး။ ပြန်တွေးကြည့်မယ်ဆိုရင် Player တစ်ယောက်က Gentleman မဆန်ခဲ့ဘူးဆိုရင် ဘယ်တော့မှ Player တစ်ယောက်ဖြစ်မလာနိုင်ပါဘူး။ တကယ်တော့ ဒီအသုံးအနှုန်းနှစ်ခုက အပြန်အလှန် ဆက်စပ်မှုရှိပါတယ်။
ဒါ့ကြောင့် Gentleman တစ်ယောက်ဘယ်လိုဖြစ်နိုင်မလဲဆိုတာကို ပြောပြချင်ပါတယ်။ ဒီအကြောင်း မစခင်မှာ အရင်ဆုံးပြောချင်တာက Gentleman လို့ပြောလိုက်တာနဲ့ မျက်မှန်တပ်ပြီး ၀တ်စုံပြည့်ဝတ်ထားသူတွေကို ဆိုလိုတာမဟုတ်ဘူးဆိုတာပါပဲ။ Gentleman ဆိုတာက သူ့ဖက်ကိုယ့်ဖက် ကြည့်တတ်ပြီး ကူညီဖေးမတတ်သူ၊ ယဉ်ကျေးပျူငှာမှုရှိပြီး ပြီးပြည့်စုံတဲ့ အပြုအမူတွေကိုပဲ ဖော်ပြတတ်သူကို ဆိုလိုချင်ပါတယ်။ ကဲ ဒီတော့ အချိန်ဖြုန်းမနေပဲ Gentleman တစ်ယောက်ရဲ့ အမူအကျင့်တွေ ဘယ်လိုလဲဆိုတာကို လေ့လာကြည့်ကြရအောင်ပါ။
အသေးစိပ်ကြည့်ရှု့ရန်
၁။ အမြဲတမ်း ယဉ်ကျေးပျူငှာတယ်။
ယဉ်ကျေးသိမ်မွေ့မှုက ကျင့်သုံးရအလွယ်ဆုံး အမူအကျင့်ဖြစ်ပါတယ်။ Gentleman တွေ အားလုံးက ကျေးဇူးပြုပြီးတော့ ဆိုတာနဲ့ ကျေးဇူးတင်ပါတယ် ဆိုတာမျိုးတွေကို အမြဲတမ်းသုံးလေ့ရှိပါတယ်။ လိုအပ်လာရင် တောင်းပန်လိုက်ဖို့ ၀န်မလေးတတ်သလို အမြဲတမ်းပြုံးရွှင်စွာနဲ့ တည်တည်ငြိမ်ငြိမ် ပြုမူလှုပ်ရှားတတ်ပါတယ်။ အမျိုးသမီးတွေကို ဦးစားပေးတတ်ပြီး တဖက်သူရဲ့ပြောစရာကို စိတ်ဝင်တစားနားထောင်တတ်ကြပါတယ်။ ဒီအချက်တွေအားလုံးက အခြေခံတွေပဲ ဖြစ်ပါတယ်။
၂။ ဖုဿ ၀ါစာတွေ ပြောလေ့မရှိဘူး။
လူတိုင်းက စကားလုံးကြမ်းကြမ်းတွေ မပြောမိပဲ နေနိုင်ဖို့က ခက်ပါတယ်။ ဒါပေမယ့် လိုတာထက်ပိုပြီး ရုန့်ရင်းကြမ်းတမ်းတဲ့ စကားလုံးတွေက အဆင့်အတန်းနိမ့်ကျမှုကို ဖော်ပြနေပါတယ်။ Gentleman တွေကတော့ ရုန်းရင်းကြမ်းတမ်းတဲ့ ဖရုဿဝါစာတွေကို မပြောဖြစ်အောင် အတတ်နိုင်ဆုံးစောင့်ဆည်းကြပါတယ်။ အထူးသဖြင့် မိန်းကလေးတွေရှေ့မှာပေါ့။
၃။ အမြဲတမ်း ကိုယ့်ကိုယ်ကို ထိန်းသိမ်းနိုင်တယ်။
Gentleman တွေက သောက်ပြီး မမူးတတ်ကြဘူးလို့ မဆိုလိုပါဘူး။ ဒါပေမယ့် သူတို့က ကိုယ့်ကိုယ်ကို အမြဲတမ်း ထိန်းသိမ်းနိုင်ကြပါတယ်။ သူတို့ရဲ့ ချစ်သူမိန်းကလေးရှေ့မှာဆို ဘယ်တော့မှ မူးရူးနေတဲ့ ပုံစံမဖြစ်အောင် ဂရုစိုက်တတ်ကြပါတယ်။ အလွန်အကျွံသောက်ပြီး မူးရူးနေတာကို ဘယ်မိန်းကလေးမှ မကြိုက်ပါဘူး။
၎။ ချစ်သူကို အမြဲတမ်းကာကွယ်ပေးတယ်။
မိန်းကလေးတွေက ယောင်္ကျားလေးတွေရဲ့ အကာအကွယ်ပေးတာကို လိုချင်တတ်ကြတယ်ဆိုတာကို Gentleman တွေက သိထားကြပါတယ်။ ဒါ့ကြောင့် လမ်းကူးတဲ့အခါမှာ မိန်းကလေးရဲ့ ခါး ဒါမှမဟုတ် လက်ကို ကိုင်ထားတာ၊ ပလက်ဖောင်းအပြင်ဖက်က လမ်းလျှောက်တာ၊ အိမ်ပြန်လိုက်ပို့ပေးတာ၊ ဘေးရန်ကင်းသည်အထိ စိုးရိမ်တတ်တာ စသဖြင့် ပြုမူတတ်ပါတယ်။
၅။ အမြဲတမ်း ကူညီတတ်ပါတယ်။
အမျိုးသမီးတစ်ယောက်က လေးလံတဲ့ပစ္စည်းတစ်ခု သယ်ဆောင်လာတာကိုမြင်ရင် Gentleman တွေက ကူသယ်ပေးဖို့ ကမ်းလှမ်းတတ်ပါတယ်။ ဘတ်စ်ကား၊ ရထားတွေပေါ်မှာ မိန်းကလေးတွေကို ဦးစားပေး နေရာဖယ်ပေးလေ့ရှိပါတယ်။ ဒီအချက်တွေက Gentleman တွေရဲ့ အခြေခံ အမူအကျင့်တွေဖြစ်ပေမယ့် ဒီခေတ်မှာတော့ တမျိုးမြင်တတ်လေ့ရှိပါတယ်။
အသေးစိပ်ကြည်ရှု့ရန်
၆။ အခြားအမျိုးသမီးတွေကိုလည်း လေးစားသမှုရှိတယ်။
ဒီအချက်က အရေးကြီးပြီး Gentleman အားလုံး သိထားပြီးဖြစ်ပါတယ်။ ယောင်္ကျားတစ်ယောက်အနေနဲ့ အဆိုးရွားဆုံးလုပ်ရပ်က အခြားအမျိုးသမီးတစ်ယောက်နဲ့ ဘယ်လိုဘယ်ပုံပတ်သက်ခဲ့တယ်ဆိုတာကို ပြောတာပဲဖြစ်ပါတယ်။ တကယ် Gentleman အစစ်တွေကတော့ ဒီကိစ္စတွေကို ထိန်းသိမ်းထားတတ်ကြပါတယ်။
၇။ ဘယ်အချိန်မှာ Surprises လုပ်ရမလဲဆိုတာကို သိကြပါတယ်။
Gentleman တစ်ယောက်မှာ ချစ်သူမိန်းကလေးရှိတယ်ဆိုရင် သူမနဲ့အချိန်ဖြုန်းရတာကို ပျော်ရွှင်ပါလိမ့်မယ်။ နှစ်ဦးသားဆက်ဆံရေးမှာ အမှတ်တရဖြစ်စေဖို့အတွက် ဘယ်အချိန်မှာ၊ ဘယ်လိုနည်းလမ်းနဲ့ အံ့သြ၀မ်းသာအောင် လုပ်ရမလဲဆိုတာကို ကောင်းကောင်းသိပါတယ်။
၈။ သူ့ရဲ့ ခန္ဓာကိုယ်ကိုလည်း တန်ဖိုးထားတယ်။
ဘ၀မှာ အရေးကြီးဆုံးအချက်တွေထဲက တစ်ခုက ခန္ဓာကိုယ်ကျန်းမာဖို့ဆိုတာကို Gentleman တွေက သိကြပါတယ်။ သူရဲ့ခန္ဓာကိုယ် ကျန်းမာကြံ့ခိုင်မှုနဲ့ ကိုယ်နေဟန်ထားကို ဘယ်တော့မှ လစ်လျူရှုထားမှာမဟုတ်ပါဘူး။ ဘယ်လိုဝတ်စားဆင်ယင်မလဲဆိုတာကိုလည်း ဂရုတစိုက် ရွေးချယ်တတ်ကြပါတယ်။
၉။ ရိုးသားပါတယ်။
အဖြူရောင်မုသားကိုတော့ သုံးချင်သုံးပါလိမ့်မယ်။ ဒါပေမယ့် Gentleman တစ်ယောက်က ဘယ်သူကိုမဆို အရိုးသားဆုံးဆက်ဆံတတ်ကြပါတယ်။ လူတွေရဲ့ အထင်ကြီးယုံကြည်လက်ခံမှုကို ရရှိဖို့ လိမ်လည်လှည့်ဖျားတာမျိုး လုပ်မှာမဟုတ်ပါဘူး။
အမျိုးသမီးတစ်ယောက်ရှေ့မှာ ဘယ်တော့မှမလုပ်သည့် ကိစ္စများ
– ပါးစပ်ကို လက်နဲ့မအုပ်ထားပဲ မသန်းဝေပါဘူး။ သန်းဝေတာက ထိန်းထားဖို့မလွယ်ပါဘူး။ ဒါ့ကြောင့် သန်းချင်ရင် လက်နဲ့အုပ်ပြီးလုပ်ပါ။
– ပါးစပ်ဖွင့်ပြီး မစားသောက်ပါဘူး။ အစားအသောက်တွေကို ၀ါးစားနေချိန်မှာ ပါးစပ်ကို ပိတ်ထားပါ။ သင့်ပါးစပ်ထဲမှာ အစားအစာတွေ ရွေ့လျားနေတာကို ဘယ်သူမှမြင်ချင်မှာ မဟုတ်ပါဘူး။
– လေမလည်ပါဘူး။ လေချဉ်မတက်ပါဘူး။ ထိန်းမထားနိုင်အောင် ဖြစ်လာရင် လူတွေနဲ့အဝေးကိုသွားပါ။ မထိန်းလိုက်နိုင်ဘူးဆိုရင်တော့ ပြန်တောင်းပန်ဖို့ မမေ့ပါနဲ့။
– အခြားမိန်းကလေးတွေကို မငမ်းပါဘူး။ ဒီအချက်က လေးစားသမှုကိုပျက်ယွင်းစေတဲ့ အချက်ဖြစ်ပါတယ်။ ဒါ့ကြောင့် ဘယ်တော့မှ မလုပ်မိပါစေနဲ့။
အခုလောက်ဆို Gentleman တစ်ယောက် ဘယ်လိုပြုမှုနေထိုင်သလဲဆိုတာကို သိမှာဖြစ်ပါတယ်။ ဒီအချက်တွေကို လိုက်နာနေထိုင်ကြည့်မယ်ဆိုရင် အမျိုးသမီးတွေကို ပိုပြီးတော့ ဆွဲဆောင်နိုင်မှာဖြစ်သလို အခြားအမျိုးသားတွေရဲ့ လေးစားမှုကိုလည်း ရရှိမှာဖြစ်ပါတယ်။