မိခင်မွန် ဟဇရသ်အာအေရှာဟ်(ရသွေ့) သခင်မက မိန့်ကြားတော်မူသည်မှာ- "တမန်တော်မြတ်(ဆွလ္လလ္လားဟူ အလိုင်းဟိ ဝစလ္လာမ်)သည် အိမ်ကိုကြွမြန်းလာသောအခါ အမြဲပြုံးရွှင်စွာဖြင့် ကြွမြန်းလာလေ့ရှိပါသည်။"
တကယ်တန်းဆိုရရင် တမန်တော်မြတ်က အွမ္မသ်ထုအတွက် အမြဲတမ်းဖိကိရ်(သောက) ရောက်နေတတ်ပါတယ်။ နောက်ပြီး ကာဖိရ်တွေနဲ့ စစ်ခင်းနေရတဲ့အချိန်လည်း ဖြစ်နေသေးပါတယ်။ ဒီလိုအချိန်မျိုးမှာတောင် ကိုယ်တော်မြတ်ရဲ့ မျက်နှာတော်မှာ အပြုံးပန်းမပွင့်ဘဲ အိမ်တော်သို့ ဝင်လေ့မရှိပါ။ သို့သော်လည်း ဒီစွန္နသ်တော်က ဒီနေ့မှာ ပျောက်ကွယ်လုနီးပါး ဖြစ်နေပါပြီ။
ယနေ့ခေတ်မှာ အိမ်ထောင်သည် အမျိုးသားတစ်ချို့တစ်လေက အိမ်ကို ဖိရ်အောင်န်လို မျက်နှာပေါက်မျိုးနဲ့လာပြီး အရှိန်အဝါပြတတ်ကြပါတယ်။ 'ဒါမှ မော်မကြည့်ရဲမှာ၊ ဒါမှ ပါးစပ်မဟရဲမှာ'ဆိုပြီး ဇနီးကို ချိန်းခြောက်ပြီး ဖိရ်အောင်န်လို နမ္မရူးဒ်လို အိမ်ထဲဝင်ကြလေ့ရှိတယ်။
အိမ်ထောင်သည် အမျိုးသားတစ်ချို့ကတော့ ဝလီသူတော်စင်ကြီးများရဲ့ ပုံစံကိုဖမ်း၊ မျက်စိစုံမှိတ်ပြီး မုရာကဗဟ်ပုံစံနဲ့ အိမ်ထဲဝင်ပုံက မြေပြင်ကကိစ္စ သူနဲ့ဘာမှမသက်ဆိုင်သလိုပါပဲ။
အခုပြောတဲ့ပုံစံနှစ်မျိုးက စွန္နသ်တော်နဲ့ ဆန့်ကျင်နေပါတယ်။ ဇနီးဖြစ်သူထံကို အပြုံးနဲ့တကွ လာရောက်တာက စွန္နသ်ပါ။ ဇနီးဖြစ်သူနဲ့ ပျော်ရွှင်ကြည်နူးပြီး စကားပြောတာကလည်း အေဗာဒသ်တစ်ခုပါ။ ဒါ့အပြင် ဇနီးမောင်နှံကြား အချစ်ကိုလည်း တိုးစေပါတယ်။
ယောက်ျားဖြစ်သူက အပြင်မှာရှာဖွေကြရသလို ဇနီးဖြစ်သူကလည်း အိမ်ထောင်မှုကို ထိန်းသိမ်းပေးကြပါတယ်။ အပြင်မှာ ယောက်ျားဖြစ်သူအတွက် အပေါင်းအသင်းများနိုင်ပေမယ့် ဇနီးဖြစ်သူမှာ အိမ်ထောင်ကျတာနဲ့ မိတ်ဆွေတွေနဲ့ အလှမ်းဝေးသွားပါတယ်။ ဒါ့အပြင် သူမရဲ့ယောက်ျားသာလျှင် သူမရဲ့မိတ်ဆွေသူငယ်ချင်း ဖြစ်လာပါတယ်။ သူမရဲ့ပျော်ရွှင်မှုနဲ့ ကျေးဇူးသိတတ်မှုဆိုတာ ယောက်ျားဖြစ်သူနဲ့ အများကြီးသက်ဆိုင်နေပါတယ်။
အကယ်၍ ယောက်ျားဖြစ်သူက စွန္နသ်တော်နဲ့ သွေဖည်ပြီး အခုနကပြောတဲ့ပုံစံတွေအတိုင်း အိမ်ထဲဝင်လာမယ်ဆိုရင် ဇနီးဖြစ်သူကလည်း
'အို...အလ္လာဟ်၊ ကျွန်မမှာတော့ တစ်နေ့လုံး ပင်ပန်းသမျှကို ယောက်ျားပြန်လာရင် ပျော်ရွှင်ကြည်နူးစရာတွေနဲ့ အပြုံးပန်းဝေပြီး ဖြေဖျောက်လိုက်မယ်လို့ စိတ်ကူးနဲ့ပျော်ခဲ့တာ။ ခုကျတော့ သူက သရဲတစ္ဆေလို ပြန်ခြောက်လန့်နေတယ် (သို့) ကျောက်ရုပ်လို ငြိမ်သက်နေတယ်'လို့ နှုတ်ကမပြောရင်တောင် စိတ်ထဲက ပြောနေမှာသာ ဖြစ်ပါတယ်။
တမန်တော်မြတ်(ဆွလ္လလ္လားဟူ အလိုင်းဟိ ဝစလ္လာမ်)က
"ဇနီးသည်အား အကောင်းဆုံးဆက်ဆံသောသူသာလျှင် စာရိတ္တရေးရာအားဖြင့် အကောင်းဆုံးသူဖြစ်၏"ဟု မိန့်ခြွေထားတာကို အမြဲသတိရပါ။
ဇနီးဖြစ်သူရဲ့ ကောင်းမွန်မှု (သို့) ဆိုးယုတ်မှုက ခင်ပွန်းဖြစ်တဲ့ သင့်အပေါ်မှာ အများကြီး မူတည်နေတယ်ဆိုတာကိုလည်း မမေ့ပါနဲ့။
