အောင်မြင်တဲ့ စီးပွားရေးလုပ်ငန်းတစ်ခုကို တည်ထောင်ချင်တယ်ဆိုရင် ဘယ်သူတွေနဲ့ လက်တွဲလုပ်ဆောင်မှာလဲဆိုတာကို အသေအချာစဉ်းစားသုံးသပ်ဖို့ လိုပါတယ်။ သင့်ရဲ့ပတ်ဝန်းကျင်ကို ၀င်ရောက်လာသူတွေက သင့်ဘ၀ပြောင်းလဲတိုးတက်မှု
အတွက် အရေးကြီးပါတယ်။ ဘယ်သူတွေကို ရှောင်ပြီး ဘယ်သူတွေကို လက်တွဲမလဲဆိုတာကို ဆုံးဖြတ်ရတာကတော့ လွယ်ကူတဲ့ကိစ္စတစ်ခုမဟုတ်ပါဘူး။ ဒါပေမယ့် နည်းနည်းလောက်လေ့လာလိုက်ရုံနဲ့ သင့်လုပ်ငန်းနဲ့ သင့်ရဲ့ဘ၀အတွက် အကျိုးမဖြစ်ထွန်းစေနိုင်သူတွေကို ရှောင်နိုင်သွားမှာဖြစ်ပါတယ်။ ဒါ့ကြောင့် လုပ်ငန်းတစ်ခုစတင်တည်ထောင်တော့မယ်ဆိုရင် ၀န်ထမ်းထဲ မှာပဲဖြစ်ဖြစ် ဖောက်သည်ရှာရာမှာပဲဖြစ်ဖြစ် ရှောင်ရှားသင့်တဲ့ လူ(၁၀)မျိုးကို ဖော်ပြပေးလိုက်ပါတယ်။
၁။မာယာရှင်
မာယာရှင်တွေက တကယ်ကို အံ့သြလောက်စရာ စွဲမက်စရာကောင်းတဲ့ အရည်အချင်းရှိသူတွေ ဖြစ်ပါတယ်။ သူတို့က သင့်လုပ်ငန်းထဲဝင်ရောက်လာပြီဆိုတာနဲ့ သင့်ရဲ့ အာရုံစူးစိုက်မှုကို ပျက်ယွင်းစေပြီး အားထုတ်မှုနဲ့ ရည်မှန်းချက်တွေ လမ်းကြောင်းလွဲအောင် လုပ်ဆောင်ကာ အနှောက်အယှက်ပေးတော့မှာဖြစ်ပါတယ်။ ဒီလို မာယာရှင်တွေကြောင့် တစ်ချို့တွေက သူတို့လုပ်ငန်းကို အောက်ဈေးနဲ့ရောင်းထုတ်လိုက်ကြရသလို တစ်ချို့တွေကလည်း လုပ်ငန်းဆုံးရှုံးတဲ့အထိ ဖြစ်သွားတတ်ကြပါတယ်။ ဒီလိုအဖြစ်မခံပါနဲ့။ ဘယ်လောက်ပဲ အရည်အချင်းရှိသူဖြစ်ပါစေ သင့်လုပ်ငန်းရဲ့ဦးတည်ချက်နဲ့ ရည်မှန်းချက်တွေကို မေ့မသွားစေပါနဲ့။
၂။ ဆိတ်
ဆိတ်လို့အမည်တပ်ခံရသူတွေကတော့ အတော်အတန်သြဇာညောင်းသူတွေဖြစ်ပြီး စကားကြီးစကားကျယ်တွေ ပြောတတ်သူတွေဖြစ်ပါတယ်။ ဒီလိုလူမျိုးတွေဆီမှာလည်း အားသာချက်တွေ အများကြီးရှိတတ်ပါတယ်။ ပြဿနာက သူတို့ရဲ့အားသာချက်တွေကို တလွဲအသုံးချတတ်တာပဲဖြစ်ပါတယ်။ ဆိတ်တွေက မှားယွင်းတဲ့ ဆုံးဖြတ်ချက်တွေ ချဖြစ်သွားအောင် လှုံ့ဆော်ပေးတတ်ကြပါတယ်။ သင့်အနေနဲ့ တစ်ယောက်ယောက် အနားမှာရှိနေတိုင်းမှာ လုပ်ငန်းနဲ့ပတ်သက်ပြီး ဆုံးဖြတ်ချက်အမှားတွေချမှတ်မိနေပြီဆိုရင် သူက ဆိတ်ပါပဲ။ သူကို သင့်အနားမှာ ဆက်ထားလို့မဖြစ်ဘူးဆိုတာ သဘောပေါက်ဖို့ လိုပါတယ်။
၃။ ဆင်
ဆင်တွေက ဘယ်တော့မှ မမေ့လျော့တတ်ပါဘူး။ သင့်လုပ်ငန်းထဲမှာ အတိတ်ကအမှားတွေက မမေ့ပစ်လိုက်နိုင်ပဲ တိုက်ဆိုင်မှုရှိတိုင်း အစဆွဲထုတ်တတ်သူမျိုးကို ဆင်လို့ သတ်မှတ်ပါတယ်။ သူတို့တွေက သင်ဘယ်လို ဖြစ်ခဲ့တယ်၊ ဘယ်နှစ်ကြိမ်လောက် အရှုပ်အရှင်းတွေ ရင်ဆိုင်ခဲ့ရတယ်ဆိုတာကို အမြဲတမ်းအစဖော်ပေးနေသူတွေဖြစ်ပါတယ်။ လူတိုင်းမှာ အရှုံးဆိုတာရှိပါတယ်။ စွန့်ဦးလုပ်ငန်းရှင်တွေမှာ ပိုများပါတယ်။ ကျရှုံးခဲ့တယ်ဆိုရင် အရှုံးကနေသင်ခန်းစာယူပြီး
လမ်းကြောင်းမှန်ပေါ်တက်ပြီး ရှေ့ဆက်ရမှာဖြစ်ပါတယ်။ ဒါကို ဆင်တွေကြောင့် အတိတ်မှာ နစ်မျောနေလို့ မဖြစ်ပါဘူး။
၎။ ဦးထုပ်
ဦးထုပ်တွေကတော့ ဘယ်နေရာမှာမဆို ထိပ်ဆုံကနေချင်ပေမယ့် ထိပ်ဆုံးနေရာရဖို့ ဘာမှမလုပ်ချင်တဲ့သူတွေ ဖြစ်ပါတယ်။ သူကိုယ်တိုင်က ဘာမှမလုပ်ချင်ပေမယ့် သူတို့နားမှာ ယှဉ်လာသူတိုင်းကို တွန်းချဖို့ ဘာမဆိုလုပ်ရဲသူတွေဖြစ်ပါတယ်။ ဦးထုပ်တွေက အလကားလူတွေဖြစ်ပါတယ်။ ဒါ့ကြောင့် ဒီလိုလူမျိုးတွေကို သင့်လုပ်ငန်းအတွင်းမှာ ပါဝင်ပတ်သက်မှုမရှိပါစေနဲ့။
၅။ တစ်ကိုယ်ကောင်းသမား
တစ်ကိုယ်ကောင်းသမားတွေက အရည်အချင်းရှိသူတွေဖြစ်ပါတယ်။ ဒါပေမယ့် သူတို့က ကိုယ့်အတွက်ပဲ ကိုယ်ကြည့်တတ်သူတွေဖြစ်ပါတယ်။ အဖွဲ့အစည်းလိုက်လုပ်ဆောင်ရတဲ့ နေရာမျိုးမှာ အသုံးဝင်မှာ မဟုတ်ပါဘူး။
၆။ သဘောထားကွဲသူ
လုပ်ငန်းတစ်ခုကို စတင်တည်ထောင်တဲ့အခါမှာ သူ့ဘက်ကိုယ့်ဘက် အပြန်အလှန် သည်းမခံပေးနိုင်သူတွေနဲ့ လည်း အတူတူလုပ်ရတတ်ပါတယ်။ ဒီလိုကြုံလာပြီဆိုရင် အဓိကအနှောက်အယှက်တွေ ဖြစ်လာနိုင်ပါတယ်။ ဒီလိုသဘောထားချင်းမသင့်မြတ်သူနဲ့ပတ်သက်လို့ အဓိကသိထားရမှာက သင့်ကိုယ်သင်လက်မခံနိုင်တဲ့အချက် တွေကြောင့် ဒါမှမဟုတ် သင့်ကိုယ်သင်အဟုတ်ကြီးထင်နေတတ်တာကြောင် ဖြစ်နိုင်ပါတယ်။ ဒါ့ကြောင့် ဒီလိုသဘောထားချင်းမတိုက်ဆိုင်တဲ့သူပါဝင်လာတဲ့အခါမှာ သင့်ကိုယ်သင် လေ့လာဆန်းစစ်ဖို့ အသုံးချပါ။
၇။ အေးရီးစ်
အေးရီးစ်ဆိုတာ စစ်မက်နဲ့ဆိုင်တဲ့ ဂရိနတ်ဘုရားတစ်ပါးရဲ့အမည်ဖြစ်ပါတယ်။ အေးရီးစ်လိုလူမျိုးတွေက ပဋိပက္ခတွေကို သဘောကျပါတယ်။ သူတို့က ဘာမှပြန်ရစရာမရှိပဲ ဆုံးရှုံးမှုတွေကို နှစ်သက်တတ်ကြပါတယ်။ ဒီလိုလူမျိုးတွေကို အမြင်မှန်ရဖို့ ပြင်ဆင်ပေးနေရင် အချိန်ကုန်တာပဲအဖတ်တင်ပါလိမ့်မယ်။ လစ်လျူရှုထားပြီး လုပ်ငန်းကနေ ထုတ်ပယ်လိုက်တာ အကောင်းဆုံးဖြစ်ပါတယ်။
၈။ ဒိုင်အိုနိုင်းဆပ်
ဒိုင်အိုနိုင်းဆပ်ကတော့ ၀ိုင်၊ ပါတီနဲ့ သာယာမှုဆိုင်ရာ ဂရိနတ်ဘုရားတစ်ပါးဖြစ်ပါတယ်။ ဒိုင်အိုနိုင်းဆပ်လို လူမျိုးတွေက အပျော်ရှာသူတွေဖြစ်ပြီး လိုချင်တာချက်ချင်းမရရင် စိတ်မရှည်တတ်ကြသူတွေဖြစ်ပါတယ်။ ဒီလိုလူမျိုးတွေပါဝင်လာပြီဆိုရင် အပျော်အတွက်နဲ့ အချိန်အလားကားပြုန်းတီးသွားတတ်တဲ့အတွက် ဂရုစိုက်ဖို့ လိုပါတယ်။ သူငယ်ချင်းမိတ်ဆွေတွေနဲ့ ပျော်ပျော်နေတတ်ဖို့ လိုတယ်ဆိုပေမယ့် လုပ်ငန်းတစ်ခု စတင်တည်ထောင်နေချိန်မှာ အကျိုးမဲ့အချိန်ကုန်ဆုံးနေတာမျိုးတော့ မဖြစ်သင့်ပါဘူး။
၉။ ကြောင်နက်
လုပ်ငန်းအတွင်းကို ၀င်လာပြီး ဒုက္ခပေးတတ်သူမျိုးကို ကြောင်နက်တွေအဖြစ် သတ်မှတ်ပါတယ်။ သူတို့က ကံဆိုးမတွေဖြစ်ပြီး သွားလေရာကို မိုးလိုက်ရွာနေတတ်ပါတယ်။ ကြောင်နက်တွေက မကောင်းမြင်တတ်တဲ့ ကံဆိုးသူတွေဖြစ်ပြီး အမြဲတမ်းလည်း စိတ်ဓာတ်ကျနေတတ်ပါတယ်။ သူတို့အတွက် သွားမခံစားပေးမိပါစေနဲ့။ သူတို့ကိုလည်း လုပ်ငန်းထဲပါဝင်ပတ်သက်မှု မရှိပါစေနဲ့။
၁၀။ ကြောင်ပါး
ကြောင်ပါးတွေကတော့ သင့်လုပ်ငန်းထဲကို ငွေလုံးငွေရင်းနဲ့ ၀င်လာပြီး အားလုံးကို ဖန်တီးပေးနိုင်တဲ့သူတွေ ဖြစ်ပါတယ်။ သူတို့က နာမည်ရလုပ်ငန်းကြီးတွေက ရင်းနှီးမြုပ်နှံသူတွေဖြစ်တယ်ဆိုရင်တောင်မှ သူတို့ရဲ့မက်လုံးမှာ မျောမသွားမိပါစေနဲ့။ သူတို့က သင့်လုပ်ငန်းကို ထိန်းချုပ်ပြီး သူတို့အတွက် ငွေရှာချင်ကြတယ်ဆိုတာကို နားလည်ဖို့လိုပါတယ်။
